اسورة ابنتى
الظابط مشي قدامنا
وقف قدام باب مكتب
خبط
وبعدين فتح
كانت قاعدة على كرسي
لابسة هدوم بسيطة
شعرها طويل بس متبهدل
أول ما عيني جت في عينها
الزمن وقف
ريم
كبرت
بس هي
هي
قربت خطوة
قلت ريم
هي قامت فجأة
بصت لي
وبعدين قالت
ماما
الصوت ده
الصوت اللي كنت بحلم أسمعه كل ليلة
جرِت عليا
حضـ,ـنتها
حـ,ـضن عشرة سنين وجع
صرخت وبكيت
وهي بتعيط وتقول سامحيني
جوزي واقف متجمد
مش مصدق
الظباط سايبينا شوية
بس قالوا لازم نتكلم
قعدنا
الظابط قال
ريم كانت ضحية شبكة بتستدرج بنات صغيرة من الشغل
واحد من المشرفين في الشركة اللي كانت شغالة فيها هو اللي خطفها
نقلوها محافظة تانية
غيروا اسمها
هددوها
قالوا لو حاولت تهرب هيوصلوا لأهلها
بصيت لها
قلت ليه ما حاولتيش تكلمينا
قالت كنت خايفة
كانوا بيقولوا إنهم مراقبين البيت
وإن لو بلغتوا هتتأذوا
جوزي قال بصوت مكسور
عشرة سنين
قالت كانوا بينقلوني من مكان لمكان
اشتغلت خدامة
اشتغلت في مخزن
وفي الآخر قدرت أهرب من شهر
الظابط قال لما هربت حاولت تبيع شوية دهب كان معاها
ومن ضمنه الإسورة
الراجل اللي اشتراها منها هو نفسه اللي باعها لك
بصيت لها
قلت ليه بعتيها
قالت كنت محتاجة فلوس أستخبى
وكنت فاكرة إنكم نسيتوني
صرخت
أنساكي إيه
أنا كنت بمـ,ـوت كل يوم
جوزي قعد على الكرسي وحط راسه بين إيده
أول مرة أشوفه ضعيف بالشكل ده
الظابط قال الشبكة اتقبض على جزء كبير منها
بس لسه في تحقيقات
ووجود الإسورة عندك ساعدنا نوصل بسرعة
بصيت للسماء وقلت الحمد لله
الحمد لله
رجعنا البيت مع ريم
الشارع كله واقف
ناس بتبص
بس مش فارق
بنتي معايا
دخلت أوضتها
كانت زي ما هي
كنت بنضفها كل أسبوع
قلت لها شوفي
عمري ما غيرتها
قعدت على سريرها
وقالت كنت بحلم باللحظة دي
طلعت الإسورة من شنطتي
لبستها في إيدها
قلت لها دي مكانها هنا
حـ,ـضنتني تاني
وقالت سامحيني إني تعبتك
قلت لها إنتي النفس
إزاي أعيش من غير نفس
بالليل قعدنا كلنا
ريم بتحكي تفاصيل
وجوزي ساكت
لحد ما قال
أنا كنت بغلط لما بقول خلاص
كان لازم أصدق قلب أمك
بصيت له
وقلت كلنا كنا بنتعلم
الأيام اللي بعد كده كانت صعبة
