علي الحجار

وبيحكي علي الحجار أن عم صبري كان وشه كله طيبة وشبه صلاح جاهين
وأول ما شافه خده بالحضن وقاله اقعد وبمجرد ما دخل عند عم صبري لقى نفسه بينام على كرسي الانتريه بتاعه زي ما يكون حصله تنويم معناطيسي
وكان بقاله 27 يوم ما نامش بسبب المشكلة اللي وقفت حياته الفنية كلها
وصحي علي الحجار بعد عشر دقايقكأنه نام عشر ساعات
وصحي لقي عم صبري بيقرأ قرآن على مية
وأول مرة كان يشرب علي الحجار القهوة كان عند عم صبري
اللي صمم يقرا له الفنجان وبص عم صبري في فنجان علي الحجار
وكان كله أسود في أسود وراح بسرعة قلبه تاني من الخضة
وشوية وعم صبري قال أنا هدخل اشتغل في أوضة لوحدي
وطلع عم صبري وهو عرقان وبينهج
وقال فيه حد مهم هيكلمك بكرة وهيحل ليك المشكلة
وهيبعت ليك حد طويل وأسمر
وفعلا الصبح الساعة 11 لقى علي الحجار تليفون من مكتب وزير الثقافة
وأنه فيه معاد الضهر ودي كانت بركات عم صبري
وبيحكي علي الحجار ان عم صبري اداله ورقة مكتوب فيه قراءات ونجوم وأرقام
وقاله تكتبهم على ايدك اليمين بقلم أحمر وتقراهم قبل ما تدخل تقابل الوزير
وتمسحهم بعد ما تسلم عليه
والوزير نفسه قال لعلي الحجار أنه طول الليل حد بييجي في ودنه يقوله انت ظالم علي الحجار وعشان كده بعت جابه يحل المشكلة
كرامات عم صبري ما وقفتش عند كده وقال لعلي الحجار أن أمنيته في انه يخلف 7 عيال هتتحقق وفعلا
اتجوز علي الحجار ست مرات وأنجب السبعة
وأبناءه هم: أحمد من زوجته مها، ومشيرة من زوجته الفنانة المعتزلة مشيرة اسماعيل، وبثينة وإبراهيم من زوجته الفنانة سحر حسن، ونور وجنى ويوسف من زوجته الحالية هدى طلعت، وفيه زواجتين لم ينجب منهم علي الحجار