كشـف المـستور بقلـم حكايات منـال علي

مراتي أهانت أمي وإخواتي طلبوا مني أطلقها، لحد ما أمي كشفتلي سر عن مراتي قلب الحكاية كلها!!!
أنا عمري ما كنت أتخيل إن يوم عادي في حياتي ممكن يقلب بالشكل ده
ولا كنت أتخيل إني في يوم من الأيام هبقى واقف بين مراتي من ناحية، وأمي وإخواتي من ناحية تانية، وكل طرف مستني مني إني أختار هو.
أنا اسمي ياسين، عندي 33 سنة، ومتجوز من تلات سنين من رنا.
رنا مش ست مثالية، وأنا كمان مش جوز مثالي، بس عمر ما كان بينا مشاكل كبيرة تخلي الجواز يوصل للمرحلة دي.
كانت دايمًا بتعامل أمي باحترام، وأمي في الأول كانت بتحبها جدًا.
بس من بعد ما اتجوزنا، بدأت تحصل بينهم احتكاكات صغيرة.
مرة بسبب طريقة ترتيب البيت، ومرة بسبب إن أمي كانت بتدخل في تفاصيل تخصنا، ومرة بسبب زيارة اتأجلت.
وكنت دايمًا بحاول أعدّي الموضوع.
أقول لأمي معلش يا أمي، رنا لسه بتتعود.
وأقول لرنا دي أمي برضه، استحمليها.
لحد اليوم اللي كل حاجة انفجرت فيه.
كنت في الشغل، وفجأة لقيت مكالمة من أختي.
قالتلي بصوت متوتر ياسين، تعالى بسرعة.
قلبي وقع. بقلم منال علي
سألتها في إيه؟
قالت تعالى بس، ومتسألنيش دلوقتي.
قفلت معاها، وسقت العربية وأنا مش فاهم في إيه.
أول ما دخلت البيت، لقيت أمي قاعدة في الصالة ووشها أحمر من العصبية، وأختي واقفة جنبها، ورنا واقفة بعيد وهي بتعيط.
بصيت لأمي حصل إيه؟
أمي بصتلي وقالت مراتك مدّت إيدها عليا!
اتصدمت. حصري علي روايات واقتباسات
بصيت لرنا إنتي عملتي كده؟
رنا هزت راسها بسرعة وهي بتعيط أنا ما ضربتهاش يا ياسين!
أمي قاطعتها أمال الشبشب اللي اترمى عليا ده كان إيه؟
بصيت على الأرض، ولقيت الشبشب واقع جنب الكرسي.
رنا قالت بسرعة هي شتمتني يا ياسين قالتلي كلام جارح جدًا، وأنا اتعصبت ومقدرتش أتمالك نفسي.
أمي ردت عليها وأنا قلتلك إيه يعني؟ قلتلك الحقيقة! إنتي من يوم ما دخلتي البيت وإنتي عاملة فيها صاحبة مكان!
وقتها رنا انفجرت في العياط. بقلم منال علي
وأنا
بدل ما أهدّي الموقف، انفجرت أنا كمان.
زعقت لرنا إنتي إزاي تعملي كده؟ دي أمي!
قالتلي وأنا؟ أنا مراتك!
سكت.
الجملة دي وجعتني.
بس عصبيتي كانت أكبر من إني أفكر.
قولتلها غلطانة وتعتذري لأمي.
بصتلي ثواني، وبعدين قالت حاضر.
دخلت أوضة النوم، وبعد دقايق خرجت وهي منهارة.
راحت لأمي وقالتلها أنا آسفة.
أمي سكتت.
رنا قربت منها وقالت حقك عليا.
وأنا افتكرت إن الموضوع انتهى.
لكن أمي قالت جملة خلتني أحس إن رنا اتكسرت قداميخلاص يا بنتي حصل خير.
رنا بصتلي، كأنها مستنية مني كلمة تطمنها.
لكن قبل ما أتكلم، أختي دخلت وقالت هو حصل خير إيه بس؟!
بصتلها باستغراب. حصري علي روايات واقتباسات
قالت إنتوا كلكم هتعدّوا الموضوع كده؟
أمي قالت خلاص يا بنتي، أنا سامحتها.
أختي ردت إنتي سامحتي، إنما إحنا لأ.
بصيتلها إحنا مين؟
قالت إخواتك كلهم.
وساعتها بدأت الكارثة الحقيقية.
بالليل، إخواتي اتجمعوا عند أمي.
أخويا الكبير قاللي ياسين، إحنا مش داخلين في جوازك، بس في حاجات ليها حدود.
قلت يعني إيه؟
قال يعني مراتك لو فضلت على ذمتك، متستناش إن علاقتنا تفضل زي ما هي.
بصيتله وأنا مش مستوعب.
قلت يعني هتقطعوني عشان مشكلة حصلت؟
أختي قالت دي مش مشكلة. دي أهانت أمي.
رديت وأمي سامحتها.
قالت إنت مش فاهم الموضوع مش موضوع أمي بس.
سألتها أمال موضوع إيه؟
سكتت لحظة، وبعدين قالت موضوع إن مراتك مش شبهنا.
الجملة دي فضلت ترن في دماغي.
رجعت البيت، لقيت رنا قاعدة على طرف السرير وبتعيط في صمت.
أول ما شافتني قالت إخواتك قالولك إيه؟
قلت ولا حاجة.
ابتسمت بسخرية ياسين أنا سمعتهم.
قعدت جنبها.
قالت أنا مش عايزة أخرب علاقتك بأهلك.
قولتلها ولا أنا عايز أخسرك.
قالت طب هتعمل إيه؟
معرفتش أرد.
فضلنا ساكتين.
وبعدها بيوم، لقيت أخويا باعتلي رسالة لو رنا فضلت في البيت، متجيش فرح أختك.
فضلت باصص للموبايل وأنا مش مصدق.
أختي الصغيرة كانت مخطوبة، والفرح بعد شهر.
اتصلت بأخويا وقلتله إنت بتتكلم جد؟
قال أيوه.
قولت يعني أطلق مراتي عشان تحضر فرح أختي؟
قال إحنا بنقولك اختار طريقك.
قفلت المكالمة.
بعدها بساعات، بدأت الرسائل تنهال عليا.
واحد يقول إنت حر.
والتاني بس متطلبش مننا نعاملها كأن مفيش حاجة حصلت.
وأختي قالتلي لو هي كملت معاك، متعتبرناش إخواتك.
كنت حاسس إني مخنوق.
رنا لاحظت إني متغير.
قالتلي لو وجودي هيخليك تخسر أهلك أنا ممكن أمشي.
بصيتلها بسرعة إنتي بتقولي إيه؟
قالت أنا مش هكون السبب إنك تخسر أمك وإخواتك.
قولتلها بس أنا مش عايز أخسرك.
قالت وهي بتعيط وأنا مش عايزة أكون سبب في إنك تعيش طول عمرك لوحدك.
مسكت إيدها.
قولتلهاهنحلها.
لكن الحقيقة؟
أنا نفسي مكنتش عارف هنحلها إزاي.
لحد ما في اليوم اللي بعده، وأنا راجع من الشغل، لقيت أمي مستنياني لوحدها.
قعدت قدامي وقالت ياسين أنا مش هضغط عليك تطلق رنا.
ارتحت.
لكنها كملت بس لازم تعرف حاجة.
بصيتلها.
قالت إخواتك مش هما اللي طلبوا منك تطلقها.
اتجمدت مكاني.
قولتلها أمال مين؟
أمي بصتلي شوية، وبعدين قالت قبل الخناقة بيومين، رنا قالت لأختك كلام وأنا عرفت بالصدفة.
سألتها قالت لها إيه؟
أمي قربت مني وقالت بصوت واطيالكلام ده لو إخواتك عرفوه كامل مش هيطلبوا منك تطلقها وبس.
سكت. حصري علي روايات واقتباسات
وحسيت إن الأرض بتتهز من تحتي.
قولتلها يعني إيه يا أمي؟ رنا عملت إيه؟
أمي مدت إيدها وناولَتني موبايلها.
وقالت اسمع التسجيل ده الأول وبعدها قرر إذا كانت مراتك فعلًا مظلومة زي ما فاكر، ولا إحنا كلنا اتضحك علينا.
فتحت التسجيل
وأول صوت سمعته كان صوت رنا.
لكن أول جملة قالتها
خلتني مش قادر أصدق اللي بسمعه!!!!!!!
حكايات_منال_علي
فتحت التسجيل
وأول صوت سمعته كان صوت رنا.
لكن أول جملة قالتها خلت الدم يتجمد