
ټوفيت ابنتي وهي في الثامنة عشرة من عمرها أثناء ولادتها
الجزء الأول الوعد الأخير
بنتي ماټت وهي عندها 18 سنة أثناء ولادتها، ومن يومها وأنا اللي ربيت ابنها لوحدي، لأن محدش كان يعرف مين أبوه الحقيقي!
لكن بعد عشر سنين، وفي اليوم اللي كان المفروض بنتي تتم فيه 28 سنة، قابلت ست غريبة واقفة عند قپرها، وماسكة ظرف قديم في إيدها.
أول ما عرفت إني أم البنت المدفونة، قربت مني وقالت
أنا وعدت بنتك قبل ما ټموت إني أحافظ على سرها بس الوعد ده انتهى النهارده، ولازم تعرفي إن أبو حفيدك مش الشخص اللي إنتِ فاكرة إنه ممكن يكون!
بصيتلها وأنا مش فاهمة، فسألتها
إنتِ تعرفي مين أبو حفيدي؟!
هزت راسها، وقالت جملة خلت قلبي يقف
أعرفه وأعرف كمان إنه كان موجود في المستشفى ليلة ۏفاة بنتك، وإن مۏتها مش هو كل الحقيقة اللي اتقالتلك!
أنا اسمي نوال، عندي 56 سنة، وأرملة من يوم ما كان عمري 35 سنة.
جوزي ماټ في حاډثة عربية، وسابلي بنت واحدة اسمها مريم، كانت وقتها عندها سبع سنين.
ومن يومها وأنا قررت إني أعيش علشانها.
اشتغلت في الخياطة، وبعدها في مصنع ملابس، وكنت ساعات برجع البيت بعد اتناشر ساعة شغل، وإيدي بتوجعني من كتر التعب.
لكن أول ما كنت بفتح باب الشقة وألاقي مريم مستنياني، كنت بنسى كل حاجة.
كانت بنت جميلة، هادية، وطيبة بطريقة تخوف.
شعرها أسود طويل، وعينيها واسعة، وضحكتها كانت بتنور البيت.
وكانت دايمًا تقوللي
لما أكبر يا ماما، هشتغل وأجيبلك بيت كبير، وهخليكي تقعدي ملكة، ومش هسمحلك تتعبي تاني.
كنت أضحك وأحضنها وأقول
أنا مش عايزة بيت كبير يا مريم أنا عايزاكي إنتِ بس.
مكنتش أعرف إن الجملة دي هتفضل تطاردني بقية عمري.
لأن بعد سنين قليلة، كنت هخسر البنت اللي عشت عمري كله علشانها.
وكان هيفضل منها طفل صغير، شايل ملامحها، وسر كبير محدش راضي يقولهولي.
الحكاية بدأت قبل ۏفاة مريم بحوالي سنة.
كانت في تالتة ثانوي، ومتفوقة جدًا في دراستها.
حلمها تدخل كلية الطب، وكانت بتذاكر بالساعات، لدرجة إني كنت ساعات أصحى الفجر ألاقي نور أوضتها لسه منور.
لكن في الفترة دي بدأت ألاحظ عليها حاجات غريبة.
بقت سرحانة طول الوقت.
تليفونها مبقاش بيفارق إيدها.
وساعات كنت أصحى بالليل ألاقيها قاعدة في الصالة بټعيط لوحدها.
وفي مرة دخلت عليها فجأة، لقيتها بتقفل مكالمة بسرعة.
سألتها
بتكلمي مين يا مريم؟
ارتبكت وقالت
واحدة صاحبتي يا ماما.
وبتعيطي ليه؟
مفيش بس مضغوطة من المذاكرة.
صدقتها.
أو يمكن كنت عايزة أصدقها.
لأني عمري ما تخيلت إن بنتي ممكن تخبي عني حاجة كبيرة.
أنا ومريم مكناش مجرد أم وبنت.
إحنا كنا أصحاب، وإخوات، وكل الدنيا لبعض.
لكن اللي اكتشفته بعد كده خلاني أفهم إن حتى أقرب الناس لينا ممكن يشيلوا جواهم ۏجع إحنا منعرفش عنه حاجة.
في يوم من أيام الشتاء، رجعت من الشغل بدري.
لقيت مريم قاعدة على طرف سريرها، وشها أصفر، وعينيها وارمة من العياط.
أول ما شافتني قامت بسرعة.
ماما ممكن أقولك حاجة؟
قلبي اتقبض.
مالك يا بنتي؟ إنتِ تعبانة؟
هزت راسها.
أنا عملت حاجة ومش عارفة هتسامحيني عليها ولا لأ.
قربت منها ومسكت إيديها.
إنتِ بنتي يا مريم، مفيش حاجة في الدنيا تخليني أبطل أحبك. قوليلي مالك.
فضلت ساكتة شوية، وبعدين قالت بصوت يكاد يكون مش مسموع
أنا حامل يا ماما.
في الأول افتكرت إنها بتهزر.
بصيتلها وقلت
حامل؟! إنتِ بتقولي إيه؟!
بدأت ټعيط.
والله ما كنت عايزة أخبي عليكي بس كنت خاېفة.
حسيت إن الدنيا بتلف بيا.
قعدت على السرير وأنا مش قادرة أستوعب.
بنتي اللي لسه من كام شهر كنت بشتريلها شنطة المدرسة، بقت حامل!
رفعت عيني ليها وسألتها
مين أبوه؟
سكتت.
كررت السؤال بصوت أعلى
مين أبوه يا مريم؟!
قالت وهي بتترعش
مقدرش أقولك.
يعني إيه مقدرش؟! ده لازم يتحمل مسؤوليته! هو وعدك بالجواز؟ ضحك عليكي؟ سابك وهرب؟
كانت كل كلمة بقولها بتخليها ټعيط أكتر.
وفجأة صړخت
أرجوكي يا ماما! متسألينيش عن اسمه!
اټصدمت من صړختها.
دي كانت أول مرة مريم تعلي صوتها عليا بالشكل ده.
وبعدين وقعت على ركبتها قدامي، ومسكت إيدي وباستها.
سامحيني أنا عارفة إني وجعت قلبك، بس والله فيه حاجات لو عرفتيها هتتأذي إنتِ كمان.
بصيتلها باستغراب.
أنا أتأذي؟! من مين؟!
رفعت وشها وقالت
متسألينيش أرجوكي.
ساعتها حسيت إن الموضوع أكبر من مجرد علاقة انتهت.
كان فيه خوف حقيقي في عينيها.
خوف من شخص معين.
لكن مهما حاولت، مرضيتش تقول اسمه.
عدت الأيام، وبدأ حمل مريم يبان.
اضطريت أوقفها عن بعض مشاويرها، وأتابع معاها عند دكتورة نسا قريبة من بيتنا.
كنت بحاول أتماسك قدام الناس.
لكن الحقيقة إني كنت بعيط كل ليلة.
مش علشان كلام الناس بس.
علشان بنتي اللي كان المفروض تعيش أحلى سنين عمرها، لقيتها شايلة هم أكبر منها بكتير.
ومع ذلك، كانت بتحب الطفل اللي في بطنها بطريقة غريبة.
كانت تقعد بالساعات تكلمه.
وتحط إيدها على بطنها وتقول
متخافش يا حبيبي أنا مش هسيبك.
وفي مرة سمعتها بتقول
حتى لو الدنيا كلها اتخلت عننا، أنا هفضل جنبك.
دخلت عليها وقلت
هو إنتِ ليه دايمًا بتتكلمي كأن فيه حد هيبعدك عنه؟
اتخضت.
مفيش يا ماما.
مريم، إنتِ خاېفة من إيه؟
بصتلي شوية، وبعدين سألتني سؤال غريب
هو ممكن أم تحب ابنها لدرجة إنها تضحي بحياتها علشانه؟
ضحكت بحزن وقلت
الأم ممكن تضحي بروحها علشان ضفر ابنها يا بنتي.
ابتسمت ابتسامة صغيرة.
يبقى أنا هبقى أم كويسة.
حضنتها وقلت
هتبقي أحسن أم في الدنيا.
لكن مكنتش أعرف إن بنتي عمرها ما هتلحق تسمع ابنها وهو بيناديها ماما.
في الشهر السابع، حصل موقف غريب.
كنت راجعة من السوق، ولقيت عربية سودا واقفة تحت بيتنا.
عربية فخمة جدًا، مش شبه العربيات اللي بنشوفها في شارعنا.
وكان واقف جنبها راجل لابس بدلة غالية، وبيتكلم في التليفون بعصبية.
أول ما شافني طالعة العمارة، سكت وبصلي.
مخدتش بالي منه أوي.
لكن لما طلعت الشقة، لقيت مريم واقفة ورا الشباك، ووشها شاحب.
سألتها
مالك؟
قالت بسرعة
العربية اللي تحت دي مشيت؟
استغربت.
عربية إيه؟
العربية السودة.
لأ، لسه واقفة. تعرفي صاحبها؟
هزت راسها پعنف.
لأ معرفوش.
لكن إيديها كانت بتترعش.
وبعد دقايق، سمعت صوت موتور العربية وهي بتتحرك.
مريم قعدت على الكرسي كأنها كانت حابسة نفسها طول الوقت.
قربت منها وقلت
إنتِ مخبية عليا إيه يا بنتي؟
بصتلي بعينين مليانين دموع.
يا ماما لو حصلي أي حاجة، أوعي تسيبي ابني لحد.
اتعصبت من كلامها.
إيه الكلام الفارغ ده؟! إن شاء الله تقومي بالسلامة وتربيه بنفسك.
لكنها مسكت إيدي جامد.
وعديني!
أوعدك بإيه؟
إنك متسلميش ابني لأي حد، مهما قالك، ومهما عرض عليكي فلوس.
حسيت برعشة غريبة.
مين اللي ممكن ياخده منك؟
مردتش.
كل اللي عملته إنها حطت راسها على كتفي وفضلت ټعيط.
قبل الولادة بأسبوعين، مريم طلبت مني طلب غريب.
قالت
ماما، أنا عايزة أسمي ابني يوسف.
ابتسمت.
اسم جميل يا حبيبتي.
فتحت درج مكتبها وطلعت علبة صغيرة.
جواها سلسلة فضة، متعلقة فيها دلاية على شكل مفتاح صغير.
قالت
دي عايزاكي تحتفظي بيها لحد ما يوسف يكبر.
مسكت السلسلة.
إيه دي؟
حاجة تخصه.
مين جابهالك؟
سكتت لحظة، وبعدين قالت
حد كان المفروض يحميه.
الكلام ضايقني.
مريم، كفاية ألغاز بقى! أنا أمك، ومن حقي أفهم!
بدأت ټعيط.
والله هتعرفي كل حاجة في يوم من الأيام بس مش دلوقتي.
وبعدين طلعت ورقة مطوية وحطتها في إيدي.
ولو أنا جرالي حاجة، خلي يوسف يعرف إني كنت بحبه قبل ما





