قصة حقيقية | جوزي بياخد مرتب مرتبي من الفيرا اول ما ينزل على ١٠٠ جنيه
قصة حقيقية
جوزي مرتبه 27 الف جنيه بيشتغل في بنك و منصبه كويس
و انا مدرسة في مدرسة انترناشيونال و راتبي 7000 جنيه
جوزي في اول جوازه اتفق انه يشيل مرتبه خالص و مرتبي اللي يصرف عالبيت عشان نحسن من ظروفنا و نجيب بيت في مكان احسن بقالنا تلات سنين عالحال ده حارمة نفسي من كل حاجة و المرتب ينزل من هنا معاه الفيزا بتاعتي يروح يقبضه و يصرف هو عالبيت و يطلع عيني على 100 جنيه ليا بعيد عن البيت
المهم المفروض اننا داخلين جمعية كبيرة بمرتبه هندفعها لبيت في مكان راقى
جه موعد الجمعية كل ما اسالة عنها يتهرب لحد ما لقيته بيكلم اخوه في مرة و بيقوله مش عارف يطلع من حوار الجمعيه دي ازاي
ف واجهته اني سمعته و عايزة اعرف فلوس الجمعية راحت فين
اكتشفت انه بنى بيت لاهله في بلدهم و لاخواته كل واحد شقه فيها و مش معاه و لا مليم حتى يكمل باقي التشطيب و هيدخل جمعية تانية بمرتبه
عملت مشكلة كبيرة طردني بالبيجاما من البيت
و قاعدة دلوقت في بيت اهلي بقالي تلات شهور و باعت ناس يخيروني يا ارجع من نفسي على نفس نظامنا
يا ابريه من كل حقوقي عشان يطلقني و لو رفضت اديني مرمية زي البيت الوقف
لو مكاني هتعملوا ايه..
