لمدة ٢٨ سنه

بتحاول تبان قوية.
مديت لها الموبايل من غير كلام.
خدت نفس طويل وهي بتقرا
عينها اتحركت بسرعة بين السطور
وبعدين سكتت.
مش عيطت.
مش صرخت.
بس قالت جملة واحدة بصوت غريب
يبقى أنا كمان ضحية
وقتها بس انهارت.
حضنتها لأول مرة مش ك بنتها لكن ك إنسانة اتظلمت زيي.
كل السنين اللي عاشت فيها متهمة كانت بريئة.
وكل السنين اللي أنا حسيت فيها إني غريبة كانت حقيقة.
تاني يوم قررت أواجه عثمان.
روحت له مكتبه نفس الهيبة، نفس البرود.
كان متوقع يشوفني مكسورة جاية أترجاه يعترف بيا.
حطيت قدامه الورق.
بص فيه بثقة في الأول
وبعدين ملامحه اتغيرت لأول مرة.
إيه ده؟
صوته كان متوتر مش متعود عليه.
قلت له بهدوء
مش بنتك ومش بنتها.
سكت.
ولأول مرة في حياته ما لاقاش كلام يوجع بيه حد.
لكن المفاجأة الحقيقية ما كانتش في صمته.
كانت في جدتي ليلى.
دخلت المكتب فجأة، وهي شايلة نفس الورقة القديمة دفتر المواليد.
وقالت بصوت حاسم
أنا عارفة البنت التانية فين.
لفينا لها كلنا.
قعدت وقالت
بعد الليلة دي ما سكتش. دورت. سألت. بس خفت أتكلم لأن الحقيقة كانت هتهد كل حاجة.
طلعت اسم
عنوان
ومستشفى.
في نفس الليلة اتولدت بنتتانية. أمها كانت بسيطة مفيش حد معاها. حصل لخبطة أو يمكن حاجة أكبر من كدة.
قلبي كان بيدق بجنون.
يعني في بنت عاشت حياتي؟
وأنا عشت حياتها؟
بعد أيام من البحث وصلنا.
بيت بسيط في منطقة شعبية.
باب قديم وريحة أكل طالع.
فتحت لنا ست في أواخر الأربعينات نفس عيوني.
اتجمدت.
وراها بنت واقفة.
شبه فردوس شبه أمي اللي ربتني.
السكوت كان تقيل
كأن الزمن كله وقف.
البنت بصت لي وقالت
إنتي مين؟
ما قدرتش أرد.
بس الحقيقة كانت واضحة في عيوننا إحنا الاتنين.
اللحظة دي ما كانتش نهاية.
كانت بداية زلزال.
عيلتين حياتين أمين بنتين
كل حاجة اتقلبت.
عثمان اختفى من الصورة بعدها
أول مرة ما يكونش هو المتحكم.
فردوس بدأت تتعالج مش من المرض، من سنين القهر.
وأنا؟
بدأت أتعرف على نفسي لأول مرة.
مش مهم أنا بنت مين
المهم أنا اخترت أبقى مين.
لكن السؤال اللي فضل مفتوح
واللي لسه محدش جاوب عليه
هل اللي حصل كان غلطة
ولا كان جريمة؟
ولو جريمة
مين اللي دفع التمن ومين لسه هيدفع؟
بعد أسبوع اكتشفنا إن اللي حصل ماكانش مجرد بدل أطفال في المستشفى.
كان أسوأ.
أحمد خطيبي أصر نرجع للمستشفى القديم.
مستشفى القصر العيني
قال لي لو دي جريمة، لازم حد يكون ساب أثر.
المبنى كان قديم، والريحة نفسها مطهر ممزوج برطوبة سنين.
مجرد ما دخلت، جسمي كله اتشد.
كأن المكان فاكرني حتى لو أنا مش فاكرة.
مديرة الأرشيف، ست كبيرة اسمها سهير، كانت في الأول رافضة تساعدنا.
لكن أول ما شافت اسم عثمان المنشاوي، وشها اتغير.
بصت حوالين وقالت بصوت واطي الاسم ده رجّع مصيبة دفناها من 28 سنة.
قلبي وقف.
طلعت ملف قديم متآكل، أطرافه مصفرة.
فيه تقرير داخلي متشال من السجلات الرسمية.
مكتوب فيه
اشتباه في تبديل مولودتين داخل جناح الولادة الخاص
بناءً على طلب شخصية ذات نفوذ.
إيدي بدأت ترجف.
أحمد خطف الورقة وقرا السطر الأخير الممرضة المسؤولة نجلاء فوزي.
الاسم ده خبط في دماغ أمي فورًا.
شهقت وقالت نجلاء؟ دي كانت بنت خالة عثمان.
ساعتها بصينا كلنا لبعض.
وأخيرًا الصورة بدأت تكتمل.
عثمان ماكنش شاكك في أمي من البداية.
عثمان كان عارف.
عارف من أول يوم
إن في طفلة اتبدلت.
وعارف إن الحقيقة لو ظهرت، هتكشف إنه هو السبب.
رجعنا البيت، وأنا مش قادرة أتنفس.
واجهناه في نفس السفرة
نفس الترابيزة اللي ذبحني عليها بالكلام طول عمري.
حطيت الملف قدامه.
قرأ أول سطر
وبعدين حط الورقة بهدوء غريب.
مش أنكر.
مش اتفاجئ.
بس قال كنت بحمي بيتي.
صرخت دمرت عمري كله وتسميه حماية؟!
رفع عينه لي لأول مرة من غير غرور أمك وقتها قالتلي إنها حامل وأنا كنت عارف إني مستحيل أخلف.
الصمت نزل زي حجر.
أمي رجعت خطوة إيه؟
قالها وهو بيبصلها التحاليل اللي عملتها قبل جوازنا أكدت إني عقيم.
أمي اترجفت يبقى ياسين؟
بص ناحية الباب
وفي اللحظة دي بالذات، أخويا ياسين كان واقف يسمع.
وشه كان أبيض كأنه اتسحب منه الدم.
عثمان قالها ببرود قاتل ياسين مش ابني أنا كمان.
البيت كله اتكسر في ثانية.
أمي وقعت على الكرسي. ياسين بص لأمه كأنه أول مرة يشوفها. وأنا حسيت إن الحقيقة مش بس قلبت الترابيزة
دي حرقت البيت كله.
طلع إن عثمان عرف من أول سنة جواز إن ياسين مش ابنه،
لكن خبّى الموضوع عشان سمعته.
ولما اتولدت أنا استغل الفوضى،
وخلى بنت تانية تدخل حياتنا بدل ما يفضح الخيانة.
يعني أنا
ماكنتش مجرد ضحية صدفة.
أنا كنت عقاب.
عقاب عايش بيتنفس.
لكن الصدمة الأكبر لسه كانت جاية
لأن تحليل جديد لياسين اتعمل بعدها بيومين
وأثبت إن ياسين ابن عثمان الحقيقي الوحيد.
ساعتها فهمنا الحقيقة المرعبة
عثمان ماكانش بيعاقب أمي
عثمان كان بيعاقبني أنا، لأنه طول عمره كان عارف إني بنته الحقيقية
وهو بنفسه اللي أمر بتبديلنا.