رسمياً
يارا السكري تعلن ارتباطها يارا السكري والعوضي خلال قمة الإعلام العربي في دبي اتسالوا هل فيه ارتباط بينهم .. سكتوا رجع نيشان سال يارا تاني هل فيه ارتباط او حب بينك وبين العوضي سكتت تاني راحت حد من الحضور قالت عدم الرد رد
راحت يارا قالت اهيه اهو جاوبت راح نيشان قالهم مبرووك وقام سلم عليها وطلب من اللي موجودين يسقفولهم
الجدير بالذكر يارا السكري والعوضي موجودين سوا دايما في الساحل ليه ؟.. وهل حصل بينهم ارتباط ولا بيصيفوا سوا ولا عمل فني جديد بيربطهم ؟
طول الوقت أخبار بتربط اسم أحمد العوضي ويارا السكري، والاتنين بعيد عن الأضواء ومافيش إعلان رسمي عن طبيعة العلاقة بينهم.. لكن المرة دي، اللي حصل في الساحل الشمالي خلّى الجمهور يسأل من جديد: إيه حكاية العوضي ويارا السكري؟! الموضوع بدأ لما انتشر مقطع فيديو على السوشيال ميديا من إحدى حفلات الساحل الشمالي، وظهرت فيه يارا السكري وهي بترقـ.ـص جنب أحمد العوضي، في مشهد لفت انتباه الجمهور وخلّى اسم الاتنين يرجع يتصدر الكلام على السوشيال ميديا.
والسبب مش الفيديو لوحده.. لكن لأن دي تقريبًا من المرات القليلة اللي يظهر فيها العوضي وهو بيقضي أجواء الصيف مع يارا السكري بالشكل ده. خصوصًا إن العوضي خلال الفترة اللي فاتت كان بيشارك الجمهور صور من الساحل الشمالي، لكن أغلب ظهوره كان لوحده أو مع جمهوره ومعجبيه. المرة دي بقى الصورة مختلفة.. العوضي ويارا موجودين في الساحل.. بيحضروا حفلات.. وظهروا بيتكلموا سوا ومنسجمين!
ومن هنا بدأت الأسئلة تنهال: هل يارا السكري هي فعلًا حبيبة أحمد العوضي اللي فضل سنين يخبيها عن الجمهور؟ خصوصًا إن اسم يارا السكري ارتبط بالعوضي أكتر من مرة خلال الفترة اللي فاتت، لكن في كل مرة كانت التساؤلات بتزيد، كان العوضي بيأكد إن بينهم صداقة قوية، من غير ما يعلن رسميًا عن وجود علاقة عاطفية. لكن الجمهور، كالعادة، بدأ يربط التفاصيل ببعضها.. ومن أكتر المواقف اللي رجعت للواجهة، اللي حصل خلال العرض الخاص لفيلم شمشون ودليلة، لما لفت انتباه البعض إن صورة يارا السكري ظهرت على غطاء هاتف أحمد العوضي.
وساعتها بدأت التساؤلات أكتر: لو مجرد أصدقاء.. ليه كل الإشارات دي بتظهر في نفس الوقت؟! ودلوقتي بعد ظهور الاتنين في الساحل الشمالي وحضور حفلات مع بعض، الجمهور بقى مستني الخطوة اللي بعدها. هل ممكن أحمد العوضي في يوم من الأيام يخرج ويعلن رسميًا إن يارا السكري هي الشخص اللي مرتبط بيه؟
ولا الاتنين فعلًا مجرد أصدقاء مقربين زي ما اتقال قبل كده؟ خصوصًا إن الجمهور نفسه بقى بيراقب كل ظهور ليهم، وكل صورة، وكل تفصيلة صغيرة، وبيحاول يعرف هل فيه قصة حب مستخبية فعلًا وراء علاقة الصداقة دي ولا لأ. وفي النهاية.. اللي حصل النهارده هو الأعلان الرسمي عن الزواج
