رواية الغرباء كاملة بقلم حماده هيكل
كان عارف السبب .. بس اللي سمعته فيما بعد ان كان فيه مشكلة كبيرة بين عيلة محمد و العيله بتاعت المجموعة ديه .. مشكلة ډم .. ورث .. نسب!! مش عارف ..
عدا الترم الأول و أجازة نص السنة
و بعد بداية الترم التاني بشهر و نص تقريبا .. في يوم نزلت الفسحه و نسيت آخد كيس السندوتشات بتاعي من الشنطة ..
اليوم ده محمد كان غايب ..
المهم ..
طلعت تاني الفصل أجيب كيس السندوتشات.. روحت أفتح باب الفصل لاقيته مقفول .. حاولت أتعافى عليه شويه .. برضه ماقدرتش افتحه… روحت أبص م الشباك اللي بيبص على الطرقه أشوف حد جوه يفتحلي الباب ..
فاكر كويس أوي المنظر اللي شفته …
عمره ما راح من دماغي من عشرين سنة ..
شفت الستة قاعدين على ديسك في آخر الفصل .. جنب بعض
فاردين حبل تخين فوق الديسك ..
الحبل معقود ست عقد .. المسافه بينهم متساويه ..
الست أشخاص كانوا مقربين على الحبل .. كل واحد مقرب من عقدة .. بيتكلموا كلام مش مفهوم .. تقريبا مكنتش سامعه .. و بعد جمل معينه .. يوقفوا الكلام و ينفخوا كل واحد في العقدة اللي قدامه .. بعد كده بدلوا أماكنهم .. و برضه قعدوا يكلموا العقد كأنهم بيواشوشوها ..
و ينفخوا ..
مش فاهم ايه اللي بيحصل .. قعدو كده حوالي ربع ساعه ..
مكنتش عارف بيعملوا ايه .. وطبعا نسيت السندوتشات … و الفسحه خلصت و اليوم عدا
رجعت البيت و نسيت كووووول اللي حصل ..
في اليوم التالي .. وقفنا الطابور الصباحي كعادة كل يوم .. بس محمد برضه كان غايب .. و ديه حاجه غريبه .. هو أصلا مابيغبش ..
المهم .. الطابور خلص
.. طلعنا الفصل .. فتحنا الباب علشان ندخل … و هنا كان أصعب حاجه ممكن يشوفها أ طفال في خامسه ابتدائي …
محمد كان مشنوق في نص الفصل
إنتحر !!
حالة هلع وصړاخ اصاب جميع التلاميذ
مع ذهول وتعجب من أعضاء هيئة التدريس من اللي حصل
الكل
كان بيجري وخاېف من المنظر
شوفت المجموعه دي في عيونهم نظرة أنتصار
وتلذذ بمنظر محمد
كان نفس الحبل هو اللي كانوا
ماسكينه وبيقروا عليه تعويذاتهم العجيبة
حصلت لي صدمة نفسية من الي حصل
ومقدرتش اروح للمدرسة واخدت اجازه اسبوع وفضلت
نايم في البيت وصحتي ساءت لا أكل ولا شرب
ولا عايز اكلم حد
حاول أهلي يخرجوني من اللي انا فيه بس معرفوش
والدكتور قالهم يمشي ع العلاج ومحدش يضايقه
او يزعله ويستحسن تاخدوه وتفسحوه
عشان يغير جو..وكل محاولاتهم معايا عشان أخرج
واتفسح فشلت وطلبت يسيبوني لوحدي
بالليل باب أوضتي خبط
امي دخلت وقالت صحابك جايين يطمنوا عليك
أستغربت ..مين صحابي انا مكنتش مصاحب غير محمد بس
خليهم يتفضلوا
اول ما شوفتهم حسيت پخوف وړعب
مجموعة الستة الغرباء
سلموا عليا واحد ورا التاني وقعدوا حولين مني
وماما قالت هسيبك انا مع زمايلك
ابتسموا
