رواية عشق الأدهم كامله جميع الفصول
كاااام ٨ ازاى وقامت بسرعه معلش انا دقيقه
وهكون جاهزه
اسر بلؤم وايه الى اخرك فى النوم مش عادتك
همس اصل مانمتش طول الليل
اسر بنص عين ومانمتيش ليه طول الليل
همس اخدت بالها من كلامها فحبت تلحق نفسها بس بعد ايه ابدا ياسر كنت تعبانه الظاهر تقلت فى الاكل امبارح عند ناديه
اسر ومازال بيلاعبها اه الصراحه الاكل كان تحفه خصوصا الاكل الى أدهم عمله
همس اول ماجاب سيره أدهم رجعت لتوترها الى بقى ملحوظهاا اه يعنى مش قوى
اسر بيحاول يدارى ضحكته هو ايه ده الى يعنى مش قوى
همس بتحاول تهرب من عيون اخوها الى فاهمها قصدى الاكل كان عادى يعنى
اسر ياشيخه حرام عليكى دا كان ولا اكل المطاعم أدهم ده بصراحه طلع جامد
همس بتحاول تغير سيره أدهم اسر انت عمال ترغى ومعطلنى اطلع بره علشان البس ونروح الشركه يالا
وزقته وقفلت الباب وسندت عليه وحطتت ايدها على قلبها
همس بتكلم قلبها وكأنها بتكلم حد قدمها انت عمال تدق كده ليه كل لما تيجى سيرته هتفضحنى ومش هعمل الى انت عايزه برده مهما دققيت …..
خلصت وخرجت لاسر اخدها وراحوا على الشركه عارفها مكتبها فين وفهمها الشغل ماشى ازاى واطمن عليها وراح مكتبه همس كانت مبسوطه جدا شويا واسر بعتلها سيلا طلبها فى مكتبه خبطت ودخلت
همس ايوا ياستاذ اسر طلبتنى
اسر بضحك استاذ مره واحده ليه كده
همس بجديه احنا فى الشغل لازم نفرق بين الشغل والاخويه
اسر تمام يااستاذه همس اتفضلى عايز اخد رئيك فى كام برنامج المفروض هنشتغل عليهم
وبدأت همس تتأقلم مع الشغل واسر حس قد ايه هى ذكيه وممكن يستفاد جدا منها فى الشغل
عند ادهم كان يادوب لسه صاحى من النوم وراح لناديه المطبخ الى بتفضل فيه نص يومها من حبها فى الطبخ
أدهم صباح الخير يانونا
ناديه قول مساء الخير الضهر أذن مش عوايدك تنام كل ده
ادهم انا مصدع قوى اعمليلى فنجان قهوه دوبل بالله عليكى
ناديه سلامتك مصدع من ايه
أدهم مانمتش طول الليل يادب نمت والنهار طالع
ناديه بنفس النص عين بتاعت اسر وايه الى سهرك كل ده بتفكر فى حاجه
أدهم اتوتر هاا لا ابدا كنت بس مش جايلى نوم وفضلت العب فى الموبيل
ادهم طول الليل كان سهران بيفكر فى همس ودخل الاكونت بتعها وفضل مسهم لصورتها طول الليل
ناديه طيب خد القهوه اهى ومتلعبش فى الموبيل كتير عنيك ټوجعك
أدهم اخد القهوه وخرج راح لاياد الاوضه يرغى معاه يمكن يبطل تفكير فى همس
عند لورا صحيت كان محمد لسه مصحاش قامت حضرت الفطار وراحت تصحيه صحى محمد وقام غير وخرج شاف الفطار استغرب دى اول مره تعملها قال لنفسه الظاهر الحمل هيغيرها
محمد تسلم ايدك ياحبيبتى تعبتى نفسك ليه
لورا بالهنا ياحبيبى تعبك راحه
محمد طيب مش هنروح للدكتور علشان نطمن عليكى انتى والنونو
لورا اتوترت ها اه طبعا هروح اكشف انا كلمت واحده صاحبتي وقالتلى على دكتور كويس وهتيجى معايا
محمد وليه تاخدى صاحبتك انا هاجى معاكى
لورا قامت اعدت على رجله وبدلع لا ياحبيبى انت روح شوف شغلك وانا هاروح اكشف واطمنك
محمد طيب الى يريحك ولو فى حاجه كلمينى
لورا تمام ياحبيبى
محمد انا نازل بقى عايزه حاجه
لورا قربت باسته عايزه سلامتك
محمد ابتسم وسابها ونزل واول لما نزل ابتسمتها اختفت
وراحت اتصلت بمعتز
لورا الو ايوا ياحبيبى عملت كل الى اتفقنا عليه
معتز تمام بليل تكملى الى قولتلك عليه
لورا حاضر ياقلبى عنيا ليك
معتز يسلملى قلبك وعنيكى
همس اندمجت فى الشغل ونوعا ما بطلت تفكير فى أدهم شويه
وياوب بتكمل الشغل الى اسر طلبه منها لقت فونها رن
همس الو ايوا يامنوش عامله ايه
منه بزعل الحمد لله ياخالتوا انتى عامله ايه
همس خالتوا
تبقى زعلانه من حاجه مالك فى ايه اوعى تكونى متشكله مع اياد
منه يعنى
همس يعنى ايه متشكله معاه ولا لا
منه اه ولا
همس بقله صبر يابنتى ماتهبلنيش انا مش فاهمه حاجه
منه بعياط هقولك ياستى اياد اتصل بيا قالى عايز يخرجنى النهارده قولتله هقول لماما قولتلها عملتلى حكايه وقالتلى مينفعش تخرجى معاه لوحدك قولت لاياد زعل وقالى انا حاسس ان مامتك مش بتحبنى اعمل ايه بقى
همس طيب اهدى يعنى المشكله ايه دلوقت
منه ماما عايزه حد يخرج معانا اجيب مين يعنى يخرج معانا دلوقت
همس بتفكير طيب متزعليش انتى كنتوا هتروحوا فين
منه الملاهى
همس بضحك اااه
قولتلى علشان كده زعلانه قوى طيب ياستى انا هكلم حنين وهروح معاكى واهو افسح حور وادم بقالهم كتير مخرجوش
منه بفرحه بجد ياهمس ياعنى اكلم اياد اقوله
همس اه ياقمر كلميه وانا هقفل معاكى واكلم حنين
منه ربنا يخليكى للغلابه الى زينا طيب هنجيلك على الساعه ٤ كويس
همس اه كويس انا هاخلص شغل على ٢ واروح نجهز
منه انتى نزلت الشغل من النهارده
همس اه يادوب بدأه
منه ربنا يوفقك يالا سلام بقى علشان الحق اقول لاياد
همس سلام
قفلت منه معاها وبصت لحنين الى وقفه جنبها
منه بفرحه ياااس مايجبها الا منون
حنين بضحكه طب والله صدقتك
منه بثقه عيب عليكى يامامى دانا جامده جدا ياترى اياد عمل ايه مع ادهم
حنين بغيظ بت يامنه بقى اياد بيقولك امك مش بتحبنى
منه پصدمه فى ايه ياحاجه حنين احنا هنكدب الكدبه ونصدقها ولا ايه اومال ماكنش كل ده تخطيطك انتى وطنط ناديه
حنين يوووووه مش بقولك والله صدقتك المهم كلمى اياد شوفيه عمل ايه
ومكملتش ولقت همس بتتصل
حنين هوووش بتتصل وردت عليها الو ايوا ياهمس عامله ايه
همس الحمد لله انتى عامله ايه
حنين بعصبيه كويسه
همس مالك مټعصبه ليه
حنين هو فى الا الزفته الى معصبانى على طول
همس ليه بس كده هو فى زى منون
حنين ايوا ياختى افضلى دلعى فيها دى عايزه تخرج مع اياد لوحدها ينفع يعنى ياهمس
همس ياستى مش هتخرج لوحدها هى كانت قالتلى بس انا نسيت انا هخرج معاها علشان عايزه افسح العيال
حنين طيب لو كده ماشى
همس طيب ماتيجى معانا
حنين بلخبطه لا مش هينفع اصل اصل اه ناديه جايه تعد معايا شويه
همس خلاص ماشى يالا سلام
حنين سلام
قفلت معاها وبصت لمنه الى كتمه ضحكتها ايه رئيك
منه ضحكت جامد ياماما ياجامده ماأنتى شاطره اهو طلعالى
حنين رمت عليها مخده انا الى طلعالك برده
منه اه طبعا وبعدين تعالى هنا انا زفته وعلى طول معصباكى
حنين صوتت يالهووووى يابت مش احنا متفقين اقول كده
منه هرشت فى شعرها اه صحيح افتكرت طيب اما نشوف اياد عمل ايه هو كمان
عند اياد دخل ادهم عليه لاقاه مبوز وحاطط ايده على خده
أدهم مالك ياختى جوزك طلاقك ولا ايه
اياد بصله والنبى تسبنى انا مش رايقلك
ادهم اعد جنبه مالك بس فى ايه
اياد مافيش
ادهم من امتى بتخبى عليا
اياد ابدا الموضوع مش مستاهل
أدهم ماهو واضح بدليل انك مبوز وحاطط ايدك على خدك ماتقول ياعم يمكن اقدر اساعدك
اياد ابدا كنت قولت لمنه هخرجها انهارده مامتها قالتها مينفعش تخرجوا لوحدكم
أدهم هو لسه فى حد بيفكر كده بس اقولك معاها حق وبعدين
اياد ابدا قالتلها خالتك وعيالها هيجوا معاكم
ادهم اول ماجت سيره همس قلبه دق طيب ايه المشكله
اياد بعصبيه المشكله انى هتحرج اقولها معلش خاليكى اعده هنا لوحدك عقبال ما افسح منه شويه
أدهم هو انتوا كنتوا هتروحوا فين
اياد الملاهى
أدهم بتفكير لنفسه ما دى فرصه اشوفها فيها دى وحشتنى قوى من امبارح واجرب اقرب منها يمكن
كل ده واياد عينه عليه وبيقول لنفسه قول ياأدهم قول انا هاجى معاك متفرحش منه فيا
وفجاه لاقى ادهم قاله خلاص انا هاجى معاك
اياد فرح جدا وقام باسه بجد ياأدهم هاتيجى معايا
أدهم بكدب اه والله اصل عايز اشوف العيال وحشونى
اياد لنفسه العيال برده الى وحشوك اه ياسوسه
أدهم بصله قوى مالك يااياد سكت ليه
اياد لا ابدا فرحان
أدهم طيب انتوا هتروحوا على كام
اياد على ٤ كده
أدهم طيب تمام هاروح اجهز نفسى عقبال ماتظبط نفسك
وسابه وخرج
اياد فضل متنح وبص لساعته هتروح تجهز من الساعه ١ونص ليه عريس ورفع ايديه للسما يارب ياأدهم اشوفك عريس
وجرى اتصل بمنه يشوف الاخبار عندها ايه
اياد الو ايوا يامنه عملتى ايه
منه عيب عليك كله تمام وانت سبع ولا ضبع
اياد بثقه سبع طبعا قولتلك مش هيقدر يقاومنى
منه ضحكت ماشى ياسبع هستناك بقى وزى ماتفقنا خليه يجى ورنا مش معنا علشان همس متشكش
اباد طيب انا هقوله يجى كانه صدفه علشان همس بتفكرش انى مدايق منها
منه صدفه فى الملاهى ماشى مش مهم
اياد بغيظ انتى لازم تعترضى وخلاص
منه بضحك اه يالا سلام اما اروح اطمن ماما
اياد ماشى وانا كمان اروح اقول لنونا سلام
كل واحد فيهم راح يبلغ مامته بالاخبار والاتنين دعولهم
ربنا يجمع بينهم
اياد اخد عربيه ادهم بعد ماتفقوا هيعملوا ايه علشان همس
ماتحسش ان اياد مدايق منها انها خرجت معاهم راح اخد منه
وبعدين همس والعيال وطلعوا على الملاهى
حور بفرحه انا فرحانه قوى ياماما بقالى كتير مجتش الملاهى
همس معلش ياحور انتى عارفه مكناش بنخرج علشان المدرسه وانا قولتلك فى الاجازه هنخرج ياقلبى
ادم بفرحه واتم فيحان خايص عسان اتب ميجيح
وادم فرحان خالص عشان هيركب المرجيح
ضحكوا على كلامه ومنه قالتله قلبى ياناس دانا هلففك الملاهى كلها بس تعالا نروح الكافيه ناكل اى حاجه لحسن ماكلتش من الصبح
همس اه طبعا علشان كنتى لويا بوزك
اياد تعالوا نعد هنا المكان حلو قوى قصاد البحيره دى شكلها رمانسى وغمز لمنه الا فهمت قصده
منه اه يالا
راحوا اعدوا ويادوب هيطلبوا الاكل اياد لقى فونه فى جيبه بيرن
اياد وهو بيبص للفون باستغراب ايه ده
همس مالك يااياد فى حاجه
اياد ده مش تليفونى
همس اومال تلفون مين
لقت صوته من وراها بيقولها تلفونى انا
همس عنيها برقت وبتكدب ودنها وبتقول لنفسها هو انا اټجننت ولا ايه الصبح اشوفه قدامى ودلوقت اسمع صوته
ومكمتلش لقت ادهم قدمها الاستاذ اخد تلفونى وسابلى تلفونه
اياد وهو عامل نفسه متفاجاء أدهم انت جيت ازاى
أدهم وهو باصص لهمس الى المفجأه لسه مأثره عليها اسلم الاول طيب وبعدين اقولك
منه اهلا اهلا حضرتك عامل ايه
أدهم الحمد لله يامنه وياريت نمشيها ادهم من غير حضرتك
منه ضحكت وادم قام جرى عليه عمو أتهم بيبى
أدهم وهو بيشيله حبيب قلبى وحشتنى وبص لحور حور القمر فين بوسه عمو
حور جريت عليه هى كمان كل ده وهمس لسه مسهمه أدهم بصلها كأنه لسه مركز معاها
أدهم مدام همس انا اسف مسلمتش عليكى عامله ايه ومدلها ايده
همس مدت ايديها بتردد الحمد لله كويسه
أدهم اول مامسك ايدها الاتنين حسوا بالكهربا مشيا فى جسمهم أدهم فضل ماسك ايديها شويه علشان ترفع عينها تبصله وفعلا بصتله ورجعت بصت لايده الى لسه مسكه ايدها وسحبتها ووشها كله احمر وطبعا كل ده تحت مراقبة اياد ومنه الى بيغمزوا لبعض
اياد لأدهم الى لسه مسبل لهمس انت عرفت انى هنا ازاى
أدهم انتبه ومكنش لاقى صوت يرد بيه احمم لما لقيت تليفونك على السرير مكان تلفونى معرفتش افتحه اتصل بيك سالت ناديه قالتى انك هنا واتصلت بيك مرتدش عليها
اياد هرد ازاى والتليفون معاك
أدهم بغيظ ياعقل النمله كانت بتتصل على تلفونى انا
كلهم ضحكوا وهمس كمان ڠصب عنها ضحكت على كلمته
اياد عجبتكوا قوى ماشى ياسى أدهم اتفضل تلفونك اهو حاجه تانيه
أدهم بتوعد انت بتطردنى يااياد
منه ايه يااياد بدال ما تقوله خليك معانا بدال اجى المشوار ده
همس بصتلها علشان تسكت ومنه عملت نفسها مش شيفاها وكملت
منه خليك معنا تلاقيك لسه متغدتش اصلا
أدهم اه والله يامنه ملحتش اتغدا
اياد حبيبى ياأدهومه خليك ياغالى معانا وهغديك كمان
همس كان نفسها تصوت وعماله تقول لنفسها ياعنى انا عامله من الصبح اقنع نفسى انى مش هشوفه تانى القيه دلوقت قدامى اعمل ايه يارب
أدهم بص لهمس الى سرحانه مش عايز ادايق مدام همس بس
همس بصتله ونفسها تقولوا اه امشى بلاش تكون معايا فى مكان واحد بس قالتله لا ابدا اتفضل
حور اه ياعمو أدهم خليك معانا انا بحبك قوى
أدهم خدها فى حنه وانا بمۏت فيكى ياقمر حاضر هفضل معاكوا…. اذا كان كده انا الى عازمكم على الغدا
همس سرحت فى وش أدهم وهى شايفه عيالها فى شافته هو الى جوزها ابو عيالها وحنين عليهم وعليها وتخيلت انهم اعدين مع بعض هى وأدهم وبيحب فيها وعيالها حواليها بيلعبوا ابتسمتمن غير ماتحس
أدهم اخد باله من ابتسامتها وجمالها وهو كمان اتمنى نفس الى هى اتمنت وسال نفسه ليه لا ليه ماتحبش وتعيش حياتها ليه عايزه تقفل على نفسها وتحرم نفسها من السعاده ليه مايكنش ليها راجل يحبها وتحبه وليه ماكنش انا الراجل ده وسال نفسه انت ياأدهم هتحب تانى رد على نفسه انا اصلا محبتش اولانى وهمس غير اى حد انا عمرى ماقبلت واحده زيها
ادهم فاق من افكاره على الجارسون بيقدملهم الغدا
منه لادهم اكيد الاكل ده مش احلى من اكلك ياأدهم بصراحه كان تحفه مش كده ياهمس
أدهم بص لهمس مستنى ردها وهى بصت لمنه عايزه تولع فيها اه فعلا تسلم ايدك
اياد قام
بعد ماخلص اكل وقال لهمس بعد اذنك ياهمس انا وعدت ادم وحور هلففهم الملاهى يالا ياولاد يالا يامنه
همس اتوترت وقالت لنفسها يعنى ايه هيسبونى معاه وقالت لاياد لا خلى الاولاد انا هوديهم
اياد بص لمنه تلحقه بس حور نقذه الموقف وقالت لهمس لا ياماما انا عايزه اروح مع عمو اياد ومنه لو سمحتى
همس سكتت مش عارفه تعمل ايه وهما انتهزوا سكوتها ومشيوا بسرعه همس بصت حواليها ملقتش الا أدهم الى عمال يفكر يعمل معاها ايه علشان يغير فكرتها
أدهم لهمس متقلقيش اياد هياخد باله منهم
همس ها انا مش قلقانه ولا حاجه
أدهم طيب
كملى اكلك انتى ماكلتيش حاجه من طبقك
همس انا باكل اهو سكتت شويه وقالتله فجاه هو انت مكنش عندك شغل النهارده
أدهم بصلها واخد باله انها بتحاول
تهرب منه لا كان عندى بس صحيت متاخر النهارده
همس لنفسها ياترى ليه كنت بتفكر فى ايه
أدهم على كده انتى بتشتغلى
همس بتحاول تتكلم عادى كانه اى حد اه بشتغل مع اسر فى الشركه
أدهم بجد كويس هو ده مجال دراستك
همس اه بس مكملتش كان فاضلى سنه واخلص
ادهم استغرب ليه مكملتيش السنه الى فاضله حرام كل السنين دى تروح عليكى
همس بزعل اتجوزت ومعرفتش احضر السنه الى فاضله واتلبخت بالعيال والعمر عدى
أدهم عمر ايه الى عدي ياهمس انتى لسه صغيره ليه متكمليش السنه وتخدى شهادتك
همس معتش ينفع عيالى اهم
أدهم انتى ليه
معندكيش اراده ليه حاسك عايزه تنهى حياتى جوه دايره عيالى اهم ربنا هيحسبك على عمرك ضاع فى ايه
همس حست بالۏجع وبصتله انا عمرى ضاع فعلا ومعملتش اى حاجه كنت عايزها لا خلصت كليه ولا اشتغلت فى المجال الى بحبو ولا اتجوزت حتى عن حب
أدهم بصلها وقلبه وجعه عليها العمر لسه قدامك ممكن تختارى المرادى بقلبك وتعيشى كل الى اتحرمتى منه
همس ياريت كان ينفع حاليا عيالى اهم افكر فيهم هما اكبرهم واعلمهم
أدهم ممكن تعملى كل ده وانتى عايشه سعيده مع حد يحبك وتحبيه
همس معتقتش انى هقدر احب حد وارجوك غير الموضوع
ادهم حاضر هغير الموضوع بس ليا طلب عنك
همس خاڤت من الطلب بس لازم تسمعوااتفضل لو اقدر مش هتاخر
أدهم ممكن ابقى قريب من الاولاد يعنى لوتسمحيلى ابقى اتصل اسال عليهم او اشفهم
همس مش عارفه تقولوا ايه معنى كده ان هيكون قريب منها هى كمان قالت لنفسها عادى زيه زى اى حد مش لازم يأثر عليا وجوده ولازم يكون عادى بالنسبالى
همس لادهم تمام مافيش مشكله ياستاذ أدهم
أدهم اظن انتى ختى بالك انى قولتك همس من غير مدام فا ياريت لو مش هيديقك يبقى أدهم بس
همس فكرت تقوله كلمه تخليه ميحاولش يفكر فيها لا هدايق ليه احنا خلاص بقينا عيله وانت زى اسر اخويا
أدهم زعل انها شايفاه زى اسر اخوها طيب ممكن رقمك علشان ابقى اطمن على الاولاد
همس اتوتر بس اديته الرقم لانها وافقت من البدايه انه يسال على العيال اتفضل الرقم…………٠١٢
أدهم حس انوا قرب خطوه وفكرت انوا زى اخوها دى هيغيرها بعدين متشكرا قوى ياهمس انك هتسمحيلى اسال عليهم
همس انا الى متشكره على حنانك معاهم الى هما مفتقدينه
كل ده منه شيفاه من بعيد وخدت بالعا انه كان بيكتب رقم همس وفرحت انهم بداوا يقربوا من بعض
اياد اجى عليها ومعاه حور وادم ها ايه الاخبار
منه كله تمام تقريبا اخدوا ارقام بعض
اياد بفرحه بجد يبقى أدهم وقع دا عمروا ماكان معاه رقم بنت واحده على تليفونه بركاته ياست همس
منه غمزته وبصت على حور لسانك هتودينا فى داهيه
منه پخوف انت بتقول فيها همس بصتلى بصه فيها علقھ حلوه ليا
اياد ضحك طب يالا
راحلهم وفضلوا مع بعض باقى اليوم وأدهم اخدهم كلهم وصمم يلفوا الملاهى كلها وحور وادم كانوا فرحانين قوى وهما مسكين ايدين ادهم وركبهم تانى كل لعب الاطفال الموجوده وكل شويه همس تعترض وتقوله
همس لادهم بالله عليك انا هدفع للعيال مينفعش كده
ادهم بصلها بصه سكتتها على فكره انتى معاكى رجاله مينفعش تفكرى حتى تقولى كده
همس بصتله واعجبت بيه اكتر وبرجولته الى بتبان فى كل حاجه
خلص اليوم أدهم وصل منه واياد قالها انوا طالع معاها
علشان عايز ماماتها فى موضوع همس كانت هتطلع معاهم
ادهم قالها هتطلعى ازاى العيال ناموا حرام نفضل كل شويه نصحيهم
همس متلخبطه ومش عارفه تعمل ايه طيب انا هصحيهم كده كده وانا طالعه البيت
أدهم مين قال كده انا هشيلهم اطلعهم
همس برقت تطلعهم !!! عندنا
أدهم اه كلمى مامتك لو عايزه قولها
همس لا عادى مش قصدى طيب يالا بينا انت واقف ليه
ادهم مشى وكل شويه بيخطف نظره سريعه لهمس الى اعده حاسه ان العربيه ضيقه ومافيش هوا فيها وفضلوا كده لحد ما وصلوا
همس انا متشكرا قوى تعبتك معنا النهارده
أدهم بص لعنيها تعبك راحه انا معنديش مانع اتعب العمر كله
همس اتوترت ونزلت من العربيه كانت عايزه تجرى بس عيالها ادهم نزل شالهم الاتنين وقالها تطلع قدامه طلعت همس وفتحت الباب كانت مامتها اعده دخلتلها همس
همس ماما ادهم بره معاه العيال نايمين
هناء استغربت هو كان معاكم
همس غمزتها وبصوت واطى هحكيلك بعدين
راحت دخلت أدهم وهو داخل سلم على هناء الى فرحت بيه وهو شايل العيال وقلبها دعا انوا يكون من نصيب بنتها
ادهم داخلهم على سريرهم وطلع
أدهم استاذن انا عايزين منى حاجه
هناء طيب اتفضل اشرب حاجه مينفعش كده دانت اول مره تدخل بيتنا
أدهممعلش ياست الكل مره تانيه وبص لهمس يالا سلام
همس وصلته ورجعت لهناء حاكت لها كل الى حصل
وبعدين دخلت تنام علشان الشغل الصبح
هناء فضلت تفكر وتدعى يارب ياهمس يابنتى يكون من نصيبك ويهديكى وتغيرى رئيك وتفرحى قلبك وقلبى
روايه عشق الادهم ..
الحلقه الثانيه عشر …
لورا كانت طول الفتره الى فاتت بتتعامل مع محمد
بحنيه ودلع وفى يوم كان محمد لسه جاى من الشغل
محمد مساء الخير ياحبيبتى عامله ايه النهارده
لورا مرتدش عليه وكانت اعده مبوزه محمد راحلها واعد جنبها
محمد مالك يالورا مبترديش عليا ليه
لورا بعياط الهانم طلقتك
محمد باستغراب همس مالها انتى شوفتيها فين
لورا بصوت عالى اه ست زفته ومشفتهاش اصلا
محمد بزهق اومال فى ايه
لورا الهانم اتصلت بيا وتقولى انتى اه اختى جوزى بس انا الى هاخد
محمد معقول همس قالتلك كده دا يومها اسود انا هتصل بيها
ويادوب طلع تليفونه قامت بسرعه وقالتله
لورا بتوتر لا متتصل بيها اكيد هتكذب وتقولك انا ماقولتش حاجه وحبت تلحق نفسهاوبعدين هى لسه رقمها معاك ليه واصلا تكلمها ليه اوعى تكون لسه بتتصل بيها ااااه علشان كده بتقولى الكلام ده بثقه
محمد والله ماحصل ولا كلمتها من يوم الطلاق وبعدين هكلمها ليه اصلا دا حتى العيال معرفش عنهم حاجه
لورا ياسلام وهى هتقول كده الى لو كانت وثقه فى كلامها اكيد عندها حاجه مخليها وثقه انها هتاخد كل حاجه فى الاخر اه وطلعنى انا وابنك من المولد بلا حمص
ومسكت بطنها وعملت نفسها تعبانه وفضلت تتأوه محمد جرى عليها يهديها
محمد ممكن تهدى علشان الى فى بطنك محدش هياخد اكتر من حقه وبعدين هو انا مۏت يعنى
لورا بسرعه بعد الشړ عنك ياحبيبى انا بس خاېفه محدش ضامن عمره وهى شكلها عندها حد مقويها
محمد فكر طيب انت عايز ايه دلوقت
لورا قامت قربت منه بدلع وقالتله بهمس
لورا اكتبلى المعرض والشقه باسمى
محمد بصلها قوى ومش عارف يقولها ايه معنى كلامها ان مش هيبقى حيلته حاجه ولما سكوته طال قالتله بزعل
لورا انت مش واثق فيا يامحمد اومال عيالى اامن مستقبلهم ازاى
محمد بس انا كده هبقى بظلم عيالى يالورا
لورا بعصبيه لما الدلع منفعش اااه قول كده عايز بعد مااخلف عيالى انا الى يتبهدلوا ماشى تمام انا هنزل الى فى بطنى ونطلاق وكل واحد يروح لحالوا
محمد بسرعه انتى بتقولى ايه يالورا تنزلى ايه وطلاق ايه الى انتى عايزاه
لورا اومال عايزنى اجيب عيال وفى الاخر عيال همس ياخدوا كل حاجه
محمد مين قال كده عيالى كلهم هياخدوا حقهم زى الشرع ما قال
لورا بصوت عالى ااااه الحكايه كده يعنى ضحكت عاليا اما قولتلى ان محدش هيشاركنى فيك ابدا ماشى يامحمد انا سيبالك
البيت
واخدت بعضها ودخلت الاوضه تلم هدومها محمد اعد مكانه وحط ايده على دماغه ومش عارف يعمل ايه
لورا دخلت لمت هدومها وطلعت بالشنطه وقفت قدامه وقالتله
لورا انا ماشيه يامحمد انا مقدرش اعيش مع واحد مش واثق فيا ولسه هتمشى مسك ايديها يوقفها عايز ايه
محمد استنى يالورا ليه بتقولى كده انا مابثقش فيكى دانتى مراتى وام ابنى
لورا اومال تسمى ايه انك مش راضى تكتبلى المعرض والشقه باسمى
محمد طيب اهدى وادخلى سيبى الشنطه دى وتعالى نتكلم براحه
لورا لا يامحمد مش عايزه اكلم ومش عايزه منك حاجه
محمد يالورا الكلام اخد وعطا
لورا قولت لا مش عايزه منك حاجه
محمدطيب سيبينى افكر يومين
وهرد عليكى
لورا ولا يومين ولا تلاته خلاص هى بانت اهى خلى ست همس تنفعك
محمد ياحبيبتى والله انا مااعرف حاجه عنها من يوم ماطلقتها وبقولك يومين بس اضبط نفسى وشغلى وهرد عليكى
لورا قدامك يومين بس وبعد كده ماتلمنيش
محمد ماشى ياستى ربنا يسهل
لورا ومن هنا لحد اليومين مايخلصوا ملكش دعوه بيا سامعنى
محمد ليه كده طيب
لورا هو كده يا هروح عند بابا
محمد طيب خلاص ماشى
وسابته ودخلت الاوضه وقفلت علي نفسها محمد اعد مهموم مش عارف يعمل ايه
عند همس فى الشركه طول اليوم بتحاول تركز فى شغلها بس مش عارفه وبتفتكر كلام أدهم ليها لما قالها
تعبك راحه انا معنديش مانع اتعب العمر كله
وبتقول لنفسها ياترى كان قصده ايه بالكلام ده معقول يكون بي لالالا اكيد لا هو عارف انى مش بفكر في الكلام ده بس دانا كمان حاسه انى يوووو ياهمس انتى اتجننتى ولا ايه انا اكمل شغل احسن من الهبل ده
وياوب لسه هتكمل شغل لقت تليفونها بيرن
همس وعنيها مبرقه يالهوى ده هو اعمل ايه انا مش هرد بس انا وافقت انوا يتصل مش هينفع مااردش عيب
وردت عليه الو
أدهم اول ماسمع صوتها كان عايز يقولها وحشتنى بس مينفعش الو ازيك ياهمس عامله ايه
همس الحمد لله انت عامل ايه
أدهم انا كويس الحمد لله انا بس قولت اسال على حور وادم عاملين
ايه خفت عليهم يكونوا تعبوا من الجو امبارح
همس لا كويسين الحمد لله بالعكس دول كلمونى من شويه وكانوا مبسوطين وحتى سالوا عليك.
أدهم بجد سالوا عليا لو قلتلك انهم وحشونى هتصدقينى
همس هصدقك علشان حور قالتلى كده
أدهم بلؤم قالتلك
ايه
همس احم قالتلى يعنى انك وحشتها
أدهم بحب هى بس الى وحشتها
همس اتوترت جدا ها ااقصدك ايه
أدهم كان عايز يضحك على لخبتطها فى الكلام قصدى ادم طبعا هو مسالش عليا
همس سكتت شويه لانها حاست انه بيقولها هى اه أدم كمان سال عليك
أدهم سلملى عليه وكنت عايز استاذنك اخدهم يوم الجمعه افسحهم علشان وعدتهم
همس بس كده كتير يادهم بنتعبك معانا
أدهم قولتك قبل كده ياهمس مافيش تعب ربنا عالم انا بحبكوا قد ايه ولحق نفسه ااقصد حور وادم يعنى
همس ابتسمت متشكره قوى ياأدهم على اهتمامك بيهم هما فعلا مفتقدين الاهتمام ده
أدهم متشكرنيش ياهمس انا المفروض اشكرك انك سمحالى اقرب منكم عموما هكلمك قبل ماجى اخدهم
همس تمام انشاء الله
أدهم تمام اسيبك تشوفى شغلك سلام
همس مع السلامه
قفلت همس وهى مسهمه وبتفتكر كل كلمه قالها وهى مبتسمه قوى الباب خبط وهى مسمعتش شويه ودخلت نور الى بقت قريبه من همس الفتره الى فاتت دخلت لقت همس
مسهمه ومبتسمه
نور وهى بتشاور قصاد وش همس هاااى روحتى فين ياجميل الى واخد عقلك
همس انتبهت ان نور هنا نور ازيك عاملهايه انتى دخلتى امتى
نور لسه داخله خبط ودخلت لقيتك مسهمه شبه الى بيحب جديد
همس رجعت لتوترها الى بقى ملازمها من ساعت ما شافت أدهم ها انا احب ايه بس يانور انا بس مشغوله ببرنامج جديد شغالة عليه
نور مش مصدقه كلامها ااه برنامج جديد انا قولت كده برده طيب المهم شوفى كده البرامج دى محتاجه تعديل اسر بعتهم ليكى
همس طيب تعالى اما نشوف هنعملوا فيهم ايه
نور خلصت الشغل المطلوب مع همس وراحت تسلمه لاسر خبطت ودخلت
نور لاسر اتفضل حضرتك البرامج الى طلبتها خلصتها مع همس
اسر بجد ورينى كده اسر بص على البرامج بصه سريعه براڤوا عليكم انتوا الاتنين
نور بفرحه يعنى كله تمام ومافيش حاجه عايزه تعديل
اسر لا اظن كده تمام
نور
طيب حضرتك فى اى حاجه تانيه مطلوبه حاليا منى
اسر قام لف من على المكتب ووقف قدمها وبص لعنيها الى بتسحره بصراحه اه
نور بكسوف خير حضرتك فى حاجه فى الشغل
اسر لا بس حضرتى عايز يقول لحضرتك انى بحبك قوى وبموت فى عيون حضرتك
نور اتكسفت اكتر وبصت فى الارض
اسر على فكره ممكن تردى عليا عادى وتقوليلى وانا كمان بحبك
نور ووشها فى الارض طيب ماانت رديت اهو
اسر بابتسامه ياسلام ياعنى انا اغنى وارد على نفسى
نور ضحكت وسكتت
اسر ياحبيبتى انا نفسى اسمعها منك ولو مره
نور ممكن تسبها تطلع لوحدها طول مانت بتطلبها مش هعرف اقولها
اسر خلاص يانور انا مستنى لحد ماربنا يفتحها عليكى وتقوليلى انا بحبك يااسر
نور بصتله وقالت لنفسها والله انا بمۏت فيك مش بحبك بس مش عارفه الكلام محشور فى زورى ليه
اسر شاور قصاد وشها هااى روحتى فين
نور هاا معاك اهو
اسر وانا مش عايز اكتر من انك تكونى معايا على طول لحد لما اموت
نور بعد الشړ عليك بالله عليك ماتقول كده
اسر بابتسامه حاضر ياستى مش هقول
نور عايز منى حاجه دلوقت
اسر عايز سلامتك اتفضلى انتى
خرجت نور واسر قال لنفسه ربنا يصبرنى لحد لما اتجوزها
عدوا اليومين وإجى معاد اسر الى مستنيه على ڼار جهزوا كلهم وراحوا علشان يطلبوا نور لاسر
عند نور كانت فرحانه جدا دخلت عليها ماماتها وهى بتلبس
هدى مامتها ماشاء الله قمر ربنا يكملك على خير ياقلب امك
نور جريت حبيبتى ياماما بجد شكلى حلو
هدى قمر والله واحلى من القمر
نور وهى بتبص فى الساعه هما قالوا هيجوا الساعه كام
هدى ضحكت يابت اتقلى شويه لسه نص ساعه
نور اتكسفت هو انا قولت حاجه ياماما
شويه ودخل جاسر اخوها واول ماشفها تنح من جملها
جاسر ايه يابت الجمال ده حرام عليكى البشريه هيموتوا من جمالك
نور ضحكت قوى ياسلام كل ده حبيب قلبى ياست الرائد
جاسر مافيش يابت واحده حلوه كده زيك اتجوزها ينوبك فيا ثواب
هدى ياسلام البنات كتير وحلوين قوى انت الى نظرك ضعيف
جاسر فين ياست الكل دانا كده اروح البس نظاره بقى علشان اشوفهم المهم انا قولت لبابا ان اسر تمام واخلاقه عليا قوى وعيلته كلها مافيهمش غلطه والحمد لله
هدى بجد ياجاسر طيب الحمد لله
نور مانا قولتلك ياجاسر ان اسر انسان محترم واخته همس كمان
جاسر وحلوه على كده
نور هى مين
جاسر بضحك اخته
نور اه والله ياجاسر قمر وبعدين انا بقولك ايه وانت تقولى ايه
جاسر خلاص ياستى متزقيش انا بس كان لازم أطمن عليكى بنفسى واهو الحمد لله طلع تمام
دخل عليهم نادر ابوهم ماشاء الله انتوا واقفين تحبوا فى بعض والناس على وصول يلا ياستاذ جاسر وانتى يانور لسه مخلستيش لبسك
نور لا ياحبيبى خالصت اهو
ثانيه بس
هدى طلعت تكمل تجهيز الحاجه الى هتقدمها وشويه والجرس رن راح جاير يفتح الباب
جاسر لاسر اهلا تفضلوا تأكيد انت استاذ اسر
اسر بابتسامه ايوا انا اهلا ياسياده الرائد
جاسر بعد مادخلهم اى ده انت عارفنى
اسر اه
شوفتك مره عند الشركه احب اقدملك فارس جوز اختى حنين ومنه بنتهم
جاسر وهو بيسلم عليهم اهلا وسهلا نورتوا
فارس البيت منور باصحابه
وكمل اسر ودى ولدتى
جاسر سلم عليها اكيد طبعا منوره ياست الكل
هناء بنورك ياحبيبى
اسر ودى اختى الصغيره همس ودول عيالها
جاسر بص لهمس وافتكر كلام نور وقال لنفسه هى فعلا حلو قوى بس نور مقالتش انها متجوزه
وسلم عليها هى كمان اهلا يامدام همس نورتى
دخل نادر ووراه هدى سلموا عليهم واعدوا
هناء اومال فين عرستنا القمر
جاسر قام ثوانى
دخل جاسر لنور ها يانور لما انتى خلصتى مطلعتيش ليه
نور وقلبها هيقف من التوتر هو انا لازم اطلع ياجاسر انا مكسوفه قوى
جاسر ضحك علي شكلها فى ايه على اساس انك مش بتشوفيه كل يوم فى الشغل يلا ادارى فيا
واخدها وخرجلهم كانت مستخبيه وراه دخل جاسر وشدها براحه
نور بكسوف مساء الخير
اسر اول لما شافها كان نفسه يقوم يخدها فى حنه بس مسك نفسه همس وحنين ومنه راحوا سلموا عليها
نور راحت لهناء تسلم عليها اهلا اهلا بمرات ابنى القمر عامله ايه
نور الحمد لله ياطنط كويسه
اسر كان لسه مسهم لنور فارس اخد باله فغمزه علشان يركز مع الناس
اسر
انتبه لنادر حضرتك انا سبق وكلمت علشان اطلب نور رئيك ايه
نادر والله يابنى انا اهم حاجه عندى انها تكون راضه ومبسوطه فى حياتها وبدال هى موافقه يبقى على خيرت الله
فارس يبقى نقرا الفاتحه وبعيد نتفق على كل حاجه
نادر على خيرت الله
كلهم قروا الفاتحه وهدى زغرطة هى وهناء
اسر طلباتك ياعمى امرنى
نادر الامر لله وحده زى ماقولتلك انا مش عايز حاجه غير انك تخلى بالك منها وتحتها فى عنيك نور دى مش بس بنتى دى نور عينى غير كده كلها شكليات مش هنختلف فيها ان شاء الله
اسر طيب انا ليا طلب لو موفقت حضرتك
نادر خير يابنى
اسر انا كنت عايز نعمل خطوبه كتب كتاب مع بعض بعد اذنك
نادر بتفكير طيب ومسعجل ليه يابنى ماتخليها خطوبه وبعد شهر ولا اتنين نكتب الكتاب
اسر ما هو حضرتك بعد شهرين ان شاء الله هنتجوز انا جاهز وخلال الشهرين نكون كملنا كل حاجهيعنى مش لازم نستنى نور بقالها فتره شغاله معايا وعرفا بعض يعنى مش لسه هنتعرف ها ايه رئيك
نادر بص لجاسر ايه رئيك ياجاسر
جاسر بس لنور شاف فرحتها وعرف ان نور بتحب اسر فعلا والله يابابا انا شايف ان اسر مع حق بدال متفهمين يبقى على خيرت الله
نادر خلاص يابنى يبقى نكتب الكتاب والخطوبه اول خميس الشهر الجاى علشان تكون نزلت اجازه ياجاسر
اسر حسبها يعنى فاضل اسبوعين تقريبا تمام كويس علشان نلحق نجهز كل حاجه انشاء الله
نادر ان شاء الله الف مبروك ياولاد ربنا يتمملكم بخير
كلهم هنوا اسر ونور وهمس كانت فرحانه جدا وراحت باست نور وهنتها
همس الف مبروك ياحبيبتى عقبال مااشيل عيالكم
نور بوشوشه الله يبارك فيكى ياهموسه عقبالك
همس خليكى فى حالك يابت بدال مااعمل عليكى عمه
نور ضحكت واهون عليكى برده
همس ضحكت هى كمان لا ماتهونيش بس برده خليكى فى حالك
خالصوا اعدتهم واستاذنوا بعد ماتفقوا ينزلوا يجيبوا الشبكه تانى يوم وكل واحد نزل روح بيتوا
همس روحت نايمت عيالها وفضلت تفكر وتسال نفسها ياترى ادهم هايجى زى ماقالها بكره ياخد حور وادم ولا كان بيقول كده وخلاص
وفضلت الليل كله تفكر فى ادهم وتحلم وتتمنى وفى الاخر
قالت لنفسها
مالك ياهمس هترجعى فى كلامك وتسيبى قلبك يحب ويتمنى وبعدين تتعذبى طيب ليه خليكى لعيالك وبس علشان مترجعيش تندمى فوقى ياهمس فوقى
عند لورا ومحمد
دخل محمد لقى لورا لسه قفله على نفسها زى كل يوم خبط عليها تفتحله
لورا فتحت الباب ووقفت قصاده نعم بتخبط ليه
محمد وحشتينى هتفضلى كل لما اجى البيت تقفلى على نفسك كده
لورا دا كان اتفقنا واظن خلاص انهارده اخر يوم بس واضح انك بايعنى
محمد قرب منها ولف ايده حوليها قربها منه وقالها مقدرش ابعد عنك ياحبيبتى ابدا دانتى روحى ومن غيرك اموت
لورا بدلع ماهو باين بدليل انك مش واثق فيا تكتبلى شويه ورق لا راح ولا اجى وانا كنت فاكرك هتفرح بالنونو الى جاى بس كنت غلطانه
محمد قرب منها اكتر مين قال ان مش فرحان وعلشان اثبتلك ان بحبك انا موافق اكتبلك كل حاجه
لورا بفرحه بجد يعنى هتكتبلى المعرض والشقه باسمى
محمد اه هكتبهم باسمك فين بقى حلوتى على الخبر ده
لورا قربت منه قوى موجوده ياقلب لورا
وخدته ودخلت الاوضه وهى الفرحه مش سيعاها انها خلاص هتحقق حلمها بس ياترى هيبقى حلم ولا كابوس
روايه عشق الادهم ..
الحلقه الثالثه عشر …
طلع النهار ليوم جديد ادهم صحى ومسك تليفونه واتصل بهمس
همس كانت نايمه صحيت على صوت الموبيل جابته بنوم وما شافتش الاسم
وردت على طول
همس بنوم الو
ادهم كانت وحشاه قوى قالها بصوت مشتاق الو عامله ايه ياحبيبتى وحشتنى قوى .
همس فاقت وقامت اعدت على السرير وبصت للتليفون لقيته ادهم قالت لنفسها هو انا سمعت صح ولا من
اثر الحلم الى حلمته
ادهم لما سكوتها طال ابتسم وعرف انها بتكلم نفسها الو همس انتى نايمه
همس ها انا لا اه قصدى صحيت هو انت كنت بتقول ايه اصل مسمعتش
ادهم ولسه مبتسم بقولك حور حبيبتى عامله ايه وحشتنى
همس باحباط اه حور الحمد لله كويسه انت عامل ايه
ادهم الحمد لله كويس طول مانتوا كويسين انا بتصل افكرك باتفقنا
همس اتفاق ايه معلش لسه مش مجمعه
ادهم انى هاجى اخد حور وادم
همس
اه افتكرت انت فعلا جاى تخدهم بصراحه كنت فاكرك بتقول كده قدمهم وخلاص
أدهم بضيق انا عمرى ماقول كلام وخلاص وبدال وعدت عمرى مااخلف وعدى ابدا
همس اخدت بالها انه زعل ادهم انت زعلت انا اسفه مقصدش والله
إدهم حب نبرة صوتها وهى بتصلحه وكان نفسه تكون قدامه ويشوف ملامحها وهى بتكلمه وفضل ساكت يتخيلها
همس لما طال سكوته افتكرت انه زعلان ومش عايز يتكلم أدهم انت زعلان قوى كده
أدهم انتبه لصوتها انها هتيعيط لا مش زعلان ولا حاجه انا بس سرحت شويه
همس بجد مش زعلان طيب هتيجى تاخدهم امتى
أدهم كان نفسه يقولها تيجى معاهم بس طبعا مينفعش انا هكلم اسر اقوله برده واهجى على الساعه ٤ كويس
همس كويس ! أدهم انا اسفه مره تانيه ومتشكره قوى على الى بتعمله مع عيالى
ادهم انا قولتلك قبل كده متشكرنيش انا بعتبرهم عيالى وربنا عالم انا بحبهم ازاى
همس هما كمان بيحبوك قوى خلاص هستناك مع السلامه
أدهم سلام
وقفل وفضل يفكر ويفكر وحس ان خلاص معتش قادر يصبر اكتر من كده هو بقى متاكد انوا بيحبها لا ده بيعشقها اليوم الى بيعدى من غير مايسمع صوتها او يشوفها بېموت مېت مره فيه
قام راح لناديه كانت اعده كالعاده قدام مسلسل تركى اعد جنبها
أدهم ناديه ممكن تركزى معايا شويه
ناديه وهى مركزه مع المسلسل معلش ياأدهم الحته دى حلوه عايزه اركز معاها
أدهم ناديه انا عايز اتجوز
ناديه لفتله بسرعه قولت ايه هو انا سمعت صح ولا المسلسل اثر عليا
أدهم وهو بيلعب فى شعره لا سمعتى صح انا عايز اتجوز
ناديه بفرحه اخيرا الف مبروك طيب هنروح امتى نطلب اديها
أدهم مش لما تعرفى مين هى
ناديه بثقه طبعا عارفه هو انا نايمه على ودانى همس طبعا
ادهم باستغراب و انا باين عليا قوى كده
ناديه بضحك قوى ياحبيبى ها هنروح امتى
أدهم مش لما توافق الاول
ناديه شهقت هى رفضت ياأدهم
أدهم لا انا اصلا لسه مقولتش لهمس
ناديه ليه مستنى ايه طيب
أدهم بزعل انت عارفه رئيها فى الجواز تانى وخاېف اقولها ترفض وابقى خسرتها
ناديه أدهم اسمعنى كويس لو انت بتحب همس حارب علشانها واوعى تيأس من اول مره همس شافت كتير واتحرمت من الحب كانت عايشه والسلام الاهم من كل ده انت فكرت فى العيال هتقدر تتحمل مسئوليتهم
أدهم انا بحبهم جدا ياناديه بحس انهم عيالى وكفايه انهم عيال همس علشان احبهم
ناديه بتحبها ياأدهم
ادهم اول مره فى حياتى احب بجد مش قادر اتخيل حياتى من غيرها علشان كده خاېف اقولها ترفض وتبعد عنى وابقى خسړت حتى انها جنبى
ناديه متقلقش سبها عليا لو رفضت المهم تكلمها الاول وتشوف رئيها
أدهم ربنا يسهل اول لما القى وقت مناسب هكلمها
ناديه ربنا يكتبك الخير ياأدهم يارب
أدهم يارب اقوم انا اروح اخد العيال علشان هخرجهم
ناديه ابتسمت روح ياأدهم ربنا يسعدك
مشى ادهم وناديه فضلت تفكر هتعمل ايه لانها متاكده ان همس هترفض حتى لو بتحبه اتصلت بحنين علشان تفكر معاها وفضلوا يرغوا الاتنين
عند نور دخل جاسر يعد معاها قبل ماينزلوا يجيبوا الشبكه
جاسر عروستنا بتعملايه
نور ولا حاجه بقلب فى الفون شويه تعالا
جاسر دخل اعد جنبها هتنزلوا امتى
نور اسر وهمس هيجوا على الساعه ٧
جاسر قوليلى صحيح هو جوز همس مجاش معاها ليه
نور همس مش متجوزه
جاسر نعم ياختى اومال العيال الى معاها دول ايه
نور ياعم قصدى ياعنى مطلقه
جاسر سرح وده مين مچنون يطلق واحده زى دى
نور بغمزه مالك ياجسوره الصناره غمزت ولا ايه
جاسر غمزت ايه يابت كل الحكايه مستغرب ازاى دى تطلق اكيد جوزها ده غبى
نور بزعل والله ياجاسر هى اصلا ماكنتش بتحبوا والى عرفتوا ان الطلاق بسبب انه حب واحده وهما لسه متجوزين واول لما همس طلبت الطلاق واطلقوا راح اجوزها
جاسر معقوله !!مش بقولك غبى بكره تلاقى الى يقدرها
نور المشكله انها رافضه فكرة الجواز تانى خالص دانا امبارح بقولها عقبالك كانت هتقلب عليا
جاسر بتفكير مش يمكن لو حبت تغير رئيها
نور ياريت ياجاسر دى لسه صغيره وحرام تكمل حياتها لوحدها بس قولى بجد انت مهتم كده ليه عجباك ولا ايه
جاسر بصراحه اه حاسس انها فيها حاجه مختلفه غير ان فى وشها برائه مشفتهاش فى واحده غيرك
نور بضحك طيب كويس انك
شايفنى
كده بس اقولك على حاجه ياجاسر انت اخويا واتمنالك الخير كله وهمس مافيش زيها بس بلاش ياجاسر مش عايزاك تعلق نفسك بيها وهى ترفض كعادتها وقلبك يكسر
جاسر ماتخافيش على اخوكى انا ضابط جيش يعنى اتعلمت
ازاى اسيطر على نفسى وبعدين الله اعلم الايام مخبيه ايه
نور معاك حق ياعالم بكره فيه ايه
أدهم اتصل على اسر
ادهم الو
اسر ادهم باشا واحشنى ياراجل انت فينك ياعم
أدهم موجود ياحبيبى اخبار ايه ها هنفرح بيك امتى
اسر كمان اسبوعين انشاء الله الخطوبه وهنكتب الكتاب كمان
أدهم الف مبروك ربنا يفرحك يارب
اسر عقبالك يارب
أدهم انشاء الله بس ادعيلى العروسه توافق
اسر فهم أدهم قصده مين وما توفقش ليه انت راجل مافيش زيك قولى هى مين وانا فى ضهرك
أدهم لما اشوفك ونعد نتكلم انت فاضى امتى
اسر بكره بليل كويس
ادهم تمام هكلمك بكره وهعدى عليك اخدك المهم دلوقت انا كنت بكلمك استاذنك اخد حور وادم اخرجهم علشان كنت وعتهم
اسر بابتسامهمافيش مشكله ياحبيبى قولت لهمس
أدهم اه بس قولت اقولك انت كمان انا هعدى عليهم كمان نص ساعه
اسر ماشى ياأدهم هستناك
اسر قفل معاه وراح لهمس
اسر هموسه بتعملى ايه
همس تعالا يااسر عايز حاجه
اسر عايز سلامتك وبصلها بنص عين بقولك أدهم كلمنى هيجى ياخد العيال كمان نص ساعه هو كلمك قالك
همس بتوتر ها اه اه كلمنى وقالى فمرضتش اكسفه
اسر بيحاول يعرف شعورها ايه من نحيته كويس انك مرفضتيش أدهم راجل محترم وبيحب العيال جدا
همس بتحاول تهرب من عيون اخوها اه فعلا بيحبهم جدا وهما كمان
اسر بلؤم ياريته يفضل جنبهم بس بكره يجوز هو هيفضل
كده
همس بصتله قوى وفكره ان أدهم يجوز وجعت قلبها ومن غير ماتفكر ردت عليه هو قالك انه هيجوز ياعنى بيحب حد وهيجوز
اسر اتاكد ان همس بتحب أدهم يعنى مش كده بس اكيد هيجى عليه يوم ويتجوز انت خوفتى كده ايه
همس هاا انا لا ابدا وهخاف ليه يعنى وانا مالى
اسر قرب منها ومسك ايدها همس ياحبيبتى بلاش تعندى على نفسك وعلى قلبك عيشى حياتك اطلعى من الدايره الى دخلتى نفسك فيها عمرك لسه قدامك بلاش تضيعيه من غير ماتعيشى السعاده الى طول عمرك محرومه منها
همس قصدك ايه يااسر بتقولى كده ليه
اسر انتى عارفه كويس قصدى ايه وهنا شاور على قلبها فيه ايه
همس هنا مافيش حاجه يااسر ولو فى مش هينفع خلاص عيالى اهم من اى حاجه
اسر بنرفزه انت كدابه ياهمس والعيال الى عمالهم حجتك هما اكتر حد محتاجين لاب يراعيهم
همس وهو فى جوز ام بيراعى عيال مراته اذا كان الاب مش هموا عياله يبقى الغريب هيهموا
اسر بصلها قوى اه ياهمس الغريب هيهموا عموما انتى حرا
وسابها وخرج وهى فضلت مكانها التفكير هيموتها بس قالت لنفسها انها اكيد صح
ادهم الساعه اربعه بالدقيقه كان تحت عماره همس اتصل بيها وقالها انوا طالع يخدهم طلع وفتحله اسر
اسر تعالى ياأدهم ادخل عامل ايه ياحبيبى
أدهم الحمد لله مبروك ياعريس
اسر الله يبارك فيك يا غالي عقبالك
أدهم انشاء الله قريب المهم العيال جهزوا
همس كانت خارجه من الاوضه بالعيال وسمعته وهو بيقول قريب قلبها ۏجعها وكانت عايزه ټعيط بس مسكت نفسها
حور وادم اول لما شافوا أدهم جريوا عليه
حور عمو أدهم وحشتنى قوى
أدم عمو أتهم حستنى
اسر بص لهمس بمعنى ان فى واحد غريب بيهتم اهو همس فهمته وبصت للارض
ادهم قام وبص لهمس حس ان فى حاجه مضيقها ازيك ياهمس عامله ايه
همس الحمد لله كويسه انتوا هترجعوا على امتى
أدهم ليه فى حاجه
همس لا ابدا علشان نزلين نجيب شبكه اسر وقالتله بۏجع عقبالك
أدهم اتجاهل عقبالك لانه عايز يقولها ياريت توافقى طيب لو مش محتجاهم معاكى خلصى وكلمينى اجبهم
همس انا كده كده كنت هسيبهم مع ماما
أدهم خلاص يبقى تخلصى وتكلمينى اجبهم يلا سلام احنا
واخدهم ونزل همس اعدت وبصه للارض وكلمته بتتردد فى عقلها قريب انشاء الله يعنى ايه هيجوز فعلا رجعت قالت لنفسها طيب وانا مالى هو حر بس انا ليه قلبى وجعنى كده
اسر شافها كده وعرف انها فى سراع مع نفسها حب يخفف عنها همس مالك ياحبيبتى
همس انتبهت ها قولت حاجه
اسر بقولك مالك ياهمس
همس مافيش انا كويسه اهو احنا
هننزل امتى
اسر عرف انها عايزه تغير الموضوع هننزل على ٧ الا ربع علشان نوصل لنور ٧
همس قامت طيب انا هقوم اريح شويه على مانيجى ننزل
ودخلت وعيون اسر عليها ربنا يهديكى ياهمس
همس دخلت نامت على سريرها وفضلت باصه للسقف وبدات رحله تفكرها مع نفسها زى كل يوم
عند ادهم وصلوا الملاهى وفضلوا يلعبوا ويتنتطوا وكانوا مبسوطين جدا أدهم اخدهم على الكافيه
أدهم ها اطلبلكم ايس كريم ولا عصير
حور انا عايزه ايس كريم شوكلت
أدم واتم تمان عايس ايس تييم
أدهم ضحك عنيا حاضر طلب الايس كريم وبص لحور لقاها سرحانه مالك ياحور انتى مش مبسوطه
حور لا انا مبسوطه خالص
أدهم اومال مالك ياقمر
حور
بزعل اطفال كان نفسى
انت تبقى بابايا وتفضل معايا على طول
أدهم قلبه وجعه عليها وانا كمان ياحور نفسى اكون انا باباكى
حور بفرحه بجد يعنى ينفع اقولك بابا ويبقى عندى بابا زى اصحابى
أدهم اكيد ينفع طبعا
حور قامت انا بحبك قوى
يابابا
ادم قام هو كمان وصمم اكتر من الاول انه هيفضل ورى همس لحد لما توافق حتى لو وصلت انوا يخطفها
اسر اخد همس وراح لنور اخدها هى ومامتها وراحوا اشتروا الشبكه همس كانت فرحانه لاخوها وهى شايفه فرحته بنور الى باينه فى عيونه خلصوا ووصل نور وماماتها وروحوا
اسر لهمس هتكلمى أدهم علشان يجيب حور وادم
همس اه هتصل بيه اهو
واتصلت بيه الو ايوا ياأدهم احنا خلاصنا وفى البيت دلوقت انتوا خلصتوا
أدهم اه نص ساعه ونكون عندك
همس تمام تيجوا بالسلامه
أدهم بحب الله يسلمك مش محتاجه حاجه اجبهالك
همس بتوتر من عيون اسر الى عليها ها لا شكرا عايزه سلامتك مع السلامه
قفلت وبصت لاسر لقيته مبتسم على منظرها سابته بغيظ منه ودخلت الاوضه
نص ساعه وكان أدهم وصل وكالعاده شايل حور وادم الى تعبوا من اللعب وناموا فى الطريق فتحت همس الباب لقته شايلهم ابتسمت و دخلته نايمهم مكانهم وخرج كانت هناء طلعت هى واسر
هناء المرادى مش هتنزل الا لما تشرب حاجه
أدهم باستسلام حاضر ياست الكل لو ينفع يبقى فنجان قهوه
هناء عنيا ياحبيبى هعملك قهوه
همس خليكى انتى ياماما انا هعملها تشرب حاجه يااسر
اسر انا كمان قهوه ياحبيبتى
ادهم بص لاسر بغيره هى حبيبته هو وبس حاول يدارى انه مضايق بس كان خلاص شافه اسر وعرف انه غيران وكان عايز يضحك بس مسك نفسه
هناء كمان شافت غيرته فى عنيه وفرحت قوى احنا تعبينك معانا والله ياأدهم
أدهم تعب ايه بس دانا ببقى مبسوط جدا وانا معاهم ربنا عالم
هناء يالا عقبال ما ربنا يرزقك بالذريه الصالحه يارب
أدهم سكت وشويه وهمس طلعت بالقهوه اعدوا مع بعض شويه يتكلموا على خطوبه اسر وهيعملوا ايه ونزل أدهم
هناء بصت لهمس ابن حلال ربنا يكرمه وبيحب العيال قوى
همس اه فعلا انا هدخل انام تصبحوا على خير
اسر وهناء وانتى من اهله
دخلت همس وهناء بصت لاسر وبعدين يااسر هنفضل سيبنها كده
اسر مالها بس ياماما
هناء يابنى دى لسه في عز شبابها هتفضل عايشه لوحدها
اسر قام باس ايد امه سيبها على الله ياماما وان شاء الله خير يالا تصبحى على خير
هناء بقلة حيله وانت من اهله يابنى
تانى يوم عند اياد منه حبت تعمله مفجاه راحتله المكتب ولسه يادوب هتدخل لقته واقف مع واحده بيضحكوا دخلت عليه ووشها بيطلع ڼار اياد اول لما شافها فرح جدا
اياد منه ايه المفجاه الحلو دى تعالى
منه بصت للى معاه من فوق لتحت مش هتعرفنا
اياد ابتسم على منظرها لانه عارف انها غيرانه اه دى ريم مهندسه معانا فى المكتب
ريم مدت ايدها بابتسامه اهلا وسهلا يانسه منه نورتى
منه انتى عرفانى
ريم اه طبعا البشمهندس مالوش سيره غيرك وشفت صورتك الى على المكتب
منه بغيظ ااه طيب تشرفنا
ريم حست انها عايزه تولع فيها استاذنت وخرجت وقفلت الباب
اياد قرب منها وهو بيقول ربنا يستر منون القمر ايه المفاجاه الحلوه دى وحشتينى
منه مردتش عليه ووقفه تهز رجلها عرف ان يومه مش هيعدى
اياد مالك ياقلبى انتى زعلانه من حاجه
منه بصتله بغيظ اكتر والله ممكن اعرف كنت بتعملوا ايه وانا ډخله
اياد بنشتغل هنكون بنعمل ايه
منه قربت عليه وهو الشغل بالضحك والمياعه الى انا شفتها ! ده
بتسميه شغل ماشى يااياد انا الى غلطانه انى واثقه فيك وفكراك بتحبنى
اخدت شنطتها وكانت هتمشى اياد مسك إديها بسرعه
اياد استنى بس اهدى الله يهديكى والله ماحصل حاجه
منه بدموع والله والضحك والهزار الى بتعمله ده ايه
اياد قرب عليها ومسح دموعها ليه كده يامنه ليه الدموع دى والله ماحصل اكتر من انى كنت بوريها تصميم على اللاب ولقته هنج والصوره اتقلبت قمت قلبت اللاب علشان تشوف التصميم فضحكت لا اكتر ولا اقل
منه ولسه عماله ټعيط ياسلام
اياد بحب وحياتك ياقلبى ماحصل اكتر من كده قرب عليها وبعدين ياستى حقك عليا مش هعمل كده تانى بعدها شويه بس لسه فى وبص لعنيها لسه زعلانه منى
منه بصتله بحب لا بس لو شفتك بتهزر مع حد تانى ھقتلك
اياد بهمس واهون عليكى اياد حبيبك ېموت
منه پضياع من قربه لا
اياد قرب منها وبعد بص لعنيها وقالها بهمس انا بحبك قوى مابشوفش غيرك ومش عايز غيرك
وعمرى ماهحب غيرك لحد لما اموت
منه بسرعه بعدالشر عليك ياحبيبى متقولش كده انا مقدرش اعيش من غيرك لحظه
اياد باس اديها ربنا يخليكى ليا ياقلبى تعالى بقى افرجك على المكتب والشغل
منه ابتسمت وهزت راسها انها موافقه وراحت معاه
فى الشركه عند همس كانت فى مكتبها الباب خبط
ودخل جاسر
جاسر ممكن ادخل
همس قامت مستغربه هو بيعمل ايه عندها اه اتفضل طبعا
ياستاذ جاسر
جاسر انا اسف انا كنت جاى لنور ومعرفتش مكتبها فخبط على اول باب قدامى
همس استغربت اكتر لان مكتب نور قبلها لا ابدا مافيش مشكله نور مكتبها قبل مكتبى على طول
جاسر باحراج من كدبته الى باين احم المهم انتى عامله ايه والاولاد كويسين
همس اه الحمد لله كويسين
جاسر سكت مش عارف يقول ايه ولا
عارف ايه الى جابه اصلا طيب استاذن انا هروح لنور مش محتاجه حاجه
همس لا شكرا وسلملى على طنط هدى
جاسر يوصل انشاء الله سلام
جاسر مشى وهمس فضلت مستغربه هو ايه الى جابه اصلا مهتمتش وراحت تكمل شغلها
جاسر راح لمكتب نور خبط ودخل قامت نور فرحانه
نور مش ممكن سياده الرائد جاسر باشا عندى فى المكتب ايه النور ده
جاسر بس يالمضه عامله ايه
نور الحمد لله فى حاجه ولا ايه
جاسر مش عارف يقولها هو اجى ليه ها لا انا كنت معدى من جانبك قولت اطلع اشوفك
نور بنص عين لا والله معدى من جنبى قولت تشوفنى انا وماله وشوفتنى ولا لسه قصدى تشرب ايه
جاسر خپطها براحه على دماغها مش عايز اشرب حاجه انا ماشى عايزه حاجه يالا سلام
وسبها ومشى وهى واقفه متنحه وبتقول لنفسها ماله ده هو كان جاى ليه افتكرت همس وكلامه عنها. ربنا يستر وميكنش وقع على بوزه
همس بعد ماروحت من الشركه كانت اعده مع حور وادم بتلعب معاهم وفجاهلقت حور بتقولها
حور ماما عايزه اكلم بابا
همس بصتلها پصدمه بابا !!!!ليه ياحبيبتى
حور انا قولتله امبارح واحنا خارجين بكره هكلمك
همس استغربت بابا مين ياحور
أدم رد عليها بابا أتهم
همس تنحت وبصت لحور انتى قصدك أدهم ياحور
حور اه ياماما اصل انا امبارح قولتله انى عايزه اقوله بابا وهو قالى موافق
همس اضيقت وقالت لنفسها طيب وبعدين لو اتعلقوا بيه اكتر من كده وبعد عنهم هو كمان ممكن يتعبوا نفسيا اعمل ايه ياربى ماهو واضح انه هتجوز قريب مش ده كان كلامه لاسر
حور ماما ممكن تتصلى اكلمه
همس بصتلها قوى بتفكير حاضر ياحور
همس اتصلت وادتلها التليفون وفتحت الاسبيكر حور ردت الو ايوا يابابا عامل ايه وحشتنى
أدهم كان فرحان قوى بكلمه بابا من حور حبيبت قلب بابا عامله ايه ياقمر وانتى كمان وحشتينى قوى أدم عامل ايه
أدم اتم تويس انت واحستنى تمان
