الفنان سيد زيان
في عىزاء سيد زيان حصل حاجة غريبة جداً لما وقف راجل غريب بيبكي ويدعي بحىىرقة في وسط المعزين، ولما بنته سألته: أنت تعرف بابا؟، رد عليها بجملة قلبت الموازين.. يا تري إيه هو السر اللي خلى الكل يبكي على سيد زيان وإيه سر شوال البلح والسكر اللي اتوزع في الضلمة؟
الفنان اللي كان بيضحك ملايين، كان بيخبّي ورا ضحكته دي أسرار تبكي من كتر جمالها وإنسانيتها، والحقيقة اللي كشفتها بنته إيمان بعد سنين من رحيله خلت الكل يقف مذهول قدام سيد زيان الإنسان اللي محدش كان يعرفه.
الموضوع بدأ لما إيمان كانت بتقضي الصيف في مارينا، ولقت راجل غريب بيدعي لوالدها بحىىرقة ودموع مش طبيعية، ولما سألته: أنت كنت بتحب بابا للدرجة دي؟، الرد كان صذمة ليها ولينا كلنا.
الراجل حكى لها إن الفنان سيد زيان هو اللي عمله كيانه من العدم.
الحكاية إن الراجل ده دخل بيت سيد زيان زمان، وطبخ له هو وصحابه أكلة معتبرة، فعمنا سيد قاله: نفسك في إيه يا بطل؟.
ولما قاله إنه بيحلم بمطعم في إسكندرية، الفنان مكدبش خبر، وقاله: انزل نقي المحل اللي يعجبك والمعدات عليا.
وفعلاً، المحل فتح وبقى براند، ولما الراجل راح يرجع له الفلوس من المكسب، سيد زيان رفض تماماً وقاله: الفلوس دي حلال عليك وعلى عيالك.
بس المفاجأة الأكبر كانت في أيامه الأخيرة، قبل تعبه ورحيله بـ 48 ساعة بس، نادى على بنته إيمان وسألها: وراكي حاجة؟.
ولما قالت له لأ، سلمها مفتاح العربية وقالها جملة تقشعر لها الأبدان: انزلي افتحي الشنطة، هتلاقي شوال سكر وشوال بلح، وزعيهم على الناس الغلابة في صمت.. ومش عايز حد يلمحك ولا يعرف أنتِ مين.
