اسكريبت بقلم مريم وليد محمد

ورد يا باشا! ورد يا هانم!
لقيت ست كبيرة وقفت وبصتلي
أنت قد أيه يا شاطرة
بصيت على لبسها الل كان بيدل على إنها من بيئة كويسة وشكلها محترم وبعدين بصيتلها
عندي 12 سنة يا هانم.
نزلت لمستوايا وحطت إيديها على كتفي
وأسمك ايه بقى
ابتسمت لها
جميلة أسمي جميلة ياهانم.
بصت لولد كان واقف جنبها وبعدين بصتلي
عندك أخوات ياجميلة
بصيت على الأرض يمكن أفتكرت حاډثة أمي وأختي وكنت هعيط فرفعت راسي بأيديها
هاا! عندك يا جميلة
دمعت ڠصب عني
ماما وزهرة راحوا عند ربنا يا هانم من تلات سنين وأنا عايشة مع أبويا ومراته وبشتغل عشان أبويا يرضى يأكلني.
شفت في عيونها صدمة وعيونها لمعت بالدموع يمكن أول مرة أحس بالدفا والحنان ده بعد مۏت أمي
تعالي وديني بيتكم يا جميلة.
بصت للولد وراها وراحت قيلاله
وأنت يا يوسف أركب العربية يلا وخد جميلة معاك.
بصيت لها
هو حضرتك عايزة أيه يا هانم!
ابتسمتلي
حابة قعدتك مع ابوك ومراته ولا عايزة تتعلمي وتكبري في مكان حلو!
عيوني لمعت وابتسمت
ايوه عايزة اتعلم وابقى ست حلوة وبنت حلوة زيك كده يا هانم.
ابتمستلي
تيتا قوليلي تيتا منى يا جميلة.
ابتسمت
ماشي يا تيتا.
مسكت في أيد الولد اللي اسمه يوسف وركبنا العربية روحت عند ابويا
ياباا في ست عايزاك برا.
دخلت علينا واتكلمت مع بابا وأنا وقفت برا مع يوسف فلقيته ابتسم وقرب مني ومد أيديه
أنا يوسف عندي 14 سنة ودي تيتا منى مامت بابايا وهي طيبة أوي وأنت جميلة صح!
ابتسمتله وبصيت على ايدي اللي مش نضيفة وأيده
أيوه جميلة بس يعني أيدي مش نضيفة وأنت..
لقيته مسك أيدي
أيدك هنغسلها وهتبقي ليدي حلوة وهتلبسي فستان يا جميلة.
هو أنتم ليه شبه الناس اللي في السيما كده أزاي يا يوسف!
ابتسم فبصيت له بهدوء 
أنت حلو اوي.
خرجت تيتا منى وأخدتني معاها العربية الكبيرة اللي ركبت فيها وأحنا جايين قالتلي أني هعيش معاها هي ويوسف وهكمل تعليمي وأبقى ست البنات زي ما هي قالت.
يلا يا جميلة أنزلي.
بصيت لها وبصيت على المكان اللي قالتلي انزلي فيه
هنا!
ابتسمتلي
أيوه يلا.
نزلت فلقيت قصر كبير أوي لا لا مش قصر ده حاجة كبيرة كده شبه قصور المسلسلات فيه أرض خضرا وفيه مية زي المصايف كده فيه كل حاجة ابتسمت ولقيت يوسف بيمسك أيدي
يلا يا جميلة.
بصيت له ولتيتا منى ودخلت.
بعد عشرة أعوام في قصر كبير تجلس فتاة في شبابها أمام المرآه تضع بعد مستحضرات التجميل البسيطة وترتدي خمارا بسيط على فستان طويل تنظر لصورة تجمعها بأهلها من ثم تغلق الغرفة وتخرج 
جميلة! يا جميلة
رديت وأنا نازلة
أيوه يا تيتا نازلة أهو.
نزلت بوست أيد تيتا
صباح الخير يا تيتا صباح الخير يا عم أسماعيل.
صباح الخير يا عيون
تيتا.
ابتسمتلها
الحلو مبسوط أوي كده ليه النهاردة
بصتلي وضحكت
يوسف راجع يا چوچو يوسف راجع.
حسيت بفرحة غريبة في قلبي أفتكرت كل شيء ووعود يوسف ليا قبل ما يمشي ويسيبنا عشان يكمل
دراسته برا ابتسمتلها
يااه! يوسف أخيرا