قصص قصيرة

متغلطش غلطتي

متغلطش_غلطتي
من سنه ونص تقريبا ولدت توءم بلال وبيجاد في ايطاليا وبعد الولاده كنت حاسه ان في حاجه فيا غلط بس طبعا رفاهيه اني اهتم بنفسي واروح لدكتور دي كانت منعدمه …كان اقصا طموحي اناااااااام 
فضلت ٤٠ يوم من الولاده وانا مش تمام خالص وسخونيه مستمره بدون سبب وبرضو انا مهمله واقول يمكن من الولاده والارهاق وقلة النوم
رحت عملت تحليل ډم وبعته للمستشفا اللي ولدت فيها ولقيتهم تاني يوم متصلين بيا اني اروحلهم بسرعه 
وكنت يومها عامله كشړي مصري 
عارفين يعني ايه كشړي مصري في الغربه يعني حلم جميل 
قلت اروح المستشفا في السريع انا وجوزي ولما ارجع ابقا اكل براحتي ودي كانت اول غلطه
لما رحت المستشفا لقيت كنسولتو دكاتره وممرضات في انتظاري ..خير يا جماعه …
بدون مقدمات انتي عندك کانسر نادر بيجي مع الحمل بس وبيكون في المشيمه يعني لا ينفع استئصال ولا شيل رحم …حالتك حرجه جدا لازم تبدءي بسرعه كيماوي ولازم مسح ذري ولازم تتحجزي حالا ..ولازم كتيررررررررر وساعتها ودني اتسدت 
تخيلو يتقالي في وشي قدامك ١٠ ايام وټموتي لو مبدؤتيش حالا كيماوي
اتقالي كل الاعراض السيئه للكيماوي من قبل ما ابدءه بمنتها القسۏه بس مكنش المړض شاغل بالي اصلا كل تفكيري كان هودي ولادي فين دول عندهم ٤٠ يوم واحنا بطولنا في الغربه ملناش الا ربنا
الكبيره اللي متعلقه فرقبتي واهلي اللي هيتوجعوا عليا فمصر وهم مش قادرين يكونوا جنبي
طب الكشري اللي فلبيت مين هياكله دا انا ھموت عليه 
وجوزي يقولي احنا في ايه ولا في ايه ..يعني اموت ونفسي في الكشري
المهم اتحجزت علطول واتعملي مسح ذري واكتشفوا ان الورم انتشر في الرئه بسبب تاخيري لان نوع الورم دا شرس جدا ودي كانت تاني غلطه
متغلطوش غلطتي كلوا اكلتكم المفضله قبل ما تعملوا مشاويركم المهمه عشان محدش عارف توابع المشوار ايه اخطفوا اي لحظه حلوه 
واوعوا بلله عليكم لو حسيتوا بحاجه غلط في جسمكم تهملوا لان عواقب الاهمال ممكن تكون جسيمه 
كل حاجه تتعوض الا الصحه
وربنا ما يكتبها على حد
ابدا
تعديل منحرمش من دعواتكم الحلوه

1 2الصفحة التالية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock