شقة ابنى حكايات رومانى مكرم 1

الدم هرب من جسمي كله. الراجل اللي جوزها دلوقتي، هو نفسه اللي شاهد على بيع الشقة ليها قبل ما طارق يموت بأربع أيام!

وقبل ما أرد أو أستوعب البشاعة دي، تليفون حسام رن. حسام رد، وشوية ولقيت وشه اتغير 180 درجة، عينيه اتملت بالذهول والخوف، وقال بصوت متلخبط:

* “إيه؟! انت متأكد من الكلام ده؟! محضر الحادثة اتفتح تاني بطلب من مين؟!”

بصيت لحسام وأنا بترعش، وهو قفل الخط وبصلي وقال بصوت يزلزل الكيان:

* “يا عمتي.. التقرير المبدئي لمعاينة عربية طارق بعد الحادثة، اللي كان مقفول على إنه ‘اختلال في عجلة القيادة’.. في ظابط جديد مسك القضايا القديمة وبيرجع يفحصها، ولقى إن فرامل العربية كانت مقطوعة بآلة حادة بفعل فاعل.. حادثة طارق طلعت مش حادثة قضاء وقدر.. طارق اتقتل!”

يتبع …