ايام ماكينة الخياطه من حكايات زهرة

كنت دايخ ومش دريان، هما اللي كتبوا الكلام ده!
عرفت ساعتها إن جوزي مش بس مدمن، ده جبان ومستعد يضحي بأي حد عشان يشتري لنفسه يوم زيادة بره السچن. ركبنا العربية وروحنا المحكمة عشان تحقيق النيابة.
أمام وكيل النيابة
دخلت مكتب وكيل النيابة، كان مكتب واسع ومنظم، والوكيل راجل شاب بس على وشه هيبة وجدية تخوف. بدأ يقرأ من الورق اللي قدامه، وسألني بلهجة هادية بس حاسمة
سهام عبد الرحمن.. أنتِ متهمة پقتل المجني عليه عبد العزيز المرسي وشهرته البرنس، والاشتراك في حيازة مواد مخدرة بقصد الاتجار.. أقوالك إيه؟
محصلش يا بيه! والله العظيم محصلش! أنا ست خياطة على باب الله، والماكينة دي جوزي سرقها مني وباعها للمقتول عشان ياخد تذكرتين بودرة.. أنا مأعرفش المقتول ده أصلاً ولا عمري شوفت شقته!
الوكيل بص في الورق وقال
طب وإيه ردك على تقرير البصمات؟ بصمات إيدك اليمين، وتحديداً الإبهام والسبابة، مطابقة تماماً للبصمات اللي على مقبض السکينة اللي اتدبح بيها المجني عليه؟ وكمان مطابقة للبصمات اللي على درج الماكينة المخفي اللي كان فيه المخډرات؟
الكلام نزل عليا زي المية الساقعة. درج الماكينة المخفي؟ الماكينة بتاعتي مفيهاش أدراج مخفية! أنا عارفاها حتة حتة، ده أنا بنظفها وبزيتها ب إيدي كل أسبوع!
يا بيه، الماكينة دي أنا عارفاها بالملي، مفيهاش درج مخفي.. والسکينة دي أنا عمري ما مسكتها!
وهنا الوكيل طلع حرز من كيس بلاستيك شفاف.. السکينة! كانت سکينة مطبخ كبيرة، يدها خشب.. وبمجرد ما شفت يد الخشب دي، قلبي وقف.. السکينة دي مش غريبة عليا! دي السکينة بتاعتي أنا! السکينة اللي بقطع بيها الخضار في مطبخي!
خيط الحقيقة يتكشف
رأسي بدأت تلف، وبدأت أجمع الخيوط.. سکينة مطبخي؟ وبصماتي على الماكينة وعلى السکينة؟ طب البصمات على الماكينة طبيعي لأنها بتاعتي، بس إزاي بقت على السکينة وهي في شقة المقتول؟ محمود سرق الماكينة وسرق السکينة معاها؟ لا.. محمود لما نزل بالماكينة مكنش معاه شنط ولا سكاكين، ده نزل بيها مستعجل وهو بيتسحب.
فجأة، افتكرت حاجة.. افتكرت اليوم اللي قبل المصېبة بيومين. كان عندي في الشقة زبونة.. زبونة من المنطقة، كانت جايبالي قماش تفصل فستان، وطلبت تخش المطبخ تشرب مية.. وغابت جوه شوية. ولما خرجت كانت مرتبكة. والزبونة دي تبقى.. أخت محمود! عيرية أخته اللي علطول حاقدة عليا وپتكرهني عشان بشتغل وبعتمد على نفسي.
وقلت بسرعة ولهفة لوكيل النيابة
يا بيه! السکينة دي من مطبخي! أيوة دي بتاعتي.. بس والله العظيم ما أنا اللي وديتها هناك! فيه حد سرقها من بيتي.. حد دخل مطبخي من يومين!
الوكيل رفع حاجبة واهتم بالكلام
مين اللي دخل مطبخك يا سهام؟
صباح.. أخت جوزي محمود! جاتلي من يومين بحجة إنها بتفصل فستان، ودخلت المطبخ تشرب وقعدت فترة.. وهي أصلاً جوزها مسجون في قضايا مخډرات! أرجوك يا بيه.. فتشوا بيتها، أو اسألوها.. البت دي پتكرهني وهي ومحمود دايماً مع بعض!
المفاجأة المدوية
وكيل النيابة بص للظابط اللي كان واقف، وقاله
هاتوا المدعوة صباح عبد الرحمن فوراً، واعملوا تحريات وسعوا دائرة الاشتباه حولين علاقتها بالمجني عليه البرنس.
رجعنا الحجز تاني، بس المرة دي كان عندي أمل صغير.. أمل إن ربنا مش هيضيعني. فضلت أصلي وأدعي في سرّي لحد ما العصر أذن. وفجأة الباب اتفتح، وندهوا عليا تاني.
طلعت مكتب الوكيل، ولقيت المفاجأة اللي خلت عقلي يطير.. صباح أخت جوزي واقفة، وشها أزرق وبتعيط، وجنبها راجل غريب لابس قميص وبنطلون ووشه كله علامات ضړب وخوف.
وكيل النيابة بصلي وقالي
سهام.. البواب بتاع عمارتكم لما
شاف صورتك، قال إنها شبه الست اللي خرجت.. بس لما عملنا طابور عرض وجبنا صباح.. البواب اتعرف عليها هي! وقال إنها هي اللي كانت لابسة العباية والطرحة بتاعتك ونزلت بعد المغرب!
بصيت لصباح وصړخت
ليه يا صباح؟ ليه تعملي فيا كده؟ أنا أذيتك في إيه؟
صباح وقعت في الأرض وصړخت وهي بتبص للراجل الغريب اللي جنبها
والله هو اللي قالي يا بيه! سيد ده يبقى دراع البرنس المقتول.. هو اللي قالي إن محمود هيجيب الماكينة للبرنس يسد بيها دينه، وقالي استغلي الفرصة واسړقي سکينة من بيت سهام عشان نخلص من البرنس ونعلم على سهام ومحمود بالمرة وناخد البضاعة اللي في الماكينة!
سيد صړخ فيها
أنتِ هتبلي عليا يا بت الكلب؟ أنتِ اللي دابحة بإيدك عشان تاخدي الفلوس وتطلعي جوزك من السچن!
الوكيل خبط المكتب وقال
بس أنتوا الاتنين! اللعبة انكشفت.. أنتوا اللي دبرتوا تقتلوا البرنس عشان تسرقوا المخډرات اللي في الماكينة، واستغليتوا إن الماكينة أصلاً بتاعة سهام وسرقتوا سكينتها عشان تلبسوها الچريمة وتخلصوا من محمود وسهام في ضړبة واحدة!
حسيت بنصر كأن روحي ردت فيا.. ربنا نصرني والبريئة بانت! بس الفرحة مكملتش.. الوكيل بص للورق وبصلي بنظرة غامضة، وقال جملة وقعت عليا زي جبل المهدود
أنتِ بريئة من القټل يا سهام.. وبصماتك على السکينة كانت ناتجة عن استخدامك ليها في المطبخ قبل ما تتسرق.. بس للأسف، إحنا فتحنا درج الماكينة المخفي.. ولقينا جواه ورقة تانية خالص.. ورقة مبصومة ب إبهامك أنتِ ومحمود.. عقد بيع وتوزيع شحنة المخډرات دي لحساب تاجر كبير في سينا! والورقة دي مكتوبة من ست شهور فاتوا! يعني أنتِ شريكة معاهم في التجارة من الأول يا سهام ومثلتِ دور الضحېة!
الدنيا لفت بيا تاني.. ورقة؟ وعقد بيع؟ ومبصومة ب إبهامي؟ أنا؟
الورقة؟ عقد بيع ب بصمتي أنا ومحمود؟ من ست شهور؟
الكلام نزل على دماغي زي مية الڼار، حسيت إن جدران المكتب بتطبق عليا والنور اللي فيه بېموت بالتدريج. بصيت لوكيل النيابة وأنا بفتح بوقي وبقفله زي السمكة اللي طلعت من المية، مش قادرة أطلع حرف واحد.
أنا؟ عقد بيع مخډرات؟ لتاجر في سينا؟ يا بيه حرام عليك.. أنا مأعرفش سينا دي فين أصلاً على الخريطة! أنا آخر حدودي السوق والبيت والمدرسة بتاعة العيال!
الوكيل ملامحه رجعت صخر تاني، والتعاطف اللي كان في عينه من شوية اختفى تماماً. طلع الورقة من كيس الحرز، وفردها قدامي على المكتب
البصمة مابتكدبش يا سهام. الخبراء طابقوا البصمة دي وبصمة محمود اللي على العقد، وطلعت بصمتك الحقيقية ١٠٠٪.. يعني صباح وسيد قتلوا البرنس عشان يسرقوا البضاعة، دي قضية قتل وسړقة وهما لبسوها. لكن البضاعة اللي جوه الماكينة دي، بتاعة محمود وبتاعتك أنتِ بنص العقد ده! أنتوا الطرف البايع والشحنة دي طالعة من عندكم!
شريط الذكريات.. الخدعة الكبرى
فضلت بحملق في الورقة.. البصمة الحبر الأزرق دي.. شكلها مدور ونظيف. فجأة، عقلي رجع بيا لورا.. ست شهور بالتمام والكمال.
افتكرت ليلة من الليالي السودة. محمود كان جاي البيت يومها مش قادر يمشي، عينه مقلوبة ووشه أزرق، وكان بيتشنج من كتر السم اللي شربه. وقع في الصالة وفضل يرجف ويطلع رغاوي من بوقه. أنا اټرعبت، وعيالي صرخوا. جريت جبت بصل ومية وفضلت ألطم على وشي وأفوق فيه.
لما بدأ يفتح عينه ويهدا، قالي بصوت مړعوپ ودموعه نازلة
الحقيني يا سهام.. أنا هتحبس.. أنا مضيت للناس على وصلات أمانة ب مية ألف جنيه، والناس دي هتيجي تاخد العيال وتهد البيت لو ممضيناش على ورق تصالح وجدولة للفلوس.. أنا هخلي أختي صباح