اسورة ابنتى
قلبي وقع في رجلي
مسكت باب الشقة بإيدي علشان ما أقعش
قلت له بصوت متقطع
ريم مالها
هو بص لزميله وبعدين رجع بص لي وقال
ممكن ندخل الأول
دخلوا الصالة
جوزي خرج من الأوضة متضايق
أول ما شاف الظباط وشه اتغير
قال في إيه
الظابط الكبير قال بهدوء
حضرتك جوز مدام منى
قال أيوه
قال طيب نقعد بس الموضوع محتاج تركيز
قعدنا
أنا حـ,ـضنت الإسورة في حـ,ـضني من غير ما أحس
الظابط بص لها وقال
هي دي
هزيت راسي
قال اشتريتيها منين
حكيت له كل حاجة
سوق الجمعة
الراجل
الوصف
الحفر اللي عليها
الظابط سكت شوية وبعدين قال
الإسورة دي كانت جزء من بلاغ اتحرر من أسبوع
بلاغ سـ,ـرقة من فيلا في التجمع
أصحاب الفيلا قالوا إن في بنت كانت عندهم خدامة مؤقتة واختفت بعد السـ,ـرقة
ومن ضمن المسروقات الإسورة دي
حسيت الدنيا بتلف
قلت له يعني إيه
يعني ريم
قال بهدوء
اسم البنت اللي اشتغلت عندهم كان اسم تاني
بس المواصفات اللي حضرتك قولتيها مطابقة
جوزي قاطع بعصبية
حضرتك بتقول إيه
بنتنا مختفية بقالها عشر سنين
قال الظابط
عارف
والملف بتاعها اتفتح تاني من شهرين
بصيت له بسرعة
اتفتح ليه
قال وصلنا بلاغ مجهول فيه إشارة لقضية قديمة اختفاء بنت في المنطقة دي
وبدأنا نراجع ملفات قديمة
ومن ضمنها ملف ريم
دموعي نزلت من غير صوت
قلت له يعني هي عايشة
قال مش هقدر أأكد غير لما نمشي خطوة خطوة
طلع صورة من ملف
حطها قدامي
كانت صورة لبنت
شعرها مربوط
ملامحها مرهقة
بس عينيها
عينيها هي هي
ريم
حطيت إيدي على الصورة
قلت دي بنتي
دي ريم
جوزي سحب الصورة بسرعة
قال مستحيل
الظابط قال بهدوء
البنت دي اتقبض عليها امبارح في كمين
وكان معاها بطاقات بأسماء مختلفة
ولما سألناها قالت اسمها الحقيقي ريم
صوتي خرج همس
هي فين
قال في القسم
ولازم حضرتك تيجي معانا
جوزي قال أنا جاي
الظابط قال طبعًا
لبست طرحة بسرعة
والإسورة حطيتها في شنطتي
ركبنا عربية الشرطة
الشارع كله بيتفرج
ناس بتهمس
وأنا مش شايفة غير باب القسم
دخلت
حسيت ريحة المكان خانقة
