رشدي أباظة
رشدي أباظة
لما الأطباء كشفوا على رشدي أباظة وعملوا التحاليل والاشعات عرفوا النتيجة ومرضيوش يقولوها لأي حد غير والدته وقال الطبيب لها أنا آسف ياهانم رشدي في مرحلة متقدمة وقتها عرفت الأم إن دي النهاية..
سيطر على الأم عقلها الأوروبي اللي مبيعترفش كتير بالمشاعر الانسانية في اللحظات اللي زي دي وفكرت في الثروة اللي كتبتهاله هو وبنته قسمت وإزاي إن اخواته من أبوه هيورثوا الثروة دي بعد رحيله باعتبار إنه معندوش ولد..
عشان كدة فكرت إنها تستعيد الثروة دي من رشدي أباظة قبل الرحيل عشان كدة فاتحته في الموضوع ومكنش مصدق اللي بيسمعه وقالها أنا ما طلبتش منك تكتبيلي حاجة أنا مش قادر أفسر موقفك قوليلي بصراحة في ايه..
فضل رشدي أباظة لمدة تلت ايام في أوضته مش عايز يشوف حد أو يتكلم مع حد وفهم من كلام أمه أنه على وشك النهاية وده اللي دفعها لاسترداد ثروتها اللي ادتهاله عشان ما تروحش لاخواته من بعده وفعلا نفذ لها اللي هي عايزاه..
