مراتي لقت اختبار حمل في الزباله

المرة دي واضح
قالت
سيبها هي ليا
رجعت لورا بسرعة وجرّيت على ندى
امشي! حالًا!
مسكتها ونزلنا على السلم
وأنا بفتح باب الشقة
سمعنا صوت حاجة بتجري وراينا جوه البيت بسرعة غير آدمية
خرجنا وقفلت الباب ورايا وإيدي بتترعش
نزلنا الشارع وقفنا في نص الطريق
نبص لبعض
أحياء بس مش فاهمين إحنا نجينا من إيه
عدّت أيام واستقرينا في شقة تانية
كل حاجة بدأت تهدى
ندى بطلت ټعيط وأنا حاولت أنسى
لحد ما
في يوم كنت برمي الژبالة
لقيت كيس صغير واقع على الأرض
كيس أسود
مفتوح نص فتحة
ومن جواه حاجة باينة
إيدي اترعشت بس فتحته
وكان جواه
اختبار حمل
بخطين وردي
رفعت عيني ببطء
لقيت ندى واقفة في البلكونة
بتبصلي
وبتحط إيدها على بطنها
وبتبتسم ابتسامة مش بتاعتها
فضلت واقف مكاني الكيس في إيدي وقلبي بيدق بطريقة غريبة مش خوف بس إحساس تقيل كأن في حاجة بتضغط على صدري من جوه
بصيت لندى تاني
كانت لسه واقفة نفس الابتسامة بس المرة دي عينيها كانت ثابتة عليّ بشكل مرعب من غير رمش من غير أي تعبير إنساني
قولت بصوت مبحوح ندى؟
ما ردتش
بس إيدها اتحركت على بطنها ببطء وكأنها بتحس بحاجة جواها
خطوة وخطوة طلعت أجري على السلم دخلت الشقة وأنا بترعش
إنتي كويسة؟!
قربت منها
وهنا حصلت الحاجة اللي عمري ما هنساها طول حياتي
ندى بصتلي وابتسامتها وسعت بشكل مش طبيعي لدرجة إن شفايفها اتمدت زيادة عن المفروض
وقالت بصوتين صوتها وصوت تاني معاه أعمق أخشن
اتأخرت
رجعت لورا ڠصب عني
اتأخرت على إيه؟!
ضحكت ضحكة خفيفة بس وراها صدى تقيل
وقالت هي دخلت البيت بدري بس الجسم كان لسه فاضي
جسمي كله سقع
إيه اللي بتقوليه ده؟!
قربت خطوة وبطنها اتحركت
مش حركة طبيعية
كأن في حاجة بتزق من جوه بشكل واضح
اتجمدت في مكاني
أنا شيلت الرحم قولتها وأنا بتهته
ابتسمت وقالت إحنا رجّعناه
صړخت إحنا مين؟؟!
فجأة النور قطع
البيت غرق في ضلمة كاملة
وسمعت الصوت تاني نفس الصوت اللي في الحمام بس المرة دي حواليا من كل اتجاه
إحنا اللي بنلاقي الأماكن الفاضية البيوت والأجسام
حاولت أجري بس رجلي ما كانتش شايلاني
وبنزرع
نور الموبايل وقع من إيدي واتفتح لوحده
الكاميرا اشتغلت
وشوفت في الشاشة
مش ندى بس
وراها
نفس الست
الشعر الطويل نازل على وشها
بس المرة دي وشها كان ظاهر
وماكانش وش إنسان
عيون سودا بالكامل
وفمها مفتوح بشكل مش طبيعي
وبتبصلي
ندى قربت مني خالص لدرجة إني حسيت بنفسها
وهمست هو عايزك تشوف
وفجأة
إيدها مسكت إيدي وحطتها على بطنها
حاولت أسحب بس كانت ماسكة بقوة غريبة
وحسيت
بحاجة بتتحرك جوا
مش نبض
مش طفل
حاجة بتزحف
بتخبط
كأنها عايزة تطلع
صړخت بأعلى صوتي
ودفعتها بعيد
وقعت على الأرض بس ضحكت
ضحكت بشكل هستيري
وقالت خلاص بقيت عارف ومش هينفع تمشي دلوقتي
النور رجع فجأة
وبصيت حواليّا
الشقة مش شقتنا
الجدران قديمة مکسورة
ريحة عفن
وباب الشقة مش موجود
مجرد ممر طويل مظلم
بصيت لندى
كانت واقفة بس مش لوحدها
وراها نفس الكيان
وحاطط إيده على كتفها
وقال بصوت واضح
دلوقتي الدور عليك
ومن ساعتها
محدش سمع عني أنا وندى تاني
بس في العمارة دي
كل فترة
حد جديد بينقل
وبعدها بكام يوم
الناس بتلاقي
في ژبالة الحمام
اختبار حمل
بخطين وردي