
الرجل البدين
عارفة أصلًا إن ليكي أي حقوق في الشركة، قررت تدخل حياتك بطريقة تانية.
قلت پصدمة
عن طريق الجواز؟
هز راسه.
أيوه. كانت عايزة تتجوزيني منك، وبعدها تخليكي توقعي على توكيلات واتفاقات مالية من غير ما تفهمي قيمتها الحقيقية. وكنتِ هتكتشفي بعد فوات الأوان إنك تنازلتي عن كل حقوقك.
بصيت لنادية.
كانت واقفة ووشها شاحب، لكن عينيها لسه مليانة تحدي.
إنتوا كلكم بتكدبوا! أنا عملت كل ده علشان مصلحة ابني.
جاك رد بصوت عالي لأول مرة
مصلحتي؟! إنتِ حتى مرضي استغلتيه علشان تفضلي مسيطرة عليا!
وبعدين بصلي وقال
أنا اكتشفت موضوع أسهمك قبل ما نتقابل بحوالي شهرين. كنت بدور في أوراق الشركة، ولقيت اسم والدك. ومن خلال المحامي عرفت إنك الوريثة الشرعية للنسبة دي.
سألته
يعني إنت كنت عارف إني وريثة قبل ما تتقدملي؟
رد بعد تردد
أيوه.
وكنت عارف إن أمك اختارتني علشان أسهم أبويا؟
أيوه، لكن لما عرفت نيتها، حاولت أوقفها.
ضحكت بمرارة.
وأنا؟ أنا كنت إيه في كل ده؟ كنت مجرد بنت اختارتوها في لعبة بينكم؟
جاك قرب مني وقال
لا يا منى. أنا حبيتك، وده مش كلام بقوله علشان أخرج من الموقف. أنا عارف إني غلطت
لما خبيت عنك، وعارف إن ده ممكن يخليني أخسرك، لكن مش هكدب عليكي تاني.
بصيتله وقلت
إنت كنت عارف إن فيه ورق متجهز باسمي، وعارف إن أمك بتخطط تستغلني، ومع ذلك خليتني أدخل الكنيسة وأتجوزك من غير ما أعرف حاجة؟
ما عرفش يرد.
وفي اللحظة دي، الأستاذ فؤاد قال
فيه نقطة أخيرة لازم تتعرف.
طلع ورقة من الملف وقال
الاتفاق اللي كان في الظرف ده مش الاتفاق الوحيد. فيه عقد تاني، اتعمل بعده بشهر، وبيوضح إن السيدة نادية كانت ناوية تعين نفسها وصية على ممتلكات ابنها، بحجة إن حالته الصحية بتمنعه من إدارة شؤونه.
جاك قال
وده اللي كنت بحاول أثبته من شهور.
المحامي كمل
لكن المشكلة إن فيه مستندات طبية اتقدمت للمحكمة بتقول إن جاك غير قادر على اتخاذ قرارات مالية مستقلة، وبعض التقارير دي مش صحيحة.
نادية صړخت
كفاية! مش هسمحلكم تكملوا!
لكن المحامي فتح صفحة أخيرة وقال
والأخطر إن فيه توقيعات منسوبة لأطباء، والدكاترة دول أنكروا إصدار التقارير دي.
في اللحظة دي، فهمت إن الموضوع مش مجرد أم متحكمة في ابنها.
كان فيه تزوير وتلاعب وفلوس وأسهم وحقوق ناس اتسلبت.
لكن جاك كان لسه مخبي عني حاجة.
لفيت
ناحيته وسألته
إنت ليه اخترت تتجوزني فعلًا؟ عايزة إجابة من غير لف ولا دوران.
بصلي طويلًا، وبعدها قال
لأني كنت عايز أعيش حياة طبيعية لأول مرة من سنين. ولما شوفتك، حسيت إنك الوحيدة اللي اتعاملت معايا من غير ما تبص لوزني أو فلوسي. لكن لما عرفت إنك صاحبة الأسهم اللي أمي بتدور عليها، خۏفت أقولك الحقيقة وأخسرك قبل ما نبدأ.
قلتله
يعني كان فيه جزء من جوازتنا علشان تهرب من أمك، وجزء تاني علشان تحميني من مخططها؟
قال
أيوه. وده مش عذر للي عملته.
سكت شوية، وبعدها قلت
أنا مش عارفة إذا كنت بحبك ولا لأ دلوقتي. كل اللي أعرفه إني مش هكون جزء من أي مخطط تاني، ومش هوقع على أي ورقة من غير ما محامي خاص بيا يراجعها.
جاك هز راسه وقال
من حقك.
لكن نادية كان ليها رأي تاني.
قربت مني وقالت بصوت منخفض لكنه مليان ټهديد
إنتِ فاكرة إنك كده كسبتي؟! إنتِ مش عارفة ډخلتي نفسك في إيه. الأسهم دي مش هتكون ليكي طول ما أنا عايشة.
بصتلها وقلت
اللي يخصني هاخده بالقانون. ومش هسمحلك تسرقي حقي زي ما حاولتي تسرقي حياة ابنك.
في اللحظة دي، نادية مدت إيدها ناحية الظرف وحاولت تاخده من على الترابيزة.





