اسكريبت روان وادهم عشقتك ياصعيدي
تحاولي في حاجة مستحيلة
_مافيش حاجة مستحيلة يابشمهندس ده انت حتي متعلم وفاهم ان ربنا كبير وقادر يشفيك ويرجعك احسن من الاول بس ثق في رحمه ربنا ليك ومتيأسيش اليأس والتفائل مستحيل يجتمعوا مع بعض انا مافيش في قاموسي كلمه مستحيل وهعمل ال ربنا يقدرني عليه عشان اقدر ارجعك تمشي تاني علي رجلك ويلا بقي نبدا العلاج
لقيته بصصلي وكإنه بيقولي اوعي تزرعي في قلبي الأمل وترجعي تسلبيه تاني فانا فهمت هو بيفكر في اي ورديت علطول
_هبدا العلاج وهتخف وهتبقي احسن من الاول ثق في ربنا ثم فيا ولعله خير يابشمهندس يلا بينا
بصلي بقله حيله ووافق اخيرا وبدانا فتره العلاج بقيت كل يوم بصحي الصبح اروح اخده من اوضته ننزل نفطر سوا مع العيلة وبعد كدة نتمشي شوية في الجنينة وانا بزوقه بالكرسي المتحرك واقعد اعمله تمارين علي رجله واديله العلاج ومره في مره بقيت اقعد اقرأ له كتب عن الامل والتفائل وفي الفترة دي بدأت اشوفه علي طبيعيته قد اي هو بني ادم جميل اووي وضحكته قمر زيه بالضبط معرفش كان مخبيها ليه ده ومثقف جدا وفوق كل ده وده كاتب كمان بدأت اقرب منه اكتر بحكم الشغل لحد مابقيت عارفه كل حاجة عنه وقريبه منه جدا وكمان حسيت بحاجة غريبة جوايا اول مره احسها ناحيته بس مسمحتش لنفسي وتفكيري باكتر من كدة لانه مهما كان مينفعش صحيح القلب معلهوش سلطان بس انا جايه مهمه وخلاص قربت تخلص وهرجع بلدي تاني ومش هشوفه تاني خلاص وبالفعل حاولت ابقي رسميه معاه اكتر ويادوبك اشوفه وقت التمارين والعلاج وبس
فات سنة علي وجودي في بلد غير بلدي بس في خلال السنه دي قدرت اتصاحب علي نص البلد تقريبا وقد اي هما ناس لطاف وجمال اوووي واتعلقت بمنه وندي جدا لانهم حبوني وانا حبتهم اوووي وفوق كل ده حبيت اخوهم ال بقي جزء من روحي مبقتش عايزة المهمة دي تخلص عشان مرجعشبلدي تاني ومقدرش اشوفه تاني
إنهارده اقدر اقول إن ادهم بقي كويس ورجع وقف علي رجليه من تاني ومحدش كان مصدق في البلد والكل بقي بيشكرني وده توفيق من عند ربنا ليس إلا وثبتله انه كان غلطان ومافيش مستحيل مع الله والكل كان فرحان برجوع ابنهم تاني زي الاول واحسن إلا انا ال كنت هاين عليا اعيط وانا عارفه انه خلاص كدة مهمتي خلصت ولازم امشي وكمان بابا وماما وحشوني اووووي وشغلي كمان ومستشفتي وبالاخص بعد مادكتور مصطفي كلمني وقالي اني اترقيت ومستنيني عشان استلم مكفأتي ويحتفلوا بيا
طلعت ظبطت شنطتي ولمېت هدومي وكل حاجتي عشان اسافر الصبح
_يعني كيف تسافري الصبح ياروان
_يعني هسافر يابشمهندس خلاص مهمتي خلصت واهلي وحشوني وشغلي واظن اني قمت بمهمتي علي أكمل وجه
_طب اجعدي اسبوع كمان واني هبجي اروحك لحد دواركم
_لا متتعبش نفسك انا حجزت في القطر خلاص ومسافره الصبح بدري جيت اودعك واقولك اشوف وشك
بخير وخد بالك من
نفسك المرة الجايه يابشمهندس المره دي كنت موجوده وعالجتك المره الجايه الله اعلم بقي
وخلصت كلامي وكنت ببتسم بس من جوايا بتقطع اهو ده ال مكنتش عامله حسابه اني احبه انا عمري معرفت يعني اي حب اصلا كنت بسمع عنه في الروايات بس والافلام وحياتي كلها كانت عباره عن مذاكره وبابا وماما وبس لكن دلوقت ادهم ډخلها وعشش في قلبي وبحاول اطلعه منه مش راضي
_هتوحشيني يادكتورة جصدي هتوحشينا كلتنا اهنه
_وانتوا كمان هتوحشوني كلكوا اشوف وشكوا بخير
وسافرت ورجعت بيتي ولحياتي من تاني وطول الفترة دي اخبار ادهم انقطعت عني خالص ومعرفش عنه اي حاجة
فات علي رجوعي بيتي تلت شهور وخلال الفترة دي كان اتقدملي دكتور زميلي ووافقت عليه عشان انساه واطلعه من تفكيري واقدر اكمل حياتي من غيره بس مقدرتش وكنت بحاول
يوم الخطوبة كنت لابسهفستان بيبي بلو وطرحتي البيضه وحبيت الخطوبة تكون هادية وبسيطه ومعزمناش حد يادوبك اهله واهلي وبس
ولسه جايا البس الدبلة سمعته هو ايوه والله هو صوته نفس صوته ال قادر يخطف قلبي ده وواقف قدامي ولابس عباية وعمامة علي رأسة وحقيقي كان زي القمر باللبس ده
ولقيته جاي ناحيتي ومتعصب
_إنت كيف توافجي علي اجده
_وموافقش ليه مش من حقي اتجوز وال اي
_لا مش من حجك لإنك من حجي أنا
اول ماسمعت كدة معرفش ليه ارتبكت اوووي واتوترت وبصيتله وتنحت
_هتفضلي واجفه اجده ومتنحه
_بقولك اي يلا روح ارجع بلدكوا وسبني اكمل خطوبتي من فضلك
_لو اتكلمتي كلمه كمان هديك بكف يدي علي خاشمك
_ايدا وكمان عايز تضربني متقول حاجة يابابا
_انت مبترودش عليا ليه يابابا
بصيت لقيت بابا وماما واقفين يضحكوا وبيبصوا لبعض
_بجولك اي أني هفهمك كل حاجة بس الاول نكتب الكتاب
_كتاب مين ده انا مش فاهمه حاجة
بعد ساعة بارك الله لكما وبارك عليكما
وجمع بينكم في خير
_تعاليلي بجي اجده كنتي عايزة تعرفي اي
_كنت عايزة اعرف
ولسه هكمل واقوله لقيته شدني لحضنه وضمني جامد اوووي وكإنه بيقولي ده مكانك واياكي تطلعي منو ابدا وانا مصدقت اوووي وخصوصا منه هو
_حجك علي رأسي ياست البنات بس من ساعة مانت مشيتي واني حالي اتشجلب معرفتش إني بحبك غير بعد مامشيتي ولقيت البعد عنك مرار وبعد مامشيتي بشهر كنت خلاص جايلك وكلمت ابوكي واتقدمتلك وشرطت علي ابوكي ميجولكيش عشان تبقي مفاجئة بس ابوي تعب جوووي ومكنش ينفع انزل واستنيت لحد مابجي زين وجيت طوالي بس ال اټصدمت منه لما لقيت ابوكي بيجولي إنك وافجتي علي دكتور زميلك والخطوبة بكره مفكرتش وجيت جري واني مش شايف جصادي ازاي توافجي علي حد وانت محفوره جوه قلب حد تانيومن حجه هو بس
_انا حسيت إنك نسيتني خلاص فكنت بحاول انساك وقولت يمكن اقدر واتخطي وكدة بس مقدرتش لانك خلاص سلبت مني قلبي ومبقاش ينفع يكون ملك حد تاني يابن العمدة
_هو في حد يجدر ينسي روحه يازينة البنات كيف اجده تحصل متزعليش مني وحجك علي راسي ياحبه جلبي من جوه
_طب يلا قولي حاجة من كتابتك القمر دي
_إحنا نطول ياحبه جلبي عنيا
وإني بهواك قد أصيبت
وليس لي شفاءا قط
تسلل حبك بداخلي
كإنه سم بلا نجاه
وأسقيتني حبك
وسقيتك أماني
ستظلي معشوقتي
ولو انقطع شرياني
كنت بسمع كلامه وقلبي بيرقص وعيني بتدمع معقوله بيحبني كل الحب ده وكان ساكت
_ولما انت بتحبني كدة كنت ساكت ليه
_خطفتيني يابت الصياد من اول مرة شوفتك فيها بس في كل مرة كنت بكدب
احساسي لإني مكنش ينفع وانا عاجز اجده وكنت بجول
ده تعلق وهيروح لحاله بس مطلعش اجده وعرفت لما سبتيني وسافرتي
_طب قولها بقي وخلي عندك ډم
_اجول اي
_جول ياخويا الكلمة ال نفسي أسمعها عاد
بضحك
_يابووي علي الجمر وهو بيتكلم صعيدي
_ انا بحب لهجتك القمر دي اصلا وبقلدك مش انا مراتك برضو
ضمني تاني لحضنه وباس راسي
_مرتي وبتي وحببتي وكل حاجة ياروان بحبك يابت الصياد جووووي
_إنت قولت اي ياأدهم
_جولت بحبك جوووووي جوووي
_وانا كمان يادومي اوووي
_طب اي بجي
_هو اي ال اي خلاص بقي عديني اروح اشوف بابا والناس ال برا دول
_هو دخول الفرخة العشه زي خروجها وال اي تعالي اهنه
بس المرة دي مرضاش يخرجني منه وتبت فيا اووووي
_موافجة تعيشي معايا في سوهاج
_موافقة اعيش معاك في المريخ لو روحت
_قد اجده بتحبيني ياروان
_ايوه قد اجده يابن الدمنهوري
_بحبك ياحبه جلب أدهم من جوه
وقلبي حلف مايفارقوينساه ووفي بوعده واديني معاه
نيرة_مطر
