قصص قصيرة

زوجة ابني لا تنجب

ورقة مكتوب عليها تاريخ.
فتح واحدة.
كانت أكلة بيحبها.
وبجنبها ورقة
لو أحمد جه متأخر، سخنيله الأكل.
قعد على الكرسي.
افتكر كام مرة دخل الشقة مستعجل، وأكل لقمتين ومشي.
وكم مرة كانت بتقوله
اقعد معايا شوية.
فيرد
عندي شغل.
فتح درج الكومودينو يدور على شاحن تليفونها.
لقى كراسة صغيرة.
فتحها.
كانت مريم بتكتب فيها من سنين.
أول صفحة قرأها كانت بتاريخ يوم جوازه من نجلاء.
النهارده أحمد اتجوز. أنا حاولت أكون قوية قدامه، وقلتله ربنا يسعدك. بس لما قفل الباب ومشي، حسيت إن البيت كبر فجأة، وإن صوتي بقى بيرجعلي من الحيطان.
قلب الصفحة.
النهارده عرفت إن نجلاء حامل. فرحت لأحمد، والله فرحتله. بس كنت أتمنى لما يرجع يقولي كلمة تطمني إني لسه موجودة في قلبه.
قلب صفحة تانية.
يوسف اتولد النهارده. سمعت الزغاريد من تحت، وكنت عايزة أنزل أبارك لهم، بس خفت أعيط قدامهم فيفتكروا إني مش فرحانة.
أحمد بدأ يعيط.
لكن الصفحة اللي بعدها وجعته أكتر.
النهارده أحمد زعقلي عشان طلبت منه يقعد معايا. قالي إنه مشغول بابنه. أنا بحب يوسف، ومش عايزة آخد أبوه منه. بس هو أنا لما أطلب من جوزي ساعة من وقته أبقى أنانية؟
قفل الكراسة وحطها على صدره.
وبعد شوية فتحها تاني.
كان فيه عنوان مكتوب بخط كبير
الشباك.
وتحته
أنا بقيت بحب أقف ورا الشباك وقت ما كلهم بيتجمعوا تحت. بحس إني قريبة منهم، حتى لو محدش شايفني. ساعات بتمنى ماما ترفع راسها وتنادي عليا. أنا مش عايزة منهم حاجة، غير إني أقعد وسطهم من غير ما حد يجرحني.
أحمد حط إيده على بقه عشان يكتم عياطه.
كملت مريم
النهارده ماما شافتني ورا الشباك، وضحكت هي وبناتها. قفلت الستارة بسرعة. فضلت واقفة وراها أسمع ضحكهم، وبعدين دخلت أوضتي. أنا مش زعلانة إنهم بيضحكوا، أنا زعلانة إني بقيت سبب ضحكهم.
ساعتها أحمد افتكر كل مرة كان بيشوفها واقفة فوق.
افتكر إنه كان ساعات يرفع إيده يسلم عليها، وبعدين يرجع يكمل قعدته مع نجلاء.
مكنش يعرف إنها كانت بتستنى منه يطلع.
وفي آخر الكراسة، لقى ورقة مختلفة.
كانت مكتوبة من أيام قليلة.
أنا تعبانة بقالى فترة، والدكتور طلب مني فحوصات مهمة، بس أحمد مشغول، وماما مش بتحب تسمعني. أنا خاېفة أروح لوحدي. يمكن بكرة أقدر أكلم حد فيهم.
وتحتها جملة
نفسي لو تعبت ألاقي حد ماسك إيدي، مش عشان خاېف يخسرني، لكن عشان بيحبني.
أحمد قفل الكراسة.
وقعد على الأرض جنب السرير، وفضل يعيط زي الطفل.
في المستشفى، بدأت حالة مريم تتحسن شوية مع العلاج، لكنها كانت لسه ضعيفة، والدكاترة منتظرين نتائج فحوصات إضافية عشان يحددوا سبب تدهور صحتها.
وأنا كنت بروحلها كل يوم.
في أول زيارة، دخلت لقيتها صاحية.
قربت منها وقلت
عاملة إيه يا مريم؟
ابتسمت.
الحمد لله يا ماما.
قعدت جنبها.
ولأول مرة من سنين، مسكت إيديها.
كانت إيديها باردة وضعيفة.
قلت
إنتِ ليه مقولتيش إنك تعبانة كده؟
بصتلي باستغراب.
قلت يا ماما.
الكلمتين نزلوا عليا تقال.
قلت
إمتى؟
ردت
من أسبوعين، لما كنتِ قاعدة مع نجلاء. قلتلك إني بدوخ ومش قادرة أطلع السلم، وحضرتك قلتيلي إني بدلع.
افتكرت.
افتكرت فعلًا.
كنت يومها بضحك وبقولها
إنتِ ناقصك شغل يشغلك عن التفكير.
حسيت بالخجل.
قلت
معلش يا بنتي، أنا مكنتش أعرف.
مريم ابتسمت.
ولا يهمك يا ماما.
سكتنا شوية.
وبعدين سألتها
إنتِ ليه كنتِ عايزة تكلميني يوم الجمعة؟
بصتلي طويلًا.
وقالت
كنت عايزة أطلب منك طلب.
قلت بسرعة
اطلبي يا مريم.
قالت
لو ربنا كرمني وقومت من التعب ده، ممكن تسمحيلي أقعد معاكي شوية كل يوم؟
حسيت إن قلبي اتعصر.
هي دي كانت أمنيتها؟
بعد كل اللي عملناه فيها، لسه بتطلب تقعد معايا؟
قالت
أنا مش هضايقك، ومش هتكلم في حاجة تزعلك. بس أنا بوحشني قعدة العيلة.
مقدرتش أتكلم.
دموعي نزلت ڠصب عني.
مريم اتخضت.
إنتِ بټعيطي ليه يا ماما؟ أنا قلت حاجة ضايقتك؟
هزيت راسي.
لأ يا بنتي إنتِ مقولتيش حاجة.
كنت عايزة أقولها سامحيني.
لكن الكلمة وقفت في زوري.
لأني لأول مرة حسيت إن كلمة سماح صغيرة أوي قدام اللي عملته فيها.
في اليوم السادس من دخولها المستشفى، الدكتور طلب يقابل أحمد.
دخل عنده، وأنا كنت مستنياه بره.
فضل جوه وقت طويل.
ولما خرج، كان وشه شاحب.
سألته
الدكتور قالك إيه؟
قال
فيه مشكلة كبيرة يا أمي.
قلبي وقع.
مشكلة إيه؟
قعد على الكرسي وقال
الفحوصات بينت إن مريم عندها مرض خطېر، وإن حالتها محتاجة علاج مكثف، وفيه مضاعفات حصلت بسبب تأخر اكتشاف المشكلة.
قلت وأنا بترعش
يعني هتخف؟
بصلي وعينيه مليانة دموع.
الدكتور بيقول إنهم هيعملوا كل اللي يقدروا عليه، بس الحالة حرجة.
قعدت جنبه.
ولأول مرة، أحمد حط راسه على كتفي وعيط.
قال
أنا ضيعتها يا أمي.
قلت
متقولش كده يا ابني، ربنا كبير.
قال
كانت بتترجاني أوديها للدكتور، وأنا كنت بقولها بتتمارض عشان ألف حوالينها.
سكت شوية، وبعدين كمل
أنا كنت فاكر إني عادل عشان سايبها في بيتها وبصرف عليها. مكنتش فاهم إن العدل مش فلوس وبس.
بصيتله.
قال
مريم كانت محتاجة جوز، مش مجرد راجل اسمه مكتوب جنب اسمها في قسيمة الجواز.
الكلام وجعني.
لأني أنا اللي كنت بقوله طول الوقت
طالما سايبها في بيتها، يبقى مش ظالمها.
لكن الحقيقة إننا كنا سايبينها في بيت مليان ناس، وهي عايشة فيه كأنها مش موجودة.
في اليوم السابع، نجلاء جت المستشفى.
دخلت أوضة مريم، وقعدت جنبها.
كانت أول مرة أشوفهم لوحدهم من غير خناق أو كلام جارح.
نجلاء قالت
ألف سلامة عليكي يا مريم.
ردت
الله يسلمك يا نجلاء.
سكتت نجلاء شوية، وبعدين قالت
أحمد بقاله أيام مش بينام، وقاعد هنا طول الوقت.
مريم ابتسمت بحزن.
ربنا يخليه.
نجلاء بصت لها وقالت
أنا مكنتش أقصد أوجعك بالكلام.
مريم سكتت.
نجلاء كملت
يمكن كنت بغير منك، رغم إني أنا اللي عندي يوسف.
مريم بصت لها باستغراب.
قالت نجلاء
كنت بحس إن أحمد لسه متعلق بيكي، فكنت بحاول أثبت إني أهم.
مريم ردت بهدوء
أنا عمري ما حاولت آخده منك يا
نجلاء.
نجلاء نزلت عينيها.
عارفة.
وبعدين سألتها
إنتِ مسامحاني؟
مريم فضلت ساكتة شوية.
وبعدين قالت
أنا تعبانة يا نجلاء، ومش قادرة أتكلم في اللي فات دلوقتي.
نجلاء اتكسفت.
كانت مستنية تسمع كلمة تسامحها وتريح ضميرها.
لكن مريم مكنتش مطالبة تريح حد على حساب ۏجعها.
في اليوم الثامن، أحمد دخل لمريم ومعاه ورد أبيض.
حطه جنبها وقال
فاكرة الورد ده؟
ابتسمت.
كنت بتجيبهولي أول ما اتجوزنا.
قال
أنا آسف يا مريم.
بصتله.
كمل
آسف إني سبتك لوحدك. وآسف إني سمحت لأي حد يجرحك. وآسف إني كنت بشوف دموعك وأعمل نفسي مش شايف.
مريم دموعها نزلت.
قالت
أنا كنت بحبك أوي يا أحمد.
مسك إيديها.
وأنا بحبك.
هزت راسها ببطء.
بس الحب اللي مبيحميش صاحبه من الظلم بيوجع يا أحمد.
مقدرش يرد.
قالت
أنا مكنتش عايزاك تسيب نجلاء ولا ابنك. كنت بس عايزاك تفتكر إني مراتك، وإن ليا حق عليك.
قال
حقك عليا، والله هعوضك.
ابتسمت ابتسامة صغيرة.
نفسي أصدقك.
قال
هتشوفي بنفسك.
لكن مريم بصت ناحية الشباك.
كان فيه شباك كبير في أوضة المستشفى، والشمس داخلة منه.
قالت بصوت ضعيف
أحمد، ممكن تفتح الستارة؟
قام وفتحها.
دخل نور الشمس على وشها.
ابتسمت وقالت
أنا بحب النور بس كنت دايمًا بقف وراه لوحدي.
رجع قعد جنبها.
وسألها
إنتِ كنتِ بتستني إيه وإنتِ واقفة ورا شباك البيت؟
بصتله وعينيها مليانة دموع.
كنت بستنى حد ينادي عليا.
سكت أحمد.
قالت
كنت بستنى أسمع صوتك تقولي انزلي يا مريم، تعالي اقعدي معانا.
غطى وشه بإيده.
لكنها كملت
عارف يا أحمد؟ أنا كنت كل يوم أقول يمكن النهارده.
وبعدين ابتسمت بحزن.
بس النهارده عمره ما جه.
في اليوم التاسع، حالتها اتدهورت فجأة.
الدكاترة دخلوها الرعاية المركزة.
أحمد كان واقف قدام الباب، مش قادر يقعد ولا يتحرك.
وأنا كنت ماسكة سبحة، بدعي ربنا من قلبي.
بناتي وصلوا، ونجلاء جت ومعاها يوسف.
لأول مرة، كنا كلنا مجتمعين عشان مريم.
لكن المرة دي، مكنش فيه ضحك ولا هزار.
كان فيه خوف.
خوف من إننا نكون اتأخرنا.
الدكتور خرج وقال إن حالتها غير مستقرة، وإنهم

الصفحة السابقة 1 2 3 4 5 6الصفحة التالية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى