متجوزة من تلت سنين بقلم روماني مكرم

قاطع علينا في بيتنا!
الأب هز راسه عشان الحقيقة ما ينفعش تنشاف بنور عادي.
الراجل الغريب ابتسم أخيرًا دخلت.
الأب بص له كنت عارف إنك هتيجي.
هاني بص بينهم حد يفهمني مين ده؟
الأب رد بهدوء ده مش حرامي ده اللي ضاع منه حقه من سنين.
وبعدين بص لمراته الدهب اللي في البيت ده مش دهب عادي ده جزء من أمانة قديمة كنت أنا وهاني طرف فيها من غير ما نعرف حجمها.
مراته مسحت دموعها بعصبية وإنت ليه تسكت كل السنين دي؟
الأب رد بصوت مكسور لأول مرة عشان كنت فاكر إني قفلت الباب لكن واضح إني سبت شباك مفتوح.
الراجل الغريب تقدم خطوة الشباك ده اسمه السكوت.
سكت ثانية وبعدين كمل في يوم، اتبدلت أمانة بمقابل والفلوس ما رجعتش واللي دفع التمن وقتها دخل السچن ظلم.
مراته بصت للأرض يعني إيه؟ إحنا دخلنا في حاجة إحنا مش فاهمينها؟
الأب رد للأسف إنتِ كنتِ حلقة الإغلاق.
هاني بص له پصدمة تقصد إيه؟
الأب اتنهد الدهب كان المفروض يتسلم لابنة الشخص اللي اتظلم وهي إنتِ.
الصمت تاني.
مراته همست أنا؟
الأب هز رأسه أبوكي ما كانش بس طرف كان ضحېة كمان. خد الدهب زمان كتعويض مؤقت، وقال هيحفظه لحد ما الحق يرجع بس الحق ما رجعش.
الراجل الغريب قال وده اللي جاي آخده.
هاني وقف بينه وبين مراته مش
هتاخد حاجة من هنا.
الراجل بص له بابتسامة هادية أنا مش جاي آخد أنا جاي أقفل الحساب.
وبعدين طلع ورقة من جيبه ورقة قديمة جدًا.
وحطها على الترابيزة.
إمضاتكم كلها هنا من سنين.
الأب بص للورقة ووشه اتغير فجأة مستحيل دي الورقة كانت اتحرقت!
الراجل رد في الحقيقة هي ما اتحرقتش.
مراته قربت وهي بتترعش يعني إيه الورقة دي؟
الأب قال بصوت واطي دي عقد تسوية قديم لو اتفتح دلوقتي ممكن يخلي كل اللي هنا يتسحب منه كل حاجة.
هاني بص لمراته وبعدين لأبوه وإحنا نعمل إيه دلوقتي؟
الراجل الغريب رد بجملة واحدة
تختاروا.
سكت.
وبعدين كمل
يا إما الحقيقة تتقال كاملة وتخسروا حاجات من حياتكم
يا إما تفضلوا عايشين في نفس الكذبة بس ساعتها الدهب مش هيفضل معاكم دقيقة واحدة كمان.
وفي اللحظة دي
النور رجع فجأة.
بس اللي ظهر مع النور
كان أبشع من الضلمة نفسها.
لأن كل واحد فيهم كان شايف التاني لأول مرة
من غير أي حجاب النور رجع فجأة بس مفيش أي إحساس بالراحة رجع معاه.
كأن الضلمة كانت أرحم من اللي انكشف.
الورقة القديمة على الترابيزة كانت واضحة إمضات، تواريخ، وأسماء أسماء مألوفة بشكل يخوف.
مراته قربت خطوة وهي بتبص دي إمضتك يا بابا؟
الأب ما ردّش.
بس عينه كانت ثابتة على الورقة كأنه شايف سنين عمره بتتقفل قدامه.
هاني مسك الورقة بإيده وقرأ بصوت منخفض تسوية مالية نهائية مقابل أمانة ذهبية يعني إيه الكلام ده؟
الراجل الغريب رد بهدوء يعني ببساطة إن في اتفاق اتعمل، واتدفن، واتساب يتآكل لحد ما يرجع في شكل مصېبة.
حماتها قعدت على الكنبة فجأة أنا مش فاهمة حاجة إحنا كنا عايشين عادي!
الراجل ابتسم مفيش عادي في حاجة بدأت بخېانة ثقة.
مراته فجأة رفعت راسها وقالت بصوت مكسور لكن حاد كفاية لف ودوران الدهب فين دلوقتي؟
الراجل بص لها عندي أنا وفي أمان.
هاني اندفع يعني إيه عندك؟ جاي تقلب بيتنا وتقولي في أمان؟
الأب رفع إيده لأول مرة اسمعوه.
الكل سكت ڠصب.
الأب قرب من الترابيزة، بص للورقة، وقال القصة بدأت من زمان صفقة بيني وبين والد الراجل ده حاجة اتعملت وقت ضغط كبير ودهب اتاخد كضمان ولما الأمور اتعقدت، المفروض كان يرجع بس حصل العكس.
مراته همست وأنا مالي بكل ده؟
الأب بص لها إنتِ الوريثة