كشف المستور بقلم منــال عــلي

جوزي اتجوز عليا سرًّا ورجع يطالب ببيتي قدام عروسته الجديدة؛ أمه كانت بتصرخ وأخته بتصور، لكن سؤال واحد من العروسة فضحه وخلّاه واقف مش عارف ينطق!
أنا اتجوزت نيرمين زميلتي في المكتب، عيشي حياتك بقى يا مريم وشوفي حالك.. كفاية كآبة لحد كدة. بقلم منال علي 
الرسالة دي وصلتني الساعة 247 الفجر، وأنا نايمة على كنبة الصالة في بيتي في الهرم، والتليفزيون شغال من غير صوت، والبطانية واصلة لحد وسطي. ياسين جوزي، كان المفروض إنه في الغردقة تبع شغل الشركة، قالي إنه راجع الخميس، وإن الموضوع كله اجتماعات مملة وعشوات مع عملاء بقلم منال علي 
قريت الرسالة تلات مرات.. مش قادرة استوعب.
إحنا مع بعض بقالنا سنة، والنهاردة اتجوزنا على البحر.. مش عايز دراما، إنتي طول عمرك كنتي باردة ومشاعرِك ناشفة.
مصرختش.. منزلتش دمعة واحدة.. حتى مجاليش نفس أرمي الموبايل في الحيطة. كل اللي حسيته هدوء غريب جداً، كأن جسمي عيط بدالي في وقت تاني، ودلوقتي مفيش قدامي غير إني أعمل الصح بقلم منال علي 
ياسين وأنا متجوزين بقالنا سبع سنين. البيت ده ملكي من قبل ما أعرفه، اشتريته ب شقا عمري وتغربي في الحسابات في شركة ألبان كبيرة. هو كان دايماً بيقول إحنا فريق واحد، بس الحقيقة إن الفريق ده كان شغال عشان أنا اللي بدفع أقساط البنك، وفواتير السوبر ماركت، ومصاريف العربية، وحتى المخالفات اللي كان بيجمعها وهو سايق بتهور زي المراهقين.
رديت عليه بكلمة واحدةبقلم منال علي 
مبروك.
وبعدها عملتله بلوك.
الساعة 310 فتحت تطبيق البنك.. وقفت البطاقة الإضافية اللي كانت معاه، وبطاقة البنزين، والفيزا اللي كان بيقول إنها للطوارئ بس. غيرت باسوورد الإيميل، وكاميرات المراقبة، وأبلكيشن الإضاءة، وحتى كود بوابة العمارة.
الساعة 345كلمت نجاربقلم منال علي 
دلوقتي يا ست هانم؟ الفجر لسه مأذنش!
هديك الضعف لو وصلت قبل الشمس ما تطلع.
الساعة 430، كان الأسطى بيغير كالون الباب.. شاف وشي، وشاف الرسالة، وقال كلمة واحدة
هركبلك كالون كمبيوتر شيزا أصلي، ميتفتحش لو انطبقت السما على الأرض.
الساعة 520، بيتي رجع ملكي تاني.
نمت ساعتين..بقلم منال علي 
الساعة 805 الصبح الباب خبط، بصيت في الكاميرا لقيت اتنين أمناء شرطة.
الأستاذة مريم ؟.. جوز حضرتك عمل بلاغ إنك منعاه من دخول بيته.
فتحت الباب حتة صغيرة وقلت ببرود بقلم منال علي 
جوزي؟ غريبة! ده لسه بعتلي الفجر بيقول إنه اتجوز واحدة تانية.
وريتهم الرسالة.. أمين الشرطة الكبير قراها وسكت، والصغير كان بيكتم ضحكته بالعافية.
طالما الشقة باسمك يا فندم، ومفيش تمكين، محدش يقدر يجبرك تفتحيله بقلم منال علي 
الشقة باسمي، والعقود موجودة.
تمام يا فندم.. سجلي كل اللي بيحصل.
وده اللي عملته.
الظهر كان كل هدومه في كراتين القمصان، الجزم، الساعات اللي كان بيلبسها عشان يبان غني، البرفانات، وحتى البلاي ستيشن والكتب اللي عمره ما فتحها. كل حاجة مترتبة.. مش حب فيه، دي استراتيجية بقلم منال علي 
الساعة اتنين السيرك وصل ياسين بنضارة شمس، ونيرمين بفستان أبيض بتاع بحر، وحماتي الحاجة لبيبة بتصوت كأنها في جنازة، وأخته فاتن واقفة بتصور بالموبايل.
مش من حقك تطردي ابني زي الكلب في الشارع! حماتي صرخت بالكلمتين دول.
رديت بهدوءبقلم منال علي 
أنا مطردتوش.. أنا عزلته.
ياسين حاول يزق الباب
البيت ده بيتي زي ما هو بيتك!
عمره ما كان بيتك، ولا هيكون.
نيرمين العروسة الجديدة، وشها بقى أصفر وهمست بضعف
هو إنتِ وقفتي الفيزا يا مريم؟
ياسين بصلها بحدة وقالها اسكتي إنتي دلوقتي!
ساعتها فهمت كل حاجة.. شهر العسل خلص قبل ما يبدأ، والفيزا اللي كانت بتصرف على الفنادق والفسح اتقفلت.
وهما بيشيلوا الكراتين في عز الشمس، والجيران بيتفرجوا من ورا الشيش، موبايل ياسين رن.. مكالمة غيرت ملامح وشه تماماً.بقلم منال علي 
مبقاش مصدق اللي هيحصل دلوقتي…
تفتكروا المكالمة كانت من مين؟ وإيه السؤال اللي العروسة سألته خلاه يخرس؟
لو عايزين الجزء التاني اكتبوا لي في الكومنتات!
الموبايل رن في إيد ياسين الرقم كان محفوظ باسم HR الشركة.
بصّ للشاشة، ووشّه اتغير في ثانية.
الكل سكت.
حتى حماتي اللي كانت لسه بتصرخ، وقفت فجأة كأن حد كبّ عليها ميّه ساقعة.
فتح المكالمة وهو بيحاول يبان ثابت أيوه يا فندم
صوت هادي من الناحية التانية، واضح إنه مدير أو مسؤول كبير أستاذ ياسين إحنا مضطرين نبلّغك بقرار فوري. التحقيق الداخلي اتقفل النهاردة الصبح.
بلع ريقه تحقيق إيه؟
سكتت ثانيتين وبعدين الجملة اللي وقفته مكانه
شكوى رسمية من زوجتك الأولى، مريم، بتهمك بالاحتيال المالي واستغلال موارد الشركة في حسابات شخصية.
الشارع كله كأنه حبَس نفسه.
نيرمين بصّت له بسرعة زوجتك الأولى؟! هو في إيه؟!
لكن ياسين ما ردّش.
الصوت كمل ببرود قاتل وتم إرفاق مستندات وتحويلات مالية من حساب الشركة لحسابات خاصة باسمك الموضوع اتحوّل للشؤون القانونية، وإيقافك تم فوريًا.
الموبايل وقع من إيده على الأرض.
تِك
صوت الوقعة كان أعلى من صراخ حماتي.
بص ناحيتي لأول مرة بوش مشوش إنتي عملتي كده؟
قربت خطوة واحدة بس، وقلت بهدوء أنا ما عملتش غير إني قفلت الباب اللي إنت كنت فاكر إنك مفتاحه.
ساعتها نيرمين رجعت خطوة لورا يعني مفيش شغل؟ مفيش شقة؟ مفيش سفر؟
فاتن أخته وقفت التصوير فجأة يا نهار أبيض ده اتفصل؟!
الشارع بدأ يتلمّ.
وجار من اللي واقفين قال بصوت عالي ده اللي كان بيتحايل على مراته وعايز يطردها من بيتها؟
الهمهمة زادت والكراتين اللي كانت متشالة من شوية، بدأت تتبصّله تاني كأنها دليل إدانة.
ياسين حاول يتكلم، صوته اتكسر مريم استني نحلها بينا
لكن أنا ساعتها كنت خلاص خلصت انتظار.
قربت من الباب، وقفلته نص قفلة بس، وقلت اللي بينا اتحل من أول رسالة الساعة 247.
وسبتهم واقفين قدام الباب
هو مكسور بين شغل ضاع، وجواز انهار، وفضيحة في الشارع.
ونيرمين أول مرة تبص له مش ك جوز لكن ك خسارة.
والباب اتقفل ببطء
بس اللي جوا كان لسه ما خلصش.
لأن في اللحظة دي الموبايل بتاعي رن تاني.
ورقم جديد تمامًا ظهر على الشاشة نائب رئيس الشركة
والصوت اللي جاية منه المكالمة قال جملة واحدة بس
في حاجة أخطر هو ما كانش عارف إنك وصلتي لها يا مريم
وسكت.
يتبعقلبي ما اتحركش بس إيدي كانت بتسخن على الموبايل كأني ماسكة نار.
سكت ثانيتين، وبعدين قلت حاجة أخطر إيه؟
الصوت جه هادي جدًا، بس فيه ثقل يخوف إحنا كنا فاكرين إن ياسين مجرد موظف متورّط في تحويلات لكن بعد مراجعة السيرفرات، لقينا حاجة تانية.
بصيت على الباب من وراه كنت سامعة همهمة نيرمين وحماتي، وصوت ياسين وهو بيحاول يشرح ومحدش سامعه.
رجعت ركّزت حاجة إيه؟
الجملة اللي جاية خلت جسمي يتجمد
حسابات باسمك إنتي تم فتحها في بنوك خارج مصر وتحويل مبالغ كبيرة عليها خلال آخر 6 شهور.
سكت.
ثواني طويلة لدرجة إني سمعت نفسي بتتنفس بس.
قلت بصوت منخفض أنا؟!
رد بسرعة أيوه باسمك الكامل وتوقيع إلكتروني مطابق بس إحنا متأكدين إنك ماكنتيش عارفة.
بصيت ناحية الباب تاني.
المرة دي مش بس ياسين اللي بيتكشف
دي حياتي كلها بتتقلب.
سألت يعني إيه الكلام ده؟
جالي الرد أخطر يعني يا مريم إنتي مش بس زوجة مضحوك عليها إنتي كمان ممكن تكوني متورطة من غير ما تعرفي.
في اللحظة دي
الباب اتخبط خبطتين جامدين من برّه.
صوت ياسين كان متكسر