روحت لوحدي اعمل سونار

لسه بتطمنها لكن فعلا بطنها بدأت تشد ونورسين قالت بتوجع
آه في ۏجع غريب ماسكني من تحت
دخلت الممرضة بسرعة
دكتورة جوزها بره بيقول إنها بتولد!
الدكتورة رفعت حاجبها بدهشة
بتولد إيه إحنا لسه في التامن بس استنى
ركزت أكتر حطت الجهاز سألت نورسين
بتحسي بتقلصات بتيجي وتروح
آه من امبارح بس كنت فاكرة ده مغص عادي.
وش الدكتورة اتغير شوية
يا بنتي ده ممكن يكون ولادة مبكرة! لازم نتصرف حالا.
دخل محمود من غير ما يستأذن أول ما شافها على السرير عينيها مليانة دموع وبطنها مكشوفة حس الدنيا كلها بتتلخبط.
نورسين!
هي أول ما شافته عينها اتسعت بين الدهشة والراحة والڠضب في نفس الوقت
إنت هنا
قرب منها مسك إيدها بقوة كأنها طوق نجاة
آه أنا هنا آسف آسف إني ما كنتش معاك من الأول.
الدكتورة قالت له بسرعة
لو سمحت إهدى مراتك عندها تقلصات ممكن تكون بداية ولادة مبكرة لازم ننقلها المستشفى فورا.
الكلمة نزلت عليه زي الصاعقة.
ولادة دلوقتي في الشهر التامن
حس ركبته بتتهز.
طب طب هو البيبي كويس
لحد دلوقتي النبض كويس بس ما نضيعش وقت.
العربية الإسعاف كانت واقفة تحت بعد أقل من دقائق نورسين على النقالة محمود ماسك إيدها مش راضي يسيبها ثانية.
وهي في طريقها للمستشفى كانت الدموع بتنزل من عينها بس مش عارفة هل من الخۏف ولا من الراحة إنه أخيرا جنبها
قالت بصوت متقطع
كنت عايزة اللحظة دي بس مش بالشكل ده.
أنا الغلطان أنا كنت مفكر إني لما أشتغل وأوفر أبقى كده بعمل الصح بس نسيت إن الصح إني أكون معاكي جنبك.
ليه مجيتش معايا من الأول
خفت خفت من المسؤولية وخفت عليك وخفت من نفسي بس اكتشفت إن خۏفي الحقيقي إني أخسرك.
هي بصت له ومسكته من إيده بقوة
متسبنيش تاني.
مش هسيبك ولا ثانية.
في المستشفى الدكاترة اتجمعوا فحوصات تحاليل دخول أوضة ولادة استعدادا.
محمود واقف برا الأوضة لابس لبس التعقيم إيده بتترعش وهو يعدي صابع بإيده التانية.
كل ما يسمع صړخة من جوه يحس إن قلبه بيتقطع.
شريف اتصل عليه
إنت فين يا عم المدير بيسأل.
في المستشفى نورسين هتولد بدري.
يا ساتر طمنا عليها بس.
سابه وفضل يدعي
يا رب يا رب ما تحرمنيش منهم يا رب لو قصرت سامحني بس اديني فرصة أصلح.
جوه أوضة الولادة نورسين بتحارب بين الألم والخۏف والدكتورة فوق رأسها بتشجعها
شدي نفس كمان شوية إنتي شاطرة البيبي قريب جدا.
في لحظة وسط الألم افتكرت أول مرة حلمت إنها تبقى أم. كانت صغيرة بتلعب بالعرايس تقعد تسرح شعرهم وتنيمهم وتقول شووو نامي يا بيبي.
افتكرت لما قالت لمحمود
نفسي في بيت صغير وبيبي يملاله.
وهو ضحك وقال
هيبقى أحلى بيت وأجمل بيبي.
دمعة نزلت من عينيها وبصوت مبحوح قالت
ما تخذلنيش يا محمود ما تسبنيش.
الدكتورة افتكرت جوزها اللي كان واقف بره المڼهار وقالت لها
هو مستني بره ومړعوپ عليك صدقيني بيحبك.
بعد دقائق طويلة صرخات تعب عرق
سمع فجأة صوت صړخة تانية بس دي مختلفة.
رفيعة نقية أول بكاء لروح جديدة.
الدكتورة ابتسمت
ما شاء الله! بنت جميلة.
نورسين اڼهارت في بكاء صامت ووشها بقى مبلول بالدموع والعرق
سموها سموها إيه
الدكتورة سألت
متفقين على اسم
كنا كنا بنفكر في اسمين

بس ما اتفقناش نستنى محمود.
بره محمود سمع صوت البكاء. وقف قلبه نط من مكانه.
ممرضة خرجت بابتسامة
مبروك يا بابا ربنا رزقك ببنت.
الكلمة دي بابا دخلت قلبه جوه عملت صوت خبطت في كل الجدران اللي بناها حوالين مشاعره.
بنت
أيوه وبصحة كويسة ومراتك كمان الحمد لله بس محتاجة ترتاح.
عينه دمعت لأول مرة من سنين.
أقدر أشوفهم
دخل الأوضة بهدوء شاف نورسين على السرير شاحبة بس في ملامحها سلام عجيب. على صدرها كانت في لفة صغيرة وردية ووشها