تميم
_ مرفوضه ازاي حضرتك
رد ببرود وهو بيرمي الملف على المكتب_ يعني مرفوضه من الشغل مش هنقبل نشغلك ايه مبتفهميش
_ ليه بس انا متفو….
مرفوضه
قاطعــ,,ـني وقال بصوت عالي_ المقابله خلصت اتفضلي..
سحبت الملف من فوق المكتب وخرجت وانا بعيط وقفت قدام الأسانسير وطلبته وانا عماله امسح دموعي وبندب حظي وبقول لنفسي_
يعني بعد كل دا متقبلش!
باب الاسانسير اتفتح ودخلت وانا باصه في الأرض وبعيط مكانش في حد غير واحد بس…
سمعت صوته بيقولي بعد ما الأسانسير بدأ ينزل_
ايه اللي حصل
قولتله وانا بعيط ولسا باصه في الأرض_
حضرتك المدير البارد اللي هنا في الشركه….م..مرديش يقبلني في الشغل…مع مع إني مش شايفه أي سبب يخليه يرفضني!
سكت شويه بعدها سمعت صوته الرجولي بيقول_
تسمحيلي أشوف السي ڤي!
مديت ايدي وادتهولي في نفس الوقت كان الأسانسير اتفتح وخرجنا وقفنا قدامه..
فتح السي ڨي وبص عليه بعدها قفله ورجعولي وهو بيقول_
تعالي ورايا..
رفعت عيني عشان اشوفه لاقيته اداني ضهره وركب الاسانير تاني…
دخلت وراه وبصيت عليه تاني…كان شاب وسيم بحد كبير ولابس بدله رمادي وباصص قدامه بثقه..معرفش ليه حسيت بأمان وضعف لما وقفت جنبه!
الاسانسير اتفتح وخرجنا واتفاجئت انه نفس الدور اللي نزلت منه بتاع المدير..
قولتله وانا ماشيه وراه_
حضرتك رايح فين..
مردش على سؤالي واتفاجئت بيه بيفتح باب المدير وبيدخل مره واحده وانا وراه…
المدير قام وقف وقال بإرتباك_ مستر تميم…اهلا اهلا بحضرتك إتفضل..
الشاب اللي معايا وقف قدامه وقاله_
ايه السبب اللي خلاك ترفض البنت دي
المدير قال بإرتباك شديد_ انا…أبدا يا فندم كل الحكايه انه يعني احنا بنختار عملاء يكونوا وجهه للشركه..
رد وهو حاطط ايده ورا ضهره_
وفي رأيك انها مش وجهه للشركه البنت معاها تلت لغات وخارجه بإمتياز من كليتها…
رد المدير وهو بيبصلي بغل_
أقصد وجهه مشرفه في الشكل!!
حسيت بإحراج شديد من اللي قاله…وخصوصا لما لاقيت مستر تميم لف عشان يشوف شكلي ووقتها بصيت في الأرض..
سمعت صوته تاني بيقول_ واضح إنك أعمى يا معتذ البنت هتبدأ شغل من بكرا..وتكون في قسم البرمجه..
خلص كلامه وخرج من الأوضه..رفعت راسي وانا ببص للمدير بإنتصار…
قالي وهو بيجز على اسنانه_
جيبالي مستر تميم…هوريكي..
وبعدها عمل اتصال وجات السكرتيره بتاعته وقالها تاخدني عشان تفهمني طبيعه شغلي اللي هبدأه من بكرا..
وانا ماشيه معاها في الطرقه الواسعه قالتلي_
شكلك معيطه…اكيد مستر معتذ السبب صح!
_ صح…مكانش عايز يقبلني في الوظيفه..
_اكيد ليه سبب…بس ازاي خلتيه يوافق..
رديت بلا مبالاه_ عادي مستر تميم اللي خلاني اتوظف..
البنت قالتلي بصدممه_ مستر تميم!! انتي شوفتيه!
قولتلها بريبه_ اه شوفته…فيها ايه هو عفريت
_ لا مش عفريت بس مستر تميم لما بيجي مبنشوفوش بيطلع على الدور السابع على طول عشان فيه مكتبه…معظم الموظفين مشافهوش ابدا بيسمعوا عنه بس!
_ ليه يعني هو رئيس الإداره بتاع الشركه..
قالتلي بجديه_ مستر تميم صاحب الشركه….
الفصل الثاني من هنا
قالتلي بجديه_ مستر تميم صاحب الشركه….
قولتلها بدهشه_ بتهزري…شكله صغير اوي..
قالتلي وهيا بتضحك_ خدتيني في الكلام…اسمك ايه
_ تماره…إسمي تماره وانت
_انا بسنت..
في الأسابيع الأولى علاقتي اتوطدت مع بسنت وبقت أقرب حد ليا في الشركه تقريبا…اهلي فرحوا بالوظيفه جدا وخصوصا اخويا لأنه بيشتغل في فرع تاني من شركتنا…
مستر تميم فعلا زي ما قالت بسنت…مشفتوش غير مره واحده لما جيت أحضر الإنترڤيو…بس كان مكتوب اني أشوفه تاني..
كانت الساعه داخله على 10 بليل وانا واتنين بس اللي موجودين في القسم….وواضح اننا اقرب الناس لمستر معتذ… عشان متوصي بينا اوي..
خرجت من الشركه بسرعه عشان اتأخرت خمس ساعات زياده في الشغل..
روحت لعربيتي اللي كانت بسيطه جدا وسط باقي العربيات الركنه…بس في النهاية هيا مجرد وسيله موصلات!
دورت المطور مشتغلش…جربت تاني وفشلت…نزلت اشوف في ايه
اټصدمت لما لاقيت العربيه واخده إكصدام من ورا والكوتشات الخلفيه متقطعه…
وقفت اشتم اللي عمل كدا وادعي عليه سألت الأمن لو شافوا اللي عمل كدا بس قالو لأ..
وحسيت بيأس فقعدت على الرصيف وحاولت ارن بأخويا عشان ياخدني..
اتفاجئت بصوت جه من ورايا بيقول_
بتعملي ايه هنا!
لفيت بوشي لاقيته…مستر تميم..كان ماسك چاكت البدلة والجرافت على دراعه ومشمر القميص وفــ,,ـاتح اول زرارين…
قومت بسرعه وانا بقوله بلهوجه_
أبدا حضرتك…انا جيت أروح لاقيت عربيتي حد خپطها وبهدلها والمطور شكله باظ…سألت أفراد الأمن على حاجه تروحني قالولي مفيش مواصلات…رنيت بأخويا مبيردش كان حتى طلبلي أوبر…
سكت وفضل باصلي بعدها بص على عربيتي وصدقني لما شاف شكلها!!
قالي بجديه_ تعالي معايا..
قولتله_ اجي معاك فين!
قالي بتبرير_ تعالي اروحك…حابه تقعدي هنا براحتك…انتي حره..
ولف ضهره ومشي…جريت وراه وانا بقوله_
استنى بس يا مستر تميم…مقصدش انا بس بستفسر…يا مستر أستنى انا مينفعش أبات هنا..
قالي من غير ما يبصلي_ يبقى تمشي وانت ساكته..
فضلنا ماشيين لحد ما وصلنا لمجموعه من العربيات راكنه جنب بعضها وكلهم أحلى من بعض…
وقف عند عربيه مرسيدس چي كلاس وفتحلي الباب وقالي_
إتفضلي..
العربيه كانت عاليه اوي…بس الحقيقه انها من جوا حاجه مختلفه تماما…
مستر تميم ركب جنبي واتحركنا…عمل مكالمه واستنتجت منها انه بيكلم أخ ليه..
قالي بعد سكوت طويل_
ايه اللي خلاكي تروحي متأخر كد…الشغل بيبدأ من ٩ ل٥..
قولتله بعفويه وغيظ_
كله من مستر معتذ دا…راجل مش لذيذ..مبيطقنيش يا مستر تميم تقولش …اله قتيل!
قالي وهو بيلف الدريكسيون عشان داخلين على ملف_
معتذ من أهم الناس اللي في الشركه…مشاكله كتير…بس منقدرش نستغنى عنه..
قولتله وانا بربع ايدي_
الله يكون في عونك يا مستر تميم…تلاقيه مغلبك انت كمان..
سمعت صوته بيضحك بصيت عليه حسيته مختلف وهو بيضحك…بس الأكيد انه أجمل حد شوفته بيضحك..
قالي وهو بيبص في مرايات العربيه_
انا قبلتك في الوظيفه عشان انتي متفوقه…متنسيش انك اول موظفه في الشركه تتقبل من غير إنترڤيو…وممكن دا يكون سبب عشان معتذ يضايقك..
فضلنا ساكتين طول الطريق…وبين كل دقيقه والتانيه ابص عليه وارجع انبهر بالعربيه اللي انا راكبها..
_هو دا المكان!
_ايوا هو…شكرا لحضرتك تعبتك معايا.
_لا ولا يهمك…سكت شويه وقالي انتي مضايقه من شغلك مع معتذ!
قولتله بإحراج_ بصراحه يعني…هو غتت اوي…وبيديني شغل زمايلي اعمله…وزي ما حضرتك شوفت اهو مروحه متأخر بسبب الشغل..بس انا بحب شغلي وكمان زمايلي اللي اتعرفت عليهم.
مسمعتش صوته فبصتله لاقيته مربع ايده وبيسمعني.. فضلنا باصين لبعض واحنا ساكتين…حسيت بكسوف فقولتله_
طب انا…انا همشي بقا عشان كدا يعني..
قالي بإبتسامه_ اتفضلي..
نزلت من العربيه ومشيت بهدوء ووقار لأنه شايفني…اول ما دخلت العماره فضلت أتنطط من الفرحه…حاسه اني…إني عملت إنجاز!!!
دخلت البيت كانوا نايمين كلهم…والحقيقه اني كنت تعبانه جدا ف نمت انا كمان…
تاني يوم صحيت وفطرت مع أسرتي واخويا طلب ليا أوبر يوصلني للشركه…
لما وصلت روحت اطمن على عربيتي واشوف كمان مين العربيه اللي راكنه وراها وعملت كدا في عربيتي..بس لما روحت اندهشت!! دي عربيتي!
لعربيه رجعت أحسن من الأول… مفيهاش أي غلطه…دورت المطور أشتغل وبقا زي الفل…
نزلت منها وانا مش فاهمه حاجه..جه في بالي أن مستر تميم اللي عملها بس شيلت الفكره من دماغي!! اصله مش فاضي عشان يصلح عربيه موظفه عنده!!
وصلت الدور بتاعي وكالعاده لازم أصبح على بسنت!!
_ صباح الورد والياسمين على الناس الحلوين..
_بطلي شعر الجاهليه مش وقته…في حد باعتلك جواب..
_جواب ايه
_معرفش…بس عم حسن جابهولي امسكي…
خدته منها واستأذنت ومشيت على مكتبي…فتحت الظرف لاقيت في ورقه..فتحتها لاقيت مكتوب فيها
أتمنى العربيه تكون عجبتك متبقيش تحطي بونبوني في التابلوه…بتضيعي هيبتها.
الفصل الرابع من
هنا
خدته منها
واستأذنت ومشيت على مكتبي…فتحت الظرف لاقيت في ورقه..فتحتها لاقيت مكتوب فيها
أتمنى العربيه تكون عجبتك متبقيش تحطي بونبوني في التابلوه…بتضيعي هيبتها.
تميم حمزواي
إبتسمت لما قرأت الجواب….وقولت في نفسي_
وبعدين معاك يا سي تميم
قومت من مكتبي وقولت اروح احكي ل بسنت..اللي كان ردها لما حكيتلها_
يا بنت اللذينه…..كل دا واحنا نايميين في الجلاش.
_جلاش ايه! انا مكنتش عارفه اني هشوفه وبعدين بصراحه هو چنتل أوي…
_اممم..مين بقا اللي عمل في عربيتك كد!
خبطت راسي بكف ايدي وانا بقول_ اخخ نسيت أبص على العربيه اللي راكنه ورايا…انشغلت بعربيتي..
_ أبقي شوفيها وانت مروحه…بس بقولك أنا رأيي تطلعي لمستر تميم تشكريه..
_انت اټجننتي أطلع فين لا طبعا انت عارفه ان محدش بيطلعله غير المديرين بس انما انا هطلع أعمل ايه!
_براحتك…بس لازم تشكريه وانت متضمنيش انك تشوفيه تاني..
حسيت ب حزن لما قالت كد…قولتلها وانا راجعه مكتبي_
ركزي انت بس في شغلك عشان مستر معتذ هيزعلك…
هربت من قدامها وقولت جوايا اني مش هروحله…بس بمجرد ما عديت من قدام الأسانسير لاقيت نفسي بطلبه!!!
الأسانسير كان فاضي وطلعت بسرعه للدور…أو بمعنى أصح حسيت اني طلعت بسرعه..
أول ما حطيت رجلي في الدور حسيت إني بعمل حاجه غلط وقولت أنزل تاني بس رجعت عن قراري…
الدور كان مختلف عن باقي الشركه في التصميم…ومكانش فيه أي بنت تقريبا…لا هو مش تقريبا دا أكيد!!
فضلت ماشيه وسط نظرات الموظفين اللي مستغربين اني هنا!!
فضلت ماشيه لحد ما لاقيت نهاية الدور باب مكتب…تقريبا أفخم باب دخل الشركه..وجنب الباب بشويه مكتب زي مكتب بسنت قاعد عليه واحد…
قربت منه وانا بقوله_
لو سمحت مكتب مستر تميم فين!
رفع عينه من شاشه اللاب توب وبصلي من فوق ل تحت وقالي_
معاك ملف هتسلميه!
قولتله بإحراج_ لأ….مش معايا..
_جايا من فرع تاني من الشركه!!
_لأ
_واخده معاد من مستر تميم..
_ لأ
قالي بسخريه_ أومال جايا ليه!
قولتله بإبتسامه سمجه_ كنت جايا أقول لمستر تميم حاجه…
Nada El Shrief
رجع بص في الشاشه وقالي_ قولي عايزه تقولي له ايه
_لا هو حضرتك حاجه شخصيه لازم انا اقولها بنفسي..
قالي بإستنكار_ انت شغاله معانا هنا!
_أيوا عندك مانع!
_لا أبدا…اتفضلي روحي على مكتبك…مستر تميم مش فاضي للعب العيال د..
اتعصبت من كلمته دي قولتله وانا بخبط بإيدي على مكتبه من العصبيه_
انا مش جايا العب..انا عايزه أقابله حالا…
قام وقف وزعق فيا وقالي_ انت هتنسي نفسك! انا السكرتير بتاعه…وانا اللي احدد مين يشوفه ومين لأ!!
الدور كله بصلنا واحنا بنزعق…قولتله بصوت عالي_
لا مش من حقك تمنعني يا بتاع انت…
صوتنا علي جدا وكان شكلي وحش فعلا وخصوصا ان الدور كله رجاله!!
قبل ما يفتح بقه تاني كان باب المكتب اللي جنبه اتفتح وخرج منه مستر تميم بهيئته اللي تشد أي حد…
أول ما شافني حسيته كان هيبتسم بس حافظ على ملامحه الجامده..
قال للسكرتير بتاعه_
ايه الصوت دا
رد عليه وقاله وهو بيشاور عليا_ يا فندم البتاعه دي جات هنا ومصره تقابل حضرتك ومش عايزه تقول السبب…قولتلها انك مش فاضي وفضلت مصره ف زع…ها عشان..
تميم قاطع كلامه وقاله_
أعتذر لها…
بصله بصدممه وقاله_ ايه يا فندم اعتذر لمين…ل دي!
وشاور عليا بقرف….حسيت اني غلطت لما جيت وكنت هعيط من الموقف اني بتهزء قدام مستر تميم بس فضلت ساكته…واتفاجئت لما مستر تميم قاله بهدوء_
يا تعتذر لها عن وقاحتك معاها يا تسيب وظيفتك…
السكرتير بصلي ب غل وقالي من تحت درسه_ أسف..
مستر تميم قاله بصوت عالي_ علي صوتك…
السكرتير قالي بصوت عالي وسط كل الموجودين_ انا أسف….مش هتتكرر تاني!
مستر تميم قال وهو بيوجه كلامه للكل_ مادام مش عارفين نحترم بعضنا يبقى دي مش شركه…دا
سوق..من
هنا
ورايح
—
اللي يعوز يقابلني تبلغني وانا اللي ارفض مش انت…
وبصلي وقالي_ تعالي يا تماره…وشاور على المكتب
حسيت بإنتصار وانا داخله وسطهم للمكتب…وخصوصا ان مستر تميم نصرني..
دخلت ووقفت قدام المكتب…وهو دخل بعد ما قفل الباب وقعد على الكرسي بتاعه…
قولتله وانا ببص على المكان_ مكتب حضرتك جميل أوي..
قالي وهو بيشاور على الكرسي_ أقعدي…
قعدت وانا ساكته…بعدين جمعت كلامي وقولتله_
انا كنت جايا عشان أشكر حضرتك عشان صلحت عربيتي…مش عارفه أشكرك ازاي بجد….بس لما بعد اللي حصل مش عارفه أشكر حضرتك على العربيه ولا على اللي عملته برا..
قالي بإبتسامه_ ولا يهمك…انا بس مقبلتش انك تتحرجي وسط كل دول..
قولتله بتساؤل_ انا لاحظت ان حضرتك معندكش ولا ست في الدور حتى السكرتير راجل!
قالي بهدوء_ كل اللي موجودين في الدور دا من أهم الناس في الشركه…ولازم يكونوا قد مهمتهم…والرجاله بتكون أشطر من الستات…
قولتله بعفويه وانا بهز دماغي_ ايوا ايوا وبعدين عشان السكرتيره دايما بتحب المدير والشركه بتقعد تكلم عليهم…انا قرأت روايات كتير نفس الفكره…
بصتله لاقيت مصډوم من اللي قولته بعدها ضحك بعفويه على أفكاري..
إبتسمت وقولت وانا بقوم_ طب أستأذن من حضرتك عشان مستر معتذ لو ملقنيش…حضرتك عارف بقا…
قالي بإبتسامه_ اتفضلي…
قبل ما اخرج من المكتب سمعته بيقول_
اتعودي تحلي مشاكلك لوحدك….تميم مش موجود على طول..
لفيت ليه لاقيته مربع ايده كالعاده وبيكلمني بإبتسامه…قولتله_
أوعدك هحاول…
خرجت من المكتب وسط نظرات السكرتير بتاعه اللي كان تقريبا عايز ې…ني…
وانا في الأسانسير أفتكرت اني كل مره بشوف فيها مستر تميم بكون في مشكله وهو بيحلها…
الأيام عدت بسرعه وخدت معاها أسابيع…ومفيش جديد…كل يوم باجي الشغل ومستر معتذ يعكنن حياتي..واقعد على المكتب واشوف جواب تميم اللي بيهون عليا اللي بيعمله مستر معتذ…
كانت حياه روتينيه لحد ما اتفاجئت ببسنت جايا بتجري وهيا فرحانه وبتقولي_
هتلبسي ايه في الحفله!
قولتلها بإستغراب_ حفله ايه
_حفله مستر تميم بمناسبه ان دي السنه الأربعين للشركه…
_سنه أربعين! هو مستر تميم فاتحها من قبل ما يتولد!
_ايه الغباء دا يبنتي الشركه دي اللي عملها جد مستر تميم وبعدها اداها لأبو مستر تميم وبعدها أبو مستر تميم اداها لمستر تميم ف مستر تميم بقا..
_هششش هشش ايه العقد اللي بتقوليها دي! الحفله أمتى
_المفروض أخر الأسبوع…وسكرتير مستر تميم هينزل دلوقتي يبلغنا بكل التفاصيل..
_ طيب يا اختي يلا اتكلي من هنا عشان مديرك لو ملقكيش على مكتبك هيزعلك…
قالتلي وهيا بتاخد بونبوني من اللي محططوين على المكتب_ ماشي يا اختي…
معداش دقيقتين وكان سكرتير مستر تميم نزل يبلغنا التفاصيل…بس اللي فات مع مستر تميم حاجه!! والحفله حاجه تانيه خالص…
كنا رايحيين و…..
الفصل الخامس من هنا
بس اللي فات مع مستر تميم حاجه!! والحفله حاجه تانيه خالص…
قبل الحفله بيوم نزلت أنا وأخويا عشان نشتري لبس للحفله لأننا هنروحها سوا!
أشترينا البدله بتاعته ودخلنا محل في وسط البلد عشان نشتري فستان شيك للمناسبه لأن كل لبسي كاچول..
قالي وهو قاعد على الكرسي اللي في محل_
ايه فستان السندريلا د!
قولتله وانا برفع راسي بفخر_
يبني عيب عليك انا أحلي أي حاجه ألبسها..
قالي وهو بيقوم_ لأ انتي شكلك ناويه تلفي على واحد من اللي جايين الحفله…
أي حد هيسمع الجمله دي هيجي في باله نفس اللي جه في بالي…هو قالها بهزار بس ميعرفش انها حقيقه..
Nada_El_Shrief
قولتله وانا داخله البروڤه عشان أغير_
اتشطر أنت كمان وشوفلك عروسه…
دخلت وبصيت لنفسي في المرايا وانا بالفستان!! هادي وشيك..بس أكيد هيكون في بنات أحلى مني…
قولت جوا نفسي_ انا مهتميه ليه كد برأيهم في داهيه رأيهم المهم رأيي
أنا…
حسيت ان عقلي بيرد عليا جوايا وبيقولي_
طب ورأي تميم!!
تاني يوم لبست أنا وأخويا قبل المعاد بساعه…اتصلت ببسنت اللي سبقتني على هناك عشان لازم تكون موجوده قبل مستر معتز…
ركبنا العربيه واتحركنا لهناك!! أول مره أكون متوتره كد…خصوصا إنهم أول مره يشوفوني بفستان ودا موــ,,ـترني…يا ترى هيعجبهم ولا لأ!وهيعجب مستر تميم ولا لأ!!
Nada_El_Shrief
أخويا قالي لما لاحظ اني سرحانه_
مالك يا طمطم سرحانه في ايه وانتي عسل كد
_ سالم…شكلي حلو!
_انتي هبله يا بنتي طب والله انتي هتبقي أحلى واحده هناك…كفايا انك مش حاطه غير ميكب خفيف لا يذكر مش زي البلياتشو اللي هناك…
_طب ود مش هيقلل مني!
باس ايدي وقالي_ محدش يقدر يقلل منك…انت هتبقي أحلى واحده فيهم…وبعدين هما دول ستات…دول كلهم عمليات يا بنتي…
كلامه صبرني شويه…بس برضه كنت متوتره…وصلنا في معادنا تقريبا قدام المكان…كان فندق فخم أوي..
Nada_El_Shrief
أول ما نزلت من العربيه سالم أخويا خدني وسألنا عن مكان القاعه اللي فيها الحفله…
أول ما قربت من باب القاعه لاقيت بنات ورجاله كتير واقفين برا..ومنهم زمايلي..
اتفاجئت بحد بيخبطني في كتفي من ورا…لفيت لاقيتها بسنت اللي قالت وهيا فاتحه بقها من الفرحه سبعه متر_
ايه الحلاوه دي…شكلك متغير أوي..
كنت هرد عليها بس سالم قالي في ودني قبل ما يمشي_
انا هسيبك مع صحابك…خدي راحتك ومټخافيش انا معاكي…وخليكي متأكده أنك أحلى واحده فيهم….
Nada_El_Shrief
أبتسمتله بعد ما سابني وراح وقف مع صحابه…بسنت شدتني من ايدي وهيا داخله باب القاعه وبتقولي_
انا مستنياكي بقالي كتير.
_محبتش أجي بدري بس…بس ايه اللي انتي لابساه دا..
قالتلي بهبل_ ايه رأيك..دا انا دوخت لحد ما لاقيت فستان بيلمع كدا…
قولتلها بإبتسامه_ شكلك جميل…
أول ما دخلت القاعه اتفاجئت بالعدد الموجود…والبنات الموجوده!! كلهم أحلى مني…أقل واحده حاطه ميكب كامل…وفساتين لمعتها أكتر من النور اللي في القاعه…
حسيت ان شكلي وحش جنبهم…فستاني هادي مش منفوش ومبيلمعش…ومش حاطه ميكب كتير كدا..انا مش حلوه زيهم..
وانا ماشيه وبتفرج على المكان مع بسنت خبطت في واحد وانا مش شيفاه..
_مش تحاسبي يا متخلفه..
_مستر معتز!! ازي حضرتك عامل ايه..
_زي الزفت طبعا مادام شوفت وشكوا انتو الاتنين..
بسنت قالتله_ بس حضرتك حلو بزياده النهارده…البدله هتاكل من حضرتك حته..
Nada_El_Shrief
قالها وهو بيعدل الجرافت بتكبر_طبعا يا بنتي…دا انا معتز..وبص علينا وقالنا وانتو والله شكلكوا حلو..بس طبعا مش احلى مني..
بسنت قالتله وهيا بتمشي بعيد وبتشدني معاها_
طبعا طبعا..عن إذن حضرتك..
