الفنان سيد زيان
سيد زيان مكنش بس كوميديان عبقري، ده كان مؤسسة خيرية ماشية على الأرض، بيزرع الخير في السر عشان يحصده في الآخرة.
الراجل ده أثبت إن الفنان الحقيقي هو اللي سيرته بتفضل عايشة بأعماله الإنسانية قبل أفلامه ومسرحياته، والوسط الفني كله فقدوا قامة كبيرة سابت أثر ميتنسيش.
سيد زيان في الأصل كان مهندس طيران في القوات الجوية، يعني شخصية منظمة جداً بره التمثيل، اتجوز من بره الوسط الفني وكان حريص إن بيته يفضل خط أحمر.. وأنجب 7 أبناء (5 بنات وولدين).
أكبر وجىع في حياة سيد زيان مكنش التعب، وكان فقدان ابنه الشاب أيمن سنة 2002، أيمن توقى فجأة والصذمة دي كانت القشة اللي قسمت ظهر الفنان الكوميدي.
سيد زيان من كتر حزنه وكىسرته دخل في نوبة اكتئاب شديدة، والكل بيقول إن الجلـ.ـطة اللي جاتله وشلت حركته كانت وجىع قلب وحزن مكنش قادر يشيله على فىراق ابنه.
والسنين الأخيرة في حياة عم سيد كانت صعبة مش بس بسبب التعب، لكن بسبب خىلافات ولاده على الميراث وهو لسه عايش!
بناته رفعوا قىضية حجر عشان يحموا ممتلكاته، وده خلى الوسط الفني كله يتفاجئ باللي بيحصل جوه البيت اللي كان دايمًا مقفول عليه.
النقطة اللي تخلي أي حد ينبهر بشخصية الراجل ده، إنه خلال 13 سنة صىراع مع التعب والشلل، مستسلمش.
سيد زيان قرر يستغىل قعدته في البيت وتفرغه، وقدر يحفظ القرآن الكريم كاملًا وهو تعبان!
بنته إيمان حكت إن لسان والده اللي كان تقيل في الكلام بسبب تعبه، كان بينطلق ويبقى زي البلبل وهو بيقرأ القرآن، وكان بيجود الآيات بصوت خاشع وكأنه بيستعد للقاء ربنا بقلب سليم.
رحم الله سيد زيان وأسكنه فسيح جناته
