مكالمه 911

اللي قدامك ده اختفى ومبقاش ليه أي أثر بس قبل ما يختفي بدقايق عمل أغرب مكالمة طوارئ ممكن تسمعها في حياتك المكالمة اللي اتسجلت بصوته بقت آخر دليل على وجوده وسبب إن قضيته لحد النهارده محدش قدر يحط لها نهاية واضحة
اسمه براندون لوسون شاب عنده 26 سنة متجوز وعنده طفلين خرج من بيته بعد خناقة عادية مع مراته ركب عربيته وساق في طريق صحراوي مهجور في تكساس الطريق ده معروف إنه مفيهوش بيوت ولا حياه ظلام وصحرا ساكته ومساحات مفتوحة وفي نص الليل العربية فضلت تمشي لحد ما البنزين خلص وبراندون ركن على جانب الطريق ومن اللحظة دي اختفى كل شيء طبيعي
اتصل بأخوه وقاله إنه محتاج بنزين لكن صوته كان متوتر وكأنه في حاجة أكبر من مجرد بنزين خلص وبعدها بدقايقعمل مكالمة رسمية للشرطة صوته كان مقطع بيتنفس بسرعة بيقول إنه خبط في حد أو قابل ناس لكنه مكانش بيتكلم بصيغة المفرد كان بيقول هما وبيقول هما واصلين وبيقول أنا بجري منهم والمكالمة نفسها لحد النهارده العلماء حللوها وملاقوش تفسير واضح لكلامه الشرطة اتحركت للمكان لقوا العربية زي ما هي شغالة الأبواب مفتوحة لكن صاحبها اختفى لا خط دم لا أثر معركة لا حتى اتجاه للمشي الأرض كانت ناعمة والتراب كان سايب ومع ذلك مكنش فيه أي خطوة تدل إن بني آدم نزل من العربية
أخوه وصل قبل الشرطة وحكى إنه سمع صوت براندون بيقول أنا هنا بس لما نادى عليه محدش رد وبعد ثواني الصوت اختفى وكأنه مكنش موجود الشرطة شكت إنه هرب من القبض عليه لأن كان عليه قضية قديمة لكن السؤال المنطقي اللي بيهرب من الشرطة بيتصل بيهم واللي عايز يستخبى بيسيب عربيته شغالة في نص طريق صحراوي
المنطقة كلها اتقلبت فرق إنقاذ مروحيات كلاب بوليسية متطوعين مفيش حرفيا ولا خيط واحد ولا حذاء ولا هدوم ولا تليفون وكأن الطريق بلعه ليلة ورا ليلة والبحث وقف لكن صوت مكالمته انتشر بقى كل واحد يسمعه يحاول يحل اللغز بعض الناس قالوا إنه شاف حاجة مش بشرية بعضهم قال عصابة والبعض قال إنه كان بيهذي لكن تسجيل 911 كان فيه صوت تاني صوت خافت في الخلفية مش مفهوم الشرطة أنكرت وجوده لكن المحللين سمعوه
مرت السنين والقضية متقفلتش أهله مقتنعين إنه ما ماتش وإنه اتسحب مش اختفى زوجته قالت إنها مش بتدور على جثه هي بتدور على باب مرجعش منه وفي 2019 الشرطة رجعت بنفسها بالمعدات الحديثة عملوا مسح للأرض وتحت الأرض ماطلعش أي عظم ولا حتى زرار وده اللي خلى كل حاجة تتقلب لأن الوقت مش بيخفي البقايا الطبيعة ما تمحيش إنسان بالكامل إلا لو الحاجة اللي أخدته مكانتش من الطبيعة نفسها
آخر الكلام جاي من صوته آخر كلمة قالها قبل ما الخط ينقطع قال
I need the cops pleaseno أنا محتاج الشرطة لأ أرجوك
كأنه بيخترف أو بيقول أي كلام بس بعدها مفيش لا صرخة ولا صوت ولا حياة كأنه اتحط في مكان محدش يعرفه أو اتنقل عالم محدش يرجع منه
دلوقتي كل اللي فاضل من الراجل ده مكالمة بتتسمع على الإنترنت وصورة لعربية واقفة وسط الطريق وسؤال واحد في دماغ كل اللي يعرف القصة
هو هرب ولا اتسحب ولا الطريق ده مش بيبلع عربيات بس ممكن يبلع إنسان
النهاية