لمدة ٢٨ سنه

لمدة 28 سنة أبويا كان بيناديني قدام العيلة كلها بنت الحرام لحد ما تحليل DNA قلب الترابيزة على الكل….
أبويا وقف قدام ستين واحد من العيلة بكل جبروت، وأعلن بوضوح إنه مش هيسلمني لعريسي ولا هيمشي في جهازي.. والسبب؟ على حد قوله، إني الدليل الحي على إن أمي خانته…
قال الكلمة دي يوم جمعة..
على سفرة العيلة الطويلة في بيتنا في مصر الجديدة، وأمي كانت بتغرف الأكل في أطباق صيني غالية، وكأن الشياكة دي تقدر تداري ريحة الإهانة اللي مالت البيت…
جدتي ليلى رزعت الفنجان من إيدها لدرجة إنه اتشرخ.
أخويا ياسين الابن المدلل، اللي عنده 31 سنة نزل عينه في الأرض بكسوف.
أما أمي فردوس ، فكانت بتفرك في المنديل بإيدين مرتعشة.
وفجأة، عثمان المنشاوي، اللي هو أبويا قانوناً والراجل اللي العالم كله فاكره أبويا، طلع ورقة موافقة على تحليل DNA من جيب جاكتته بكل برود.
بص لي بصوت هادي، الصوت المرعب اللي بيستخدمه الرجالة لما بيتلذذوا بكسرة النفس، وقال قدامك 6 أسابيع يا ولاء… لو التحليل أثبت إنك بنتي، هاجي فرحك وأعتذر لك قدام الكل.
ملمستش الورقة، وبصيت في عينه 
ولو طلع إني مش بنتك؟
مغمضش عينيه حتى، ورد 
يبقى وقتها الكل هيعرف حقيقة الست اللي كنت عايش معاها طول السنين دي.
أمي بدأت تعيط من غير صوت.. وده كان أصعب جزء.
أمي مكنتش بتعيط من الغضب، كانت بتعيط من التعود.
على مدار 28 سنة، كنت بشوف أبويا وهو بيحول ملامحي، شعري الفاتح، وعيني الملونة لسلاح بيجلد بيه أمي كل يوم.
لما كان عندي 7 سنين، سمعته بيزعق ورا الباب ويقول إن مستحيل تكون بنته بالبياض ده…
لما بقيت 12 سنة، رفض يمضي لي على اشتراك النادي، بحجة إنه مش هيصرف مليم على بنت راجل تاني.
ولما وصلت ل 18 سنة، دفع مصاريف جامعة ياسين في أغلى كلية، وقعد على راس السفرة وقالي بكل بجاحة خلي أبوكي الحقيقي يصرف على تعليمك…
دخلت كلية التمريض بمجهودي، بمنح وشغل نايتشيفتات وتعب وديون…عمره ما حس بالذنب.. أنا اللي كنت بحس بالخزي…مش بسبب أصلي، لكن لأني عشت عمري كله تحت سقف واحد مع راجل بالقسوة دي.
رجعت شقتي في المنيل والورقة في شنطتي. خطيبي أحمد كان مستنيني، وأول ما شاف وشي عرف. حكيت له كل اللي حصل.
غمض عينيه وقال لي اعملي التحليل يا ولاء.. مش عشان ترضيه، عشان تخرسيه للأبد.
هزيت راسي وقولت له 
الموضوع مبقاش عشانه.. الموضوع عشان أطلع أمي من السجن اللي هو حبسها فيه بقاله 28 سنة.
حكايات_انجي_الخطيب
من 5 سنين، جدتي كلمتني الساعة 2 بالليل عشان لقت أمي واقعة في الحمام وجنبها علبة دواء فاضية.. لحقناها في آخر لحظة. ومن يومها وهي عايشة على المهدئات وابتسامات مهزوزة.
عثمان معتذرش ولا مرة.. ولا حتى ندم.
روحت معمل خاص في الدقي. معمل مستقل ومحترم وبعيد عن أي نفوذ لأبويا.
عينتي كانت سهلة.
أمي أعطت عينتها بإيد بتترعش لكن صوت ثابت وقالت لي مهما حصل، أنا اللي شلتك وأنا اللي ربيتك.. مفيش حاجة هتغير ده.
أما عينة عثمان، فجبتها بصعوبة.. خدت شعرات من الفرشة بتاعته في الحمام.. الحمام اللي كنت بخاف أقرب منه في كل عيد عشان ملمحش نظرة القرف في عينيه.
بعد أسبوعين، وفي حفلة عيد ميلاده الستين في نادي في التجمع، أهاننا تاني..
رفع كاسه قدام شركاءه وعمامي وخلاني، مدح في ياسين ومستقبله، وبعدين بص لي بابتسامة صفراء أتمنى بنتي تكون قررت أخيراً تثبت لنا هي جاية منين.
الناس ضحكت من التوتر، والبعض ضحك بجبن.
شبهني بالطيور اللي بتبيض في عشش غيرها وتسيب غيرها يربي.
أمي اتجمدت مكانها ودموعها نازلة.
قومت، أخدت إيدها، وخرجنا.
في الجراج، جدتي ليلى حصلتنا وهي بتنهج، وكأنها أخيراً أدركت إن السكوت جريمة.
قالت بلهفة مش قادرة أخبي أكتر من كدة.
قعدنا في جنينة النادي، والشمس بتغيب، وحكت لنا حاجة خلت جسمي كله يقشعر.
ليلة ولادتي في مستشفى القصر العيني ممرضة خرجت وهي شايلة بيبيه . كانت متوترة وبتجري.
جدتي لاحظت ده وحاولت تسأل، بس محدش رد عليها.
وقبل ما الملفات القديمة تضيع، جدتي كانت صورت نسخة من دفتر المواليد.
طلعت ورقة صفراء من شنطتها..
وقت الولادة المكتوب 1147 مساءً.
أمي وشها بقى أصفر مستحيل.. أنا فاكرة الساعة كويس، كانت 1158، حتى الدكتور وقتها هزر وقالي بنتك كانت هتيجي في يوم جديد.
11 دقيقة..
11 دقيقة محدش فسرهم لمدة 28 سنة.
بعد 3 أسابيع، النتيجة وصلت على الإيميل….
كنت قاعدة لوحدي في الصالة.. إيدي بتترعش.. فتحت الملف.
قريت السطر الأول..
وبعدين التاني..
وبعدين التالت.
نسبة التطابق الجيني مع عثمان المنشاوي 0.
ده مكنش مفاجأة ليا.
لكن لما نزلت للسطر اللي بعده.. الدنيا اسودت في عيني.
نسبة التطابق الجيني مع تريزا المنشاوي 0.
مبقتش قادرة أتنفس.
كلمت المعمل حالاً.. أكدوا لي إن مفيش أي غلط، ولا تبديل عينات، ولا خطأ إداري.
أبويا قضى 28 سنة بيتهم أمي بالخيانة وهي بريئة..
وأنا.. طلعت مش بنتهم هما الاتنين!
في اللحظة دي فهمت إن الكابوس لسه بيبدأ..
لأنه لو أمي مش هي أمي الحقيقية، يبقى في مكان ما في مصر، في ست تانية عايشة الحياة اللي كان مفروض تكون حياتي..
وفي بنت تانية، اتسرقت من حضن أمي من غير ما حد فيهم يحس.
اللي اكتشفته بعد كدة حول تحليل DNA لزلزال دمر العيلة كلها.. ومحدش على السفرة دي كان مستعد للي جاي…
في الليلة دي ولأول مرة في حياتي، حسّيت إني واقفة في فراغ لا أنا بنتهم، ولا أنا عارفة أنا مين.
قعدت ساعات ببص في النتيجة، كأني مستنية الحروف تتغير تكذب تقول إن ده غلط.
بس الحقيقة كانت أوضح من أي حاجة
أنا مش بنت عثمان ومش بنت فردوس كمان.
أول حاجة عملتها رحت لأمي.
كانت قاعدة على الكنبة، نفس القعدة اللي بقالها سنين ضهرها مكسور بس