المتحور الجديد
الدور المنتشر اليومين دول — للأطفال والكبار الدور المنتشر حاليًا فروسي في الأساس لكن للأسف بييجي معاه مضاعفات في نسبة كبيرة… وعلشان كده في أطفال وكبار بيحتاجوا مضاد حيوي
حسب الحالة.
الأعراض اللي أغلب الحالات بتمر بيها:
حراره عاليه جدا ممكن توصل 40 درجة
• الحرارة بتستمر أكتر من 3 أيام
• ساعات بتنزل يومين وترجع تعلى من تاني
• الانتكاسات شائعة… الطفل يتحسن يومين ويرجع يتعب تاني
⸻
ليه في ناس بتحتاج مضاد حيوي؟
لأن الفروس ده ممكن يعمل مضاعفات عند جزء من الحالات، زي:
• التهاب أذن وسطى
• التهاب جيوب أنفية
• التهاب رئوي بسيط أحيانًا
وده اللي بيخلي كل شخص ياخد خطة علاج مختلفة حسب حالته.
ليه كل طفل بيظهر عليه بشكل مختلف؟
لأن:
• المناعة مختلفة
• السن مختلف
• في طفل بيحصله التهابات مصاحبة، وفي طفل لأ
وعلشان كده مش كل الحالات بتاخد نفس البروتوكول.
⸻
الجانب المطمئن
الحمد لله…
في آخر أسبوعين، كل الأطفال اللي جالي عندهم الدور وتابعناهم
عدّوا منه بفضل الله بأمان
