أحمد زكي

أحمد زكي لما حس بقرب نهايته ما طلبش جنازة ضخمة ولا كتب وصية لتوزيع ممتلكاته، لكنه طلب طلب أخير وغريب من الكاتب إبراهيم عيسى، وصية سابت الوسط الفني كله في حالة صدمة بعد رحيل الإمبراطور.

زكي ما طلبش من إبراهيم عيسى يكتب عن أفلامه ولا نجاحاته ولا الجوائز اللي ملاكتش شقته، لكنه طلب منه يكتب عنه بنفس الطريقة اللي كان بيكتب بيها مفيد فوزي عن عبد الحليم حافظ، وكأنه كان خايف الناس تنسى الإنسان الحقيقي ورا الشاشة وتفضل فاكرة الأسطورة وبس، وكان نفسه حد يحكي حكايته الحقيقية ويكشف جوانب من حياته وشخصيته بعيد عن الأضواء والكاميرات.

العلاقة بين أحمد زكي وإبراهيم عيسى كانت أعمق بكتير من مجرد صحافة وفن، وإبراهيم عيسى نفسه كان الوسيط اللي بينقل الخطابات والرسايل بين أحمد زكي والمخرج محمد خان سنة كاملة وقت الخلافات الشهيرة بينهم، يعني كان عارف خبايا الكواليس وأسرار الإمبراطور اللي ما حدش غيره يعرفها وكان قريب جدا من الدايرة الخاصة بالفنان الكبير.

رغم إن السنين جرت وأحمد زكي رحل عن عالمنا، إلا إن الوصية دي فضلت أمانة في رقبة إبراهيم عيسى اللي اعترف إن الطلب ده فضل حاضر في ذاكرته وإنه لسه بيحاول يوفي بالوعد ده من خلال كتاباته ورواياته.

عشان تفضل حكاية أحمد زكي الإنسانية عايشة وما تموتش مع رحيله، وبتسيب جوانا سؤال مهم عن الإمبراطور وهل كان عايز الناس تعرف الإنسان بكل خـ.ـوفه وأحلامه ووحدته بعيد عن عيون الجمهور والشاشات.