كسبت انا وخطيبي يانصيب

أول تحويل بمبلغ 30 مليون جنيه.
وقتها بس…
حسيت إن ال جنيه اللي بعتهمولي…
كانوا أغلى درس اتعلمته في حياتي.
الجزء الأخير
مر شهر كامل.
كريم اختفى تمامًا من حياتي.
لا اتصالات…
ولا رسايل…
ولا حتى محاولة يشوفني بالصدفة.
أما أنا…
فكنت خلصت كل إجراءات استلام الجائزة.
وسددت باقي أقساط الشقة كاش.
وبقيت الشقة باسمي بالكامل، من غير أي شريك.
وفي يوم، جالي اتصال من رقم مجهول.
رديت.
لقيت صوت أم كريم.
أول مرة أسمعها هادية بالشكل ده.
قالت
يا سارة… ممكن أقابلك؟
كنت عارفة إنها مش جاية علشاني.
لكن وافقت.
اتقابلنا في كافيه هادي.
أول ما شفتها…
اتفاجئت.
الست اللي كانتداخلة بيتي من شهر وهي شايفة نفسها فوق الكل…
دلوقتي ملامحها كلها انكسار.
قعدت قدامي وقالت
أنا ظلمتك.
بصيت لها وسكت.
كملت وهي بتتنهد
كريم ضيع نص فلوسه.
رفعت حاجبي.
إزاي؟
قالت
اشترى عربية غالية…
وحجز فيلا قبل ما الفلوس تدخل كلها…
ودخل مع واحد صاحبه في مشروع.
والصاحب نصب عليه.
سكتت شوية.
وبعدين قالت
وداليا سابته أول ما عرفت إنه بقى مديون.
ما اتكلمتش.
هي كملت بنفسها.
إحنا افتكرنا إن العشرين مليون عمرهم ما هيخلصوا.
ابتسمت بهدوء.
الفلوس عمرها ما كانت المشكلة.
بصتلي باستغراب.
قلت
المشكلة كانت الأخلاق.
نزلت راسها.
معاكي حق.
وقامت تمشي.
لكن قبل ما تتحرك، قالت
على فكرة. ..
كريم لحد النهارده ندمان على اللي عمله.
ابتسمت.
الندم ما بيرجعش اللي اتكسر.
بعد أسبوع…
وأنا خارجة من البنك…
سمعت حد بينادي باسمي.
لفيت.
كان كريم.
بس مش كريم اللي أعرفه.
العربية الفخمة اختفت.
البدلة الغالية اختفت.
حتى ثقته بنفسه اختفت.
وقف قدامي وقال
آخر مرة… ممكن أتكلم؟
هززت راسي.
اتفضل.
قال وهو بيبص في الأرض
أنا عرفت.
سألته
عرفت إيه؟
رفع عينه وبصلي.
إنك إنتِ اللي كسبتي الستين مليون.
ابتسمت من غير ما أنكر.
قال وهو بيضحك ضحكة كلها وجع
يعني وأنا ببعتلك 15 جنيه…
كنتِ أغنى مني بثلاث مرات.
قلت بهدوء
مكنتش أغنى منك.
استغرب.
فكملت
أنا كنت أغنى منك من قبل الفلوس.
سكت.
قلت
لأن اللي بيحب بجد…
لما الرزق ييجي، يقول رزقنا.
مش يقول رزقي.
دموعه لمعت في عينه.
قال
ممكن تسامحيني؟
ابتسمت.
أنا سامحتك من زمان.
وشه نور للحظة.
لكن كملت كلامي.
بس التسامح حاجة…
والرجوع حاجة تانية.
مديت إيدي وطلعت من شنطتي ظرف صغير.
ناولتهوله.
استغرب.
فتح الظرف.
لقي فيه…
خمستاشر جنيه.
ومكتوب على ورقة صغيرة
ثمن أغلى درس اتعلمته في حياتي… خلي الباقي معاك.
بصلي وهو مذهول.
وأنا ابتسمت، ولفيت أمشي.
سمعته بينادي باسمي.
لكن المرة دي…
ما بصتش ورايا.
ركبت عربيتي ومشيت.
وأنا سايقة، افتكرت جملة قالها يوم سابني
حسابنا خلص.
ابتسمت لنفسي وقلت
لأ يا كريم…
الحساب ما خلصش يوم حولتلي 15 جنيه…
الحساب خلص…
لما ربنا ورّاك الفرق بين اللي كسب فلوس…
واللي كسب كرامته.
تمت.