عصفورة الجنة
الحمد لله على لطفه وكرمه
وكل الشكر والتقدير والاحترام لرجال الشرطة المصرية، والإسعاف، وأطباء مستشفى المنصورة الدولي…
أنتم فعلًا أبطال حقيقيين
تم توثيق لحظات الإنقاذ علشان الناس تشوف قد إيه في رجالة بتضحي بروحها علشان تنقذ غيرها.
كلمات تقطع القلب من والدة عصفورة الجنة الطفلة
تيا محمد خفاجي
“مكنتش أعرف إن دي آخر صورة لينا مع بعض يا حبيبتي…
في لحظة بريئة، وقفتي على الكرسي…
وثواني كانت كفيلة تغيّر حياتي كلها…
جريت أنقذك، حاولت أوصلك،
لكن القدر كان أسرع من كل حاجة…
يا تيا…
إنتي كنتي أجمل حاجة في عمري،
ضحكتك كانت دنيا كاملة بالنسبالي،
وحضنك كان أماني الوحيد…
كنتِ دايمًا تقوليلي: (أنا عايزاكي)…
وأقولك: (وأنا كمان عايزاكي)…
وأنا لسه عايزاكي يا تيا…
انتي جميلة قوي على الدنيا دي…
ربنا اختارك عنده عشان تكوني من طيور الجنة
اللهم ارحمها رحمة واسعة، واجعلها شفيعة لوالديها، واربط على قلب أمها وأهلها يا رب
فارقت الحياة الطفلة عصفورة الجنة، تيا محمد خفاجي، التي سقطت من #المركب في نيل المنصورة يوم ثالث أيام العيد
اللهم ارحمها رحمة واسعة، واربط على قلب والديها، إنّا لله وإنّا إليه راجعون
