مروه وادهم حصريه وكامله
حبه ليها اللي حاول يدفـ .ـنه رجع كله مرة واحدة.
بصلها للحالة اللي هي فيها
ضعف خوف وانهيار.
مقدرش يشوفها كده.
قال بحسم يلا.
بصت له بعدم فهم على فين؟
على المستشفى.
في العربية
السكوت كان تقيل.
مروة ضامة إيديها بتدعي في سرها.
وأدهم عينيه عليها من وقت للتاني
قلبه مش مرتاح في حاجة غلط في حاجة ناقصة.
وصلوا المستشفى
مروة جريت على أوضة يوسف.
أدهم دخل وراها
أول ما الدكتور شافهم قال بسرعة إحنا مستنيين العملية بس محتاجين نقل دم بنفس الفصيلة فورًا.
مروة قالت بلهفة خدوا مني! خدوا أي حاجة!
الدكتور هز راسه لازم نفس الفصيلة بالظبط.
أدهم تدخل فورًا أنا ممكن أعمل تحليل.
بعد شوية
النتيجة ظهرت.
الدكتور قال فصيلة دمك مطابقة.
أدهم استغرب بس قال تمام خدوا اللي محتاجينه.
بعد ما خلص
الدكتور قال ممكن تشوف الطفل قبل ما ندخله العمليات.
مروة دخلت الأول
أدهم دخل وراها.
وبمجرد ما عينه وقعت على يوسف
اتصدم.
وقف مكانه مش قادر يتحرك.
الطفل نايم على السرير وشه هادي رغم الألم
لكن
نسخة منه.
نفس الملامح
نفس العيون
نفس كل حاجة.
كأنه شايف نفسه وهو صغير.
قلبه دق بعنـ .ـف.
بص لمروة وبعدين رجع بص للطفل.
همس بصوت مخنوق الولد ده
سكت مش قادر يكمل.
عينيه اتعلقت بيوسف
والحقيقة بدأت تفرض نفسها
عليه غصب عنه.
ده ابني؟
مروة اتجمدت.
اللحظة اللي كانت بتهرب منها سنين
وصلت.
أدهم كان واقف عينه على الطفل
وعقله رافض يستوعب.
رجع بص لمروة لقاها منهارة بتعيط ومش قادرة تنطق.
قرب منها خطوة مروة ردي عليا الولد ده
لكن صوتها ما خرجش
بس دموع وانهيار.
في اللحظة دي
أدهم حس إنه لو فضل واقف قدامها هينفجر.
لف وخرج بسرعة.
وقف قدام مكتب الدكتور
عايز أسألك سؤال مهم.
الدكتور بص له باستغراب اتفضل.
أدهم قال بصوت متوتر لو واحد معاه تقارير إنه عقيم ممكن مع الوقت يخلف؟
الدكتور سكت لحظة وبعدين قال نادر جدًا ولو حصل بيبقى في أسباب واضحة أو تشخيص غلط من البداية.
أدهم قلبه بدأ يدق أسرع طب إزاي أتأكد؟
الدكتور قال بجدية نعمل تحاليل كاملة هنا حالًا ونشوف حالتك بالظبط.
أدهم قال من غير تردد اعملها.
في نفس الوقت
يوسف كان بيتنقل لغرفة العمليات
مروة واقفة برا بتعيط وبتدعي يارب يارب ما تحرمنيش منه
الباب اتقفل
وقلبها اتقفل معاه.
عدى وقت تقيل
مروة قاعدة على الكرسي إيديها في بعضها
كل شوية تقوم وترجع تقعد مش قادرة تستحمل.
على الناحية التانية
أدهم كان قاعد مستني نتيجة التحاليل.
كل ثانية بتعدي كانت بتخبط في دماغه سؤال واحد
الولد ده ابني؟
بعد شوية
الدكتور دخل وفي إيده النتيجة.
بص لأدهم بجدية
وقال
إنت سليم تمامًا.
أدهم سكت مش فاهم يعني إيه؟
الدكتور كمل يعني تقدر تخلف بشكل طبيعي جدًا ومفيش أي مشكلة لا دلوقتي ولا قبل كده.
الكلام وقع عليه زي الصاعقة.
مفيش مشكلة؟!
ولا كان عندك عقم أصلًا.
الدنيا سكتت في ودنه
الذكريات رجعت مرة واحدة
كلامه لمروة
اتهامه ليها
طردها إهانتها
كل حاجة.
أدهم حس برجله مش شايلة
قعد على الكرسي وحط إيده على وشه.
صوته خرج مكسور لأول مرة أنا كنت غلط
رفع عينه
وبص ناحية مروة
اللي كانت واقفة قدام أوضة العمليات
بتعيط ومش حاسة بأي حاجة حواليها.
قلبه وجعه.
أنا دمرتها
وأسوأ من كده
وحرمت ابني مني 5 سنين.
قام وقف ببطء
عينيه مليانة ندم وغضب.
مش منها
من نفسه.
لكن فجأة
فكرة خبطت في دماغه.
لو هو سليم
يبقى التقارير اللي كانت معاه زمان كانت إيه؟
مين اللي قاله إنه عقيم؟
ومين كان له مصلحة يبعد مروة عنه بالشكل ده؟
عينيه ضاقت
وقال بصوت منخفض، مليان خطر
في حد لعب في حياتي
بص لمروة تاني
والدموع في عينيها
وقال جواه
وأقسم بالله اللي عمل كده هدفعه التمن.
وقف جنبها قدام أوضة العمليات
بس المرة دي
مش كرجل غريب.
كأب لأول مرة.
باب العمليات اتفتح
مروة قامت من مكانها بسرعة، قلبها هيطلع من صدرها يوسف!
الدكتور خرج بابتسامة بسيطة الحمد لله العملية نجحت.
مروة انهارت من كتر الارتياح دموعها نزلت وهي بتقول الحمد لله الحمد لله يا رب!
بعد شوية
خرجوا يوسف على السرير
وشه مرهق بس هادي.
مروة جريت عليه، مسكت إيده حبيبي أنا هنا
وفي اللحظة دي
أدهم قرب ببطء
واقف قدام الطفل عينه عليه بس.
إيده اترعشت وهو بيقرب
وبعدين فجأة
ه.
ضم يوسف ل ه كأنه بيعوض سنين ضاعت
وصوته خرج مكسور، مليان مشاعر مكبوتة ابني
الكلمة وقعت تقيلة.
مروة اتصدمت بصت له بعدم تصديق إنت بتقول إيه؟!
بس أدهم ما ردش
كان مركز بس مع الطفل
كأنه أخيرًا لقى جزء منه كان ضايع.
حط يوسف تاني على السرير برفق
وبص لمروة.
قرب منها خطوة
وعينه فيها ندم عمره ما ظهر قبل كده.
قال بصوت هادي، مكسور أنا آسف.
مروة سكتت مش فاهمة.
كمل آسف على كل حاجة
بس ما قالش الحقيقة
ما قالش إنه عرف.
