اسكريبت روان وادهم عشقتك ياصعيدي
هناك
_هي هتتاكل ياصفيه يعني وبعدين مصطفي استحاله يوديها مكان وهو مش دارسه كويس ده صحبي وروان بنته زي ماهي بنتي ثانيا هي التلفونات قصرت في حاجة ماهي هتتصل بينا كل يوم وهتكلمنا فيديو كول كمان صح يارونا
_صح يابابتي
_سافري يابنتي وانجحي وحققي ذاتك وانا فخور بيك دايما ياحبيبة قلب بابا بس أهم حاجة تاخدي بالك من نفسك كويس
_حاضر يابابتي
وعدي اليوم علي خير مش خير أووي لان ماما مكنتش موافقه ومعارضه جدا بس بعد كلمه بابا مافيش كلمه تانيه تتقال طبعا بس هي كتمت زعلها جواها وسكتت وانا كنت مضايقه أوووي لاني مقدرش علي زعلها ومعرفش اقعد من غيرها يوم واحد معرفش هقدر اتعايش ازاي بس الله المستعان حضرت شنطتي وجهزت حاجتي كلها وخلاص القطر بتاعي الساعة ستة الصبح قمت صليت وقولت اذكاري وقرآت وردي وفطرت وسلمت علي بابا وماما ووصلوني لحد المحطة وتوكلت علي الله لطريق أنا مش عارفه أخرته اي
_خدي بالك من نفسك ياقلب ماما هتوحشيني اوووي ياروان
_وانت كمان ياماما هتوحشيني اوووي خلي بالك من بابا ومن نفسك وصدقيني هحاول اخلص شغلي بسرعه عشان ارجع علطول
_يلا ياروان اجمدي كدة وخلي بالك من نفسك ياحبيبه قلب ابوكي إنت
حضنته جامد اوووي هو بالنسبالي أماني في الدنيا فكره إني هسيبه وإمشي حاسه إني فقدت الأمان خلاص وهفضل فقداه طول فتره غيابي عنه
_وإنت كمان يانن عين روان من جوه خد بالكمن نفسك ومن صحتك وخد علاجك بإنتظام وبلاش تشرب قهوة علي الريق ومتنزلش المستشفي من غير فطار وووو
_اي ياحببتي حيلك ده أمك مبتعملش معايا كدة
_بس أنا رونا حبيبة ابوها عشان كدة هتسمع كلامي صح يابابتي
_وروح قلبه كمان والله
عنيا ياستي
حاضر يلا اول متوصلي كلميني علطول
_حاضر يابابا
وركبت القطر وأنا بستعد لتجربة جديدة هخوضها في حياتي أصلي بحب المغامرات أوووي وبحب أخوض التجارب ياتري التجربة المرة دي هتكون عاملة ازاي وياتري ياسي أدهم إنت هتتقبل وجودي كدكتورة وال لا بس ميضرش انا لازقه في البلد دي لحد مطلع بنتيجه كويسه من الحالة دي
واخيرا وصلت سوهاج وتحديدا قرية باجا ودي قرية في سوهاج وال هسكن فيها طول مدة شغلي وصلت لقيت واحد كدة لابس جلبيه وعمامه وشكله واقف مستنيني
_ حضرتك دكتورة روان
_ايوه انا
_طب أتفضلي معايا ياست الدكتورة أاني أشرف سواج العمدة وجاي أوصل حضرتك للدوار
_تمام بس أنا معايا شنطتي وكدة مافيش هنا شيال ياخدهم لحد العربية
بصلي وضحك اووووي
_لا معندناش أجده إحنا كلتنا واحد ومافيش حد أحسن من حد عشان يشيل حاجته ياست الدكتورة أاني هشيلهم لحد الدوار كمان
_هتعبك معايا ياأستاذ أشرف معلش
_تعبك راحه ياست الدكتورة
ووصلت بيت العمدة او الدوار زي مبيقولوا كان بيت هادي وجميل زي مابيقولوا بيت صعيدي صعيدي اول مدخلت قابلتمامته وسلمت عليا وبستني وقد اي هي ست لطيفه خالص وبعد كدة شوفت اخواته الاتنين منة ودي من دوري ومتجوزة ابن عمها وعايشه معاهم في البيت لانه بيت كبير اوووي والعمدة عايش في هو واخواته وعياله وعيالهم وندي ودي لسه في ثانوي وادهم الكبير وبصراحه اخواته لطاف خالص ويتحبوا وعاملوني هما ومامتهم بإحسن معامله وقابلت العمدة وشرحلي حاله ابنه وانا طمنته إنه خير وباذن الله في أمل وطبعا ده كل ثقتي في ربنا وجات اللحظة ال منتظرها من ساعة مجيت وهي مقابلة الشخص ال مشخططني من بلدي لهنا عشان اعالجه
دخلت ولقيته قاعد بيقرا كتاب في البلكونة وكانت ملامحه هاديه جدا ومندمج في القرايه لحد ماشافني فجاءه ملامحه اتحولت لڠضب وضيق
_إنت مين وايه ال دخلك أهنه
_أنا مين فإنا الدكتورة الجديدة ال هتابع حالتك هنا واي ال دخلني جيت اشوف المړيض بتاعي عشان ابدا العلاج
_إمشي اطلعي برا وخدي الباب وراك ومشوفش خلجتك اهنه تاني
_ايدا بجد شكرا اوووي إنك سمحتلي اقعد ها بقي هنبدا منين
بصلي واتعصب اكتر من رده فعلي وبرودي
_إنت مبتسمعيش بجولك امشي اطلعي برا وامشي من الدوار كله خالص يلا
_طب يابشمهندش انا هسيبك ترتاح دلوقت عشان شكلك مرهق وهجيلك بكره الصبح عشان نبدا العلاج جهز نفسك
_ده لو فضلتي لبكره اصلا
_لا متقلقش انا هقعد معاكوا في البيت هنا حبه حلوين اتمني نكون خفاف علي قلوب بعض عشاننقدر نطلع بنتيجه كويسه عن اذنك
ومشيت ومسبتلوش فرصه للرد فعلا مكدبوش اد اي بني ادم صعب اووي وقليل الذوق يعني اي اجي من القاهرة لسوهاج عشان عالجه ويهزقني كدة بس قطع شرودي حلمي ال نفسي اوصله وان ده مهما كان شغلي وخلاني اقول لنفسي معلش استحملي فتره وهتعدي بس هنتعب فيها شويه مع سي أدهم ده وطلعت اوضتي ال ورتهاني منة اول ماجيت وقعدت علي السرير بعد مغيرت لبسي وكلمت بابا وماما فيديو كول وقرآت شويه قرآن وصليت ونمت وقمت تاني يوم وانا كلي نشاط ومستعدة للمعركة ال هتحصل دلوقت
_مجتش تفطر معانا تحت ليه
_وإنت مالك اصلا وبعدين انت لسه اهنه بتهببي اي
_بس الانعزال ده غلط ومش صح وبكدة انت بتموتك نفسك وانت مش حاسس ثانيا بقي أي ال مضايقك العمدة وعازمني في بيته يااخي ليك في
_وبصفتي أهنه إبن العمدة بجولك يالا روحي منين ماجيتي ومتشكرين لخدماتك
_إنت ليه رافض تتعالج وتبقي كويس ليه
_كيفي
اجده مالكيش صله
واصل
_لا ليا بصفتي الدكتورة المشرفه علي
حالتك ليا فانا هنا لحد متخف وتقوم علي رجلك من تاني ولحد مده يحصل هتسمع كلامي وهتاخد علاجك وهتساعدني هاا
_إنت مش أول دكتورة اطرودها من الدوار فإمشي بجي كفاياك مناهده فيا
_مش هسيبك غير لما تخف هاا
اتعصب ولقيته بيبصلي
_أخف كيف وأني نسبه الشفا بتاعتي معدومه مفكراني معرفش حالتي كويس ياست الدكتورة اني مشلۏل وهفضل مشلۏل إنكتبعليا اجده واهو اني خلاص اتكيفت مع الوضع جايه إنت ليه
