سر وفاة جوزها حكايات صافي هاني

أنا مخبيها من أكتر من ثلاثين سنة
حاجة لو وصلت لها ممكن تدمّر حياتنا كلنا
ومتصدقيش إنها كانت بتقرب مني عشان تصلح علاقتها بيا
هي كانت عايزة الصندوق
ولو لقت إن الصندوق وصل ليكي بعد موتي
هتحاول تاخده منك بأي طريقة
محمود
فضلت ماسكة الورقة وأنا حاسة إن نفسي انقطع
بصيت للصندوق من جديد
وقلت لنفسي
يا ترى إيه الحاجة اللي محمود كان مخبيها كل السنين دي؟
بدأت أطلع الحاجات واحدة واحدة
صور قديمة
عقود
إيصالات
مكاتبات
لحد ما لقيت صورة صغيرة بالأبيض والأسود
وكان وراها اسم
حسن عبدالسلام
وتحت الاسم تاريخ قديم جدًا
لكن اللي صدمني أكتر كان الظرف الصغير اللي مستخبي تحت الصورة
فتحته
لقيت شهادة ميلاد قديمة لسارة
فضلت أبص فيها وأنا مش مستوعبة
اسم الأب كان مختلف تمامًا عن الاسم اللي سارة تعرفه
وفي اللحظة دي سمعت صوت مفتاح بيدور في باب البيت القديم
اتجمدت مكاني
مين اللي دخل؟
أنا متأكدة إني مقفلة الباب بالمفتاح
حاولت أتحرك من غير صوت
وسمعت خطوات بتقرب ناحية الأوضة
وبعدين سمعت صوت أعرفه كويس
صوت سارة
وهي بتقول
ماما أمينة؟
قلبي وقع في رجلي
سارة كانت عارفة إني هنا
لكن السؤال اللي خوّفني أكتر كان
إزاي عرفت مكان البيت القديم؟
وفجأة لقيتها واقفة قدامي وباصّة للصندوق
ولما شافت الورق في إيدي وشها اتغير
وقالت
إنتي فتحتيه؟
بصتلها وأنا بحاول أثبت صوتي
وقلت
أيوه يا سارة
فتحته
وعرفت إن أبوكي كان مخبي

عني وعنِك حاجات كتير
سارة قربت مني وقالت
ماما لو سمحتي اديني الورق ده
ضمّيت الورق على صدري وقلت
ليه؟
إيه اللي جابك هنا؟
وإنتي كنتي عارفة إن أبوكي مخبي الصندوق هنا؟
سكتت
وعينيها بدأت تدمع
وبعدين قالت جملة خلتني أحس إن السر أكبر من كل اللي قريته
أنا مش جاية آخد الصندوق يا ماما
أنا جاية أحذرك
قلت لها
تحذريني من إيه؟
بصت ناحية الباب وقالت بصوت واطي
من الراجل اللي أبويا كان خايف منه
لأن الراجل ده مش مات زي ما أبويا قالك
وقبل ما أقدر أسألها أي حاجة
سمعنا خبط شديد على باب البيت
سارة بصتلي بخوف
وأنا مسكت الورق بإيدي
والخبط اتحول لصوت عالي
افتحي يا أمينة
أنا عارف إن الصندوق معاكيفضلت واقفة مكاني وأنا ماسكة الورق بإيدي وسارة واقفة جنبي وشها أصفر من الخوف
الخبط على الباب زاد
والصوت بره رجع يقول
يا أمينة افتحي أحسن ما أكسر الباب
بصيت لسارة وقلت لها
مين ده؟
قالت وهي بتعيط
اسمه عادل
اتصدمت
عادل مين؟
قالت
الراجل اللي أبويا كان فاكر إنه مات
حسيت إن الدنيا بتلف بيا
قلت لها
يعني إنتي عارفة كل حاجة؟
هزت راسها وقالت
مش كل حاجة يا ماما بس عرفت جزء منها قبل ما أبويا يموت
وقتها افتكرت الورقة اللي محمود كتبها
متصدقيش أي كلمة سارة هتقولها
فقلت لها
أبوكي كتبلي إنه خايف منك وإنك بتدوري على الصندوق
سارة نزلت عينيها وقالت
كان لازم يقولك كده
ليه؟
ردت وهي بتبكي
لأنه كان بيحاول يحميكي
في اللحظة

دي الخبط وقف فجأة
سكتنا إحنا الاتنين
وبعد ثواني سمعنا صوت العربية وهي بتبعد
استغربت
لكن سارة قالتلي بسرعة
لازم نمشي من هنا حالًا
قلت لها
ليه؟
قالت
لأن عادل مشي عشان يتأكد إن الصندوق موجود
هيرجع ومعاه ناس
رجعت البيت وأنا مش قادرة أفكر
وسارة كانت معايا طول الطريق ساكتة
أول ما وصلنا قفلت الباب وقلت لها
دلوقتي هتقوليلي كل حاجة
سارة فضلت ساكتة شوية
وبعدين قالت
أبويا اكتشف من سنين إن الراجل اللي أمي كانت مرتبطة بيه كان داخل في شغل مشبوه وكان بيستخدم اسم أبويا في حاجات هو معملهاش
سألتها
وإيه علاقة الصندوق؟
قالت
أبويا كان عنده مستندات تثبت الحقيقة
بصيت للورق اللي في إيدي
وعادل عايز المستندات دي؟
قالت
أيوه
سألتها
طيب ليه أبوكي مخبّاه كل السنين دي؟
سارة ردت
لأنه كان خايف لو المستندات ظهرت يحصل أذى لينا كلنا
سكت شوية وبعدين سألتها
وإنتي عرفتي مكان الصندوق إزاي؟
هنا سارة انهارت في العياط
وقالت
أبويا قالهولي قبل ما يموت
اتصدمت
إزاي؟
قالت
قبل وفاته بيوم واحد قالي لو حصل لي حاجة روحي لماما أمينة وقولي لها إن الصندوق موجود في البيت القديم
بصيت لها بذهول
يبقى ليه أنكرْتي لما سألتك عن كلامه قبل ما يموت؟
سارة مسحت دموعها وقالت
لأني كنت خايفة
خايفة مني؟
لأ
بصتلي في عيني وقالت
خايفة عليكي
سكتنا
وبعدين طلعت من شنطتها ظرف صغير وحطته قدامي
وقالت
ده آخر حاجة أبويا ادهالي
فتحت الظرف
لقيت

ورقة مكتوب عليها بخط محمود
أمينة
لو سارة وصلتلك بالورقة دي يبقى صدقيها
هي ملهاش ذنب في اللي حصل
وأنا ظلمتها لما خليتها تعيش سنين وهي فاكرة إني أبوها الحقيقي
لكن الحقيقة إن سارة بنتي في نظر ربنا والناس مهما كان الدم
وأنا عمرى ما ندمت إني ربيتها
بدأت أعيط
لكن تحت الكلام كان فيه سطر أخير
أما الرجل اللي اسمه عادل
فهو مش أبو سارة الحقيقي
هو الشخص الوحيد اللي يعرف مين أبوها الحقيقي
ولو ظهر بعد موتي
اعرفي إن السبب مش الصندوق
السبب هو سارة نفسها
رفعت عيني لسارة
وقلت
إنتي ليه مهمة بالنسبة له؟
سارة بدأت ترتعش
وقالت
لأن عادل هو اللي كان سبب في موت أمي
اتجمدت
وقبل ما أتكلم سمعنا خبط على باب الشقة
المرة دي كان أقوى
وبعدين سمعنا صوت رجل بيقول
محمود مات
والسر مات معاه
بس أنا عارف إنك لقيتي الورق يا أمينة
افتحي الباب
سارة مسكت إيدي وقالت
ماما متفتحيش
وفجأة سمعت صوت تاني من ورا الباب
صوت خلاني أقوم واقفة من مكاني
لأني كنت أعرفه كويس جدًا
صوت رجل كبير في السن بيقول
يا أمينة افتحي
أنا مش عادل
سارة بصتلي بخوف وقالت
مين ده؟
وأنا قربت من الباب
لأن الصوت كان صوت شخص محمود كان بيقول لي إنه مات من أكتر من ثلاثين سنة.
يتبع
قربت من الباب وأنا حاسة إن قلبي هيخرج من مكانه
بصيت من العين السحرية
لقيت راجل كبير واقف لوحده
وشه متغير من السنين لكن ملامحه كانت مألوفة بشكل غريب
سارة كانت واقفة ورايا

وبتقول
ماما متفتحيش
قلت لها
أنا لازم أعرف مين ده
فتحت الباب بسلسلة الأمان
الراجل بصلي وقال
إنتي أمينة مرات محمود؟
قلت
أيوه
قال
أنا حسن عبدالسلام
الاسم وقع عليا كالصاعقة
نفس الاسم اللي كان مكتوب ورا الصورة