اسكريبت بقلم مريم وليد محمد
هيرجع يا تيتا.
بصت لي بخبث وابتسمت
أه يا حبيبتي هيرجع أيه وحشك.
ضحكت ومسكت شنطتي وخرجت
أستأذنك بقى يا تيتا عشان متأخرش على المستشفى وأتطرد.
ضحكت
أهرب أهرب يا جميلة أيه الجديد بقى!
اللي هيجد هيجد لما سي يوسف يرجع يا تيتا يلا في أمان الله.
نزلت وركبت العربية مع عم محمد كنت قاعدة بفكر في أمتى كبرت أمتى قابلت تيتا ويوسف وحياتي أتغيرت بالشكل ده كنت طفلة عندها 12 سنة وأديني دلوقت 24 سنة ودكتورة قلب وبنجح في مجالي رغم كوني لسه صغيرة ويوسف برضوا دكتور قلب بس الفرق أنه خرج برا يتعلم وأنا فضلت هنا بقالي حوالي 7 سنين مشوفتهوش كبر! طول! أحلو! مش عارفة.
دخلت المستشفى وروحت على عيادتي
زينة!
نعم يا دكتور
بصيت لها وأنا بدور على حاجة
فيه حالات ولا لسه!
أيوه يا دكتور في أستشارتين وفيه حالة وحضرتك عندك عملية النهاردة.
غمضت عيني وخبطت بأيدي على راسي
اووه! نسيت خالص جهزيلي الأوضة عشان باقي ساعتين ودخليلي الاستشارات.
حاضر يا دكتور.
دخل راجل كبير وابتسم فابتسمتله
حضرتك عامل ايه النهاردة بقى
ابتسملي
أحسن يا بنتي والله أنت طيبة أوي وحلوة كده واللي يتعالج على أيديك ربنا بيشفيه.
ابتسمتله
ربنا يكرمك يا عمو ويتم شفاك على خير يلا نتطمن على حضرتك.
خلصت الأستشارات والكشوفات وكان جيه وقت العملية عقمت نفسي ودخلت بصيت على المړيض.. بس هو مكنش مجرد مريض.. هو كان أبويا! عيوني بدأت تدمع وبصيت لزينة
فيه أيه يا دكتور!
رديت عليها بصوت متقطع
أبويا أبويا يا زينة.
جابولي مية كنت لازم اتماسك عشان أي غلط هيعرض حياته للخطړ بدأت في العملية العملية اللي بتاخد ساعتين أخدت معايا أكتر من تلات ساعات من خۏفي خلصت وخرجت لقيت مرات أبويا برا ومعاها ولد وبنت ولاد بابا اللي كانوا صغيرين وقت ما مشيت لقيتهم كبروا
هاا يا دكتورة! هو عامل ايه
بصيت ليهم ودمعت
أيه اللي حصل لأبويا ياثناء!
بصتلي جامد وعيطت
جميلة! وحشتيني يا جميلة حقك عليا يابنتي حقك عليا ياحبيبتي.
لقيت حنين جاية وبتمسك ايدي
جميلة!
بصيتلها بهدوء مشاكلي مع أبويا ومراته عمرها ما كانت عائق لحبي لحنين وبراء وعيطنا شوية
هيكون بخير مټخافيش تعالوا معايا ثواني.
اخدتهم العيادة وجبتلهم مية
أهدوا وفهموني فيه ايه!
حنين عيطت
بابا جاله القلب بعد ما مشيت بكام سنة يا جميلة هده حرفيا بقينا بنشتغل ونتعلم عشان نوصلك يا جميلة دورنا عليك في كل مكان ملقينكيش لحد ما ماما عرفتنا
أن بابا أداك للست الكبيرة عشان يخلص من واحد فينا وقتها كان بدأ يجيب أخره وعملنا العملية دي
على حساب الدولة.
حطيت أيدي على وشي
أخرجوا دلوقت يا حنين خليكم مع ثناء وأنا هجبلكم لبس وحاجات وأجيلكم بكره.
خرجوا وأنا روحت كنت شبه التايهه خاېفة من كل شيء حاډثة ماما في دماغي يوم ما
تيتا أخدتني عياط أختي وصويت ولاد أبويا كل شيء كان بېقتل فيا بالبطيء لحد ما روحت كان فيه زيطة بس مقدرتش
