لقيت طليقتي منى السيد

لقيت طليقتي بتلم زبالة تحت كوبري، وساعتها قلت في بالي أخيرًا الدنيا لفت وربنا جاب لي حقي منها. رميت لها ورقة ب 200 جنيه من شباك العربية، وقلت بلهجة استهزاء إيه، المليونير الجديد رماكي وجاب غيرك ولا إيه؟. ما وطّتش حتى تجيب الفلوس، وبصت لي ببرود وقالت خليها في جيبك يا علي، يمكن تنفعك بعدين، وسابتني ومشيت
وطّي هاتيها.. للي عايشين وسط الزبالة، المتين جنيه لسه ليها قيمة، ولا مبقتش تعجب؟
قلت الجملة دي من شباك عربيتي الفارهة، بغل وقسوة كل ما افتكرها دلوقتي جسمي يقشعر من الخجل.
كانت الدنيا بتمطر في القاهرة، وأنا مزنوق في زحمة الكوبري الدائري، دمي محروق من اجتماع شغل طوّل ع الفاضي. عندي تسعة وتلاتين سنة، صاحب معارض موبيليا كبيرة في دمياط والقاهرة، وراكبني غرور الدنيا ومقنع نفسي إن الفلوس خليتني راجل ماحدش يقدر يضحك عليه.
وفجأة لمحت
واحدة ست جسمها مهدود، لابسة مشمع أزرق مقطوع يحميها من المطرة، بتفرز شكاير زبالة جنب صناديق الحي. بتفصل إزايز البلاستيك والكرتون المبلول. هبة هوا طيرت الطرحة عن وشها.
كانت ندى، طليقتي.
الست اللي من تلات سنين اتهمتها إنها ماشية بطال مع واحد من الموردين، وإنها سرقت أكتر من اتنين مليون جنيه من حسابات الشركة. نفس الست اللي رميتها في الشارع بهدومها في عز الشتا ومن غير ما أسمع لها كلمة.
طلعت ورقة متين جنيه، كرمشتها وراميها من الشباك. نزلت في بركة طين قدام جزمتها المتقطعة.
إيه أخبار المليونير بتاعك؟.. قلتها بتريقة، نفض لك هو كمان ورماكي في الشارع؟
ندى بصت للفلوس، وبعدها رفعت عينيها وبصت في عيني بهدوء يقهر
شيلها في جيبك يا علي.. يمكن تعرف تشتري بيها شوية راحة بال ونوم، لما تكتشف حقيقة الراجل اللي انت بقيت عليه دلوقتي.
زقت الفلوس بجزمتها وكملت مشي تحت المطرة.
مش عارف إيه اللي خلاني أركن العربية على جنب وأنزل وراها. يمكن عشان شفتها حاضنة كيس مليان شرايط دوا وعلبة شوربة دافية. أو يمكن عشان لاحظت إنها بتعرج، ولأول مرة من تلات سنين حسيت إن القصة اللي في دماغي فيها حاجة غلط وناقصة.
فضلت ماشي وراها لحد ما دخلنا عزبة عشوائية ورا الرشاح، الشوارع كلها طين وبرك والبيوت مسقوفة بالصاج.
ندى دخلت أوضة ضيقة على الأرض.
أنا جيت يا حج، عملت لك شوية شوربة سخنين يدفوا عضمك.
رجلي اتسمرت مكاني إحنا عمرناما خلفنا، وهي أبوها ميت من زمان.. بتقول لمين يا حج؟
بصيت على السرير اللي جوة راجل نصه مشلول، وشه معووج من أثر جلطة شديدة، وشعره أبيض زي التلج.
ده أبويا، الحاج فاروق!
أنا بقالي ست شهور بدفع لخمسة وتلاتين ألف جنيه كل أول شهر لأختي مريم عشان مصاريف دار رعاية خاصة و. وكل أسبوع مريم تبعت لي صور وفيديوهات لأبويا في جناين الدار ومع دكاترة العلاج الطبيعي وبياكل أحسن أكل!
ودلوقتي لقيته مرمي على سرير خشب متسند بطوب أحمر، وطليقتي بتسمي وتمسح بؤه وبتأكله معلقة شوربة شرياها من شقاها في لم البلاستيك!
دخلت الأوضة زي المجنون من غير ما أحس
يابا!!
أبويا أول ما لمحني عينيه دمعت، وحاول يتكلم ويصرخ، بس ما طلعش منه غير أنين وصوت مكتوم يقطع القلب.
لفيت لندى وأنا الخوف والعمى مالي عيني من تاني
انتِ عملتي فيه إيه؟! خاطفاه وجايباه هنا ليه يا فاجرة؟!
ندى فتحت درج كومودينو مكسور بهدوء، وحدفت رزمة ورق وبوستات مستشفى قدامي على الترابيزة
لسه زي ما انت.. بترمي التهم والشتيمة قبل ما تفهم ولا تسأل.
مسكت ورقة منهم. كان تقرير خروج من مستشفى حكومي، مكتوب فيه إن فيه واحدة من قرايبه طلبت خروجه على مسؤوليتها ورفضت تكملة كورس العلاج.
وتحت كان فيه إمضاء وتوقيع مريم عبد الرحمن.
أختي أنا، من لحمي ودمي!
ده تزوير.. اتمتمت وأنا برتعش، مريم بتبعت لي فيديوهات ليه من الدار كل جمعة!
ندى ضحكت ضحكة مكسورة كلها مرار
يبقى اسأل أختك ليه سابت أبوك في طوارئ قصر العيني الفجر وهربت لما عرفت إنه محتاج عمليات وفلوس كتير، وليه الشخص الوحيد اللي المستشفى عرفت توصله لما فتحوا بطاقته وورقه القديم كان مرات ابنه اللي انت طردتها في الشارع
أبويا مسك في إيدي بضوافره بكل عزم فيه، وكان بيهز راسه برعب ورفض هستيري أول ما نطقت اسم مريم.
ندى قربت مني، وبصت في عيني وقالت بصوت واطي يرعب
ولو فاكر إن دي بس المصيبة، فأنت لسه ما عرفتش أبوك جاله الشلل وجرى له كده بسبب مين ومن ورا إيه أصلاً.
في اللحظة دي بس، حسيت إن الأرض بتتهز تحت رجلي، وإن كل اللي عشته وصدقته التلات سنين اللي فاتوا كان أكبر كدبة في حياتي.. وإن الحقيقة اللي هعرفها دلوقتي حالا، مش بس هتدمرني، دي هتفرتك عيلتي للأبد ووو
جمعت كل شجاعتي المتبقية وأنا حاسس إن أطرافي اتجمدت من السقعة والخوف. حست بدوخة شديدة، والحيطان الصاج بتاعة الأوضة بقت تلف بيا وكأنها كابوس ماليش منه مخرج. بصيت لأبويا اللي كان ماسك في طرف جكيتي بكل قوته، صوابعه المرتعشة المليانة تجاعيد كانت بتستنجد بيا، وفي نفس الوقت عينيه بتنطق برعب ما شفتوش في حياتي قبل كده.
قصصدك إيه يا ندى؟ اتكلمت وصوتي طالع مبحوح، متقطع، ومعدش فيه ذرة واحدة من الغرور أو الفوقية اللي كانت راكباني وأنا في العربية. أبويا جاله الشلل بسبب مين؟ ومين اللي عمل فيه كده؟ تتكلمي وتنطقي بكل حاجة تعرفيها!
ندى ما اتهزتش، فضلت واقفة ثابتة، بتنفض المطر من على شعرها بطرحتها القديمة، وعينيها متثبتة عليا بنظرة وجع ومرارة أشد من سياط النار. قربت من السرير، وحطت إيدها الدافية على قورة أبويا المجهد، ومسحت عرق خفيف كان نازل من جبهته، وبعدها بصت لي وهزت راسها بأسى
أبوك جاله الشلل اليوم اللي اكتشف فيه الخيانة الحقيقية يا علي.. اليوم اللي عرف فيه إن الشركة اللي حيلتك، والملايين اللي انت فاكر إنك عملتها بذكائك وفتلنتك، كان بيتم سرقتها وتنظيف حساباتها من جوة بيتك، ومن أقرب الناس ليك.
رجلي ما شالتنيش، وقعدت على كرسي خشب مكسور جنب السرير وأنا بحط إيديا الاثنين على راسي، ومش قادر أستوعب
سرقتها؟ إزاي؟ ما انتِ اللي سرقتي المليونين جنيه! أنا شفت أوراق التحويلات بعيني، والورق كان بتوقيعك، والمورد أشرف اعترف بنفسه أمام شريكي إنك كنتِ بتتقاسمي معاه المبالغ دي مقابل تسريب الميزانيات وتسهيل عقود التوريد الوهمية!
ضحكت ندى ضحكة عالية، لكنها كانت مليانة وجع يقطع القلب، ضحكة حد اتظلم لحد ما قلبه مات وما بقاش فارق معاه حاجة في الدنيا.
أشرف؟ ندى قربت خطوات ومسكتني من ياقة جكيتي الفرو القالي اللي كنت لابسه، وبقت تبص في عينيا من مسافة شبر، أشرف ده يبقى جوز أختك مريم يا بيه! جوز مريم السرّي اللي كُنتوا فاكرينه مجرد مورد خشب كبير جاي من دمياط تتعاملوا معاه! مريم أختك كانت متجوزاه بره بعقد عرفي من وراك ومن ورا أبوك، ولما احتاجوا يغطوا على الملايين اللي نسحبت من الحسابات لمشاريعهم الخاصة، ما لقوش أسهل من الهبلة اللي جيت انت تجيبها من حارة فقيرة وتجوزها.. ندى، اللي ما حيلتهاش سند ولا عزوة يدافعوا عنها
أنتِ بتكذبي! صرخت بصوت هز الأوضة الصاج، وبصيت لأبويا وأنا بترجاه بعيني، يابا قولها إنها بتكذب! مريم أختي تعمل كده؟ مريم اللي كانت بتسهر معاك في المستشفيات؟ مريم اللي كانت بتقول لي انك كل حاجة ليها في الدنيا؟
أبويا أخد نفس مكسور، وحاول يحرك لسانه الثقيل، وطلع منه صوت صراخ مكتوم وهو بيهز راسه ب أيوه، ودموعه نزلت بغزارة على خده المجعد، كأنه بيبصم على كل كلمة بتقولها ندى.
شريط الذكريات بدأ يمر قدام عيني زي البرق، أسرع وأقسى من إن عقلي يستوعبه. افتكرت الأيام اللي سبقت الطلاق بتلات سنين. افتكرت لما مريم جابت لي ملف الحسابات في مكتبي، وكانت بتعيط وبتدعي البكاء وتقول لي يا علي الحقني، أنا لقيت أوراق تحويل بتبصم إن ندى بتسرب أرقام السرية بتاعة الحسابات لأشرف المورد، أرجوك يا علي ما تفضحناش وما تدخلش الشرطة عشان سمعة المعارض وسمعة أبويا ما تتحسرش!. وافتكرت إزاي عميت عن الحقيقة، وعن إني ما واجهتش ندى ولا سمحت لها تفتح بؤها، دخلت الشقة، لميت هدومها في شنطة واحدة، ورميتها بره الباب في نص الليل وأنا بسبها وبشتمها وبتهددها إنها لو قربت من دمياط أو القاهرة تاني هلبسها قضية اختلاس تجيب لها إعدام.
أبوك عرف
الحقيقة بالصدفة.. كملت ندى وصوتها بادي يترعش من العياط لأول مرة، من حوالي سبع شهور، أبوك كان نازل المعرض الرئيسي في دمياط من غير ما يقول لك، ودخل مكتب أختك مريم وفاتح الباب بالراحة، سمعها بتتخانق مع أشرف بصوت واطي.. كانت بتقول له الفلوس اللي أخدناها من حسابات علي طارت في البورصة، وأخويا لو عرف إن ندى مظلومة وإن التوقيعات اللي على التحويلات دي كانت بختم الشركة اللي أنا سرقته منها، هيذبحنا!.. أبوك لما سمع الكلام ده، المحفظة وقعت من إيده، وجاله انقباض شديد في القلب وقعد يصرخ عليهم، بدل ما ينقلوه المستشفى بسرعة، مريم وأشرف سابوه ينزف في المخ لساعات في المكتب المقفول عشان يتأكدوا إنه مش هيعرف يتكلم ولا يفضحهم!
يا أولاد الكلب!.. قمت وقفت وأنا بدب بقبضتي في الحيطة الصاج بقوة خلت صوابعي تتجرح وتجيب دم، لكن الوجع اللي في جسمي ما كانش ييجي حاجة جنب السكينة اللي اتغرست في قلبي. يعني أبويا جاله الجلطة بسببهم؟ وسابوه يموت؟!
وأكتر من كده يا علي.. ندى مسكت إيدي المدمية وبصت لي بجمود، لما المستشفى الحكومي نقلته بعد ما حد رمى أبوك قدام الباب في ليلة مطرة، مريم خافت إن الدكاترة يعرفوا هويته من التحاليل والتسجيلات القديمة، راحت عملت إقرار خروج على مسؤوليتها، ورمته في مصحة تحت السلم مش مرخصة في