قصص قصيرة

قرر أخي الزواج على زوجته حكاوي شيمو

خويا قرر يتجوز على مراته، ولما عرف إنها بطلت تشارك في مصاريف البيت، هددها بالطلاق! لكن المفاجأة إن مراته قالت له جملة خلتنا كلنا نسكت أخويا متجوز بقاله 7 سنين، وعنده طفلين، هو ومراته الاتنين بيشتغلوا، ومن أول يوم جواز اتفقوا إن مصاريف البيت تتقسم بينهم بالنص، لا هو يشيلها فوق طاقته ولا هي تشيل فوق طاقتها، وكل واحد فيهم عارف مسؤولياته.
والحقيقة إن حياتهم كانت مستقرة، مفيش مشاكل كبيرة ولا خناقات مستمرة، ودايمًا كنا بنقول إنهم من أنجح الجوازات في العيلة. لكن من فترة أخويا بدأ يتغير، وبقى يقول إنه مش مرتاح، وإنه حاسس إن فيه حاجات كتير بينه وبين مراته مش متوافقين فيها، وإن مشاعره ناحيتها اتغيرت ومبقاش حاسس بنفس الحب اللي كان في الأول.
حاولنا نفهم منه إيه اللي حصل، وهل مراته مقصرة معاه في حاجة، لكنه كان دايمًا يرد بنفس الكلام مفيش حاجة معينة أقدر أقول إنها غلطانة فيها، بس أنا مش حاسس إني سعيد، ومش عايز أكمل باقي عمري وأنا حاسس إني مش مرتاح.
لحد ما في يوم اكتشفنا إنه اتعرف على واحدة من معارفي، وصاحبتي من زمان، وبصراحة أنا أعرف البنت وأهلها كويس جدًا. في الأول كان مجرد كلام، وبعد كده الموضوع اتطور، وكل واحد فيهم بدأ يتعلق بالتاني، لحد ما أخويا صارحها إنه متجوز وعنده طفلين.
الغريب إنها مرفضتش، بالعكس قالت له إنها عارفة ظروفه وموافقة تتجوزه زوجة تانية، وأهلها كمان مفيش عندهم اعتراض طالما الجواز رسمي وعلى سنة الله ورسوله. أخويا قرر ياخد الموضوع بجد، وبدأ يدور على شقة، وفعلاً لقى شقة مناسبة وابتدى يجهزها، وكان مخبي كل ده عن مراته.
ولما سألناه ليه مخبي عنها، قال أنا عارف إنها مش هتقبل، وأول ما تعرف هتقلب الدنيا، وممكن الموضوع يوصل للطلاق، وأنا مش عايز أخسر بيتي ولا ولادي. لكن اللي مكانش في حسابه إن مراته هتعرف قبل ما الشقة تخلص!
ومن يومها البيت اتقلب تمامًا. مراته واجهته وقالت له إنت بتجهز شقة وناوي تتجوز عليا من ورايا؟ وإحنا عايشين مع بعض وبنربي ولادنا، وإنت بتخطط لحياة تانية وأنا آخر واحدة تعرف؟ حاول يبرر وقال لها أنا مش بعمل حاجة في الحرام، والموضوع جواز رسمي، ومش ناوي أظلمك ولا أقصر مع ولادي.
ردت عليه بوجع هو أنا قلت لك إنك هتعمل حاجة في الحرام؟ أنا بتكلم عن العشرة اللي بينا، وعن إنك قدرت تخطط لكل ده وتخبي عليا، وإنت عارف إن لينا بيت وولاد ومسؤوليات! ومن هنا حصلت المفاجأة الأولى مراته قالت له إنها من النهارده مش هتدفع جنيه واحد في مصاريف البيت!
قال لها باستغراب يعني إيه مش هتدفعي؟ ما إحنا متفقين من أول جوازنا إن كل واحد يشيل النص! قالت له الاتفاق ده كان بين اتنين عايشين حياة واحدة وبيخططوا لمستقبل واحد، إنما إنت قررت تدخل واحدة تانية حياتك وتفتح بيت تاني، يبقى شيل قرارك لوحدك.
أنا هصرف على نفسي، لكن مصاريف البيت والولاد مش هشارك فيها بالطريقة اللي كانت بتحصل قبل كده. أخويا اتعصب وقال لها إنتِ كده بتعاقبيني؟ أنا عمري ما قصرت معاكي، وكنت شايل نص البيت بالظبط زيك!
قالت له وأنا عمري ما قصرت معاك، وكنت بشتغل وأرجع أشاركك في كل حاجة، لكن عمري ما تخيلت إن الفلوس اللي بوفرها عشان بيتنا وأولادنا، تساعدك دلوقتي تجهز بيت لواحدة تانية! ومن ساعتها بقت تدفع مصاريفها الشخصية بس، وامتنعت عن المشاركة في باقي مصاريف البيت، حتى مصاريف الأطفال بقت بتطالب أخويا إنه يتحملها.
أخويا اتزنق جدًا، خصوصًا إنه بيجهز الشقة الجديدة، وعنده مصاريف البيت الأول ومدارس الولاد واحتياجاتهم، وبدأ يحس إنه مش قادر يوازن بين كل الالتزامات دي. وفي وسط الخلاف قال لها لو فضلتي مصممة على موقفك ده، يبقى الانفصال أحسن، أنا مش هقدر أكمل بالشكل ده!
ردت عليه بكل هدوء إنت اللي قررت تتجوز، وإنت اللي بدأت تخطط لحياة جديدة، متجيش دلوقتي تحط عليا مسؤولية قرار إنت أخدته بمزاجك، وتهددني بالطلاق عشان أرجع أساعدك تجهز بيتك التاني! إحنا كأهله حاولنا نتدخل ونصلح بينهم، وقلنا لها فكري في ولادك، سبع سنين عشرة مش قليلة، ومش لازم كل حاجة تنتهي بالطلاق.
قالت لنا وأنا مين فكر فيا؟ هو فكر في نفسه وفي حياته الجديدة، وأنا مطالبة أفضل أساعده وأوفر له الفلوس عشان يقدر يبدأ حياته التانية؟ هو أنا شريكة حياته وقت ما يكون محتاج فلوسي بس؟
الكلام بصراحة وجعنا، لأننا مش عايزين البيت يتخرب، وفي نفس الوقت أخويا شايف إنه مش بيعمل حاجة حرام، وإن من حقه يتجوز طالما قادر ومش مرتاح في حياته الأولى. لكن اللي حصل بعد كده كان أغرب من كل اللي فات!
أنا كان عندي شك إن واحدة من صحباتي هي اللي وصلت الخبر لمراته، خصوصًا إنها كانت زمان بتحاول تقرب من أخويا، وبتلمح إنه عاجبها، ولما عرفت إنه ناوي يتجوز صاحبتي التانية، حسيت إنها ممكن تكون قالت لمراته بدافع الانتقام. لكن لما واجهتها وأنكرت، بدأت أشك في حاجة تانية.
لأن مراته في آخر مواجهة بينهم قالت له جملة محدش فينا قدر يفهم معناها إنت فاكر إني عرفت من صاحبتك؟ أنا عرفت

1 2 3الصفحة التالية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى