القلقاس الصح يتعمل بالطريقه دي علي اصوله
القلقاس الصح يتعمل بالطريقه دي علي اصوله
حتي لو مبتدئين هيطلع ولا غلطه
****المكونات والخطوات ****
قلقاس واحده كبيره او ٢ متوسطين
نقشره كويس ونقطعه مكعبات متساويه عشان يكونوا كلهم نفس التسويه
بعد التقطيع نضع مكعبات القلقاس في مصفاه ونضيف معلقه لمعلقتين كبار من الملح ونقلب القلقاس كويس بالملح ونسيبه ف المصفاه ١٠ ق تقريبا
هنلاقي بعد ال ١٠ ق القلقاس اتخلص من الملمس اللزج الموجود ف القلقاس
نقلبهم مع بعض كمان مره ونغسل القلقاس لحد مانلاقي الميه لونها شفاف
دا معناه ان القلقاس بقا زي الفل ومافيش فيه اي ماده لزجه
نصفيه تماما ونبدا نسويه
حله فيها شوربه ساخنه تكون مناسبه لكميه القلقاس
يعني لما نحط القلقاس في الشوربه تكون يادوب مغطياه
نسيب الحله ع النار عشان القلقاس يستوي وناخد بالنا انه مايستويش زياده عشان مع التقليب مايتهريش
بعد مايستوي نظبط الملح والفلفل الاسمر ونطفي ع القلقاس
نكون مجهزين حزمه سلق مع حزمه كسبره خضراء من غير السيقان
يعني هناخد الورق الاخضر فقط من السلق والكسبره ومغسولين ومتصفيين
طاسه ع النار بمعلقه ك سمنه او زبده علي معلقتين زيت
اول مايسخنوا كويس جدا ننزل بحوالي ١٠ فصوص ثوم ونحمره لحد ماريحته بس تطلع من غير مايغمق
ننزل عليه بالخضره ونفضل نقلب لحد مايتحمررا جدا للون الزيتي ونرفعهم من ع النار يبردوا ونفرمهم ف الكبه
نضيف الخليط دا ع القلقاس وممكن تقللوا او تزودوا حسب كميه القلقاس
ونقلبهم مع بعض ونغليهم ع النار غلوه واحده ونطفي عليهم
وبسسسسس كدا
نقدمه بحلاوه لونه وطعمه يجننننننن بجد
فوائد الفازلين للبشرة:
1. ترطيب عميق: بيحافظ على رطوبة الجلد وبيمنع الجفاف والتشققات.
