اختبار الملياردير… أربع نساء وكارت واحد كشف الحقيقة

الملياردير إدى ٤ ستات كروت بلاك عشان يختبرهم لكن اللي عملته الشغالة قلب كل حاجة!
في يوم من الأيام قرر ألكسندر بيرس واحد من أغنى رجال نيويورك إنه يتقاعد بعد عمر طويل في البزنس. كل الناس كانت متوقعة إنه هيختار وريث أو مدير جديد لشركته العقارية العملاقة لكن لا ألكسندر كان عنده فكرة تانية خالص. هو ما كانش بيدور على اللي يعرف يدير الشركة هو كان بيدور على مين يستحق ثقته بعد ما اتخدع كتير.
في القصر الكبير اللي بيطل على نهر هدسون جمع أربع ستات مهمين في حياته
كلارا مساعدته اللي وقفت معاه من أول يوم بتعرف أسراره كلها.
فانيسا خطيبته الصغيرة جميلة وطموحة بس حبها دايما كان عليه علامة استفهام.

مارغريت قريبته وشريكته في الشغل عقلها تجاري بس أنانيتها مش سهلة.
إلسا الشغالة البسيطة اللي بتخدمه من عشر سنين دايما ساكتة ووفية

محدش بيلاحظها.
ألكسندر بص لهم وقال بهدوء
على الكارت ده فيه عشرة مليون دولار. كل واحدة تصرف زي ما تحب. نلتقي بعد أسبوع.
الصدمة كانت باينة على وشوشهم.
فانيسا كانت مبسوطة جدا عينيها بتلمع كأنها كسبت الجائزة الكبرى.
كلارا متوترة بتحاول تفهم ده اختبار ولا جد
مارغريت بتفكر بخبث أكيد في حاجة ورا الكلام ده.
أما إلسا وقفت متوترة وقالت بس يا سيدي أنا شغالة ما ينفعش آخد كارت زيهم.
بص لها وقال بابتسامة غامضة خصوصا إنت يا إلسا عايز أشوف هتعملي إيه.
وخرجوا كلهم من القصر كل واحدة بفكر مختلف.
اليوم الأول

فانيسا بدأت تصرف بسرعة. راحت لأغلى مول في نيويورك اشترت مجوهرات شنط فساتين عربية جديدة وفضلت تنزل صورها على إنستغرام مع الك الحياة تستحق الترف. كانت متأكدة إنها لما ألكسندر يشوفها هيحبها أكتر.
مارغريت كانت أذكى شوية. راحت اشترت أسهم باسمها واستثمرت جزء وبدأت تخطط تسيطر على جزء من الشركة لو حصل له حاجة.
كلارا صرفت شوية بس بحذر. راحت لمؤسسة خيرية وسددت ديون ناس فقيرة وقالت في نفسها يمكن دي الطريقة اللي يختبر بيها قلبي.
أما إلسا فكانت مختلفة تماما.
هي ما صرفتش ولا دولار على نفسها. أول حاجة عملتها إنها رجعت الكارت للبنك وسألت كام فيه. لما تأكدت إن المبلغ حقيقي بدأت تستخدمه لمساعدة الناس اللي حوالين الحي الفقير اللي عايشة فيه.
دفعت إيجارات عائلات كانت هتطرد من بيوتها جابت علاج لطفل مريض واشترت بطاطين وأكل لناس بلا مأوى. وفي الآخر ما فضلتش لنفسها غير ٢٠ دولار بس تركب بيهم الباص وترجع القصر.
بعد أسبوع
رجعوا كلهم لقصر ألكسندر.
الجو كان متوتر جدا.

ألكسندر قاعد في مكتبه ووراهم طاولة عليها تقارير بكل حركة حصلت على الكروت.
بدأ بفانيسا.
قالها بابتسامة خفيفة استمتعتي بالرفاهية
ضحكت وقالت أكيد يا حبيبي كنت محتاجة شوية دلع قبل ما نبدأ حياة جديدة.
رد عليها بهدوء تمام لكن للأسف حياتنا الجديدة مش هتبدأ. الكارت كان اختبار وانتي فشلتي.
اتجمدت مكانها وقالت بعصبية إنت بتضحك عليا!
قال كنتي بتحبيني ولا كنت بتحبي الكارت

بعدها بص لمارغريت
استثمرتي صح بس كله لحسابك. حتى في الاختبار كنت بتفكري في السلطة مش في الناس.
ولما جه دور كلارا ابتسم وقال
عملك خير بس كنتي عايزة تثبتي إنك الأفضل قدامي نيتك كانت طيبة بس فيها ريحة مصلحة.
نزلت دمعة من عين كلارا رفعت راسها وقالت بصوت هادي يمكن كنت فعلا بدور على نظرتك يمكن كنت عايزة تحس إنك فخور بيا بس والله كنت صادقة في اللي عملته.
ابتسم وقال عارف يا كلارا وعشان كده مش بزعل منك بس كنت محتاج أشوف اللي بيعمل الخير لنفسه واللي بيعمله عشان غيره.
ثم بص