رعد

عند موج…
رجعت الفيلا وطلبت من عم منعم لبس زراعه وهو جابلها وراحت الجنينه…
ورغد نزلت لما شافتها من البلكونه وجابت معاها كاميرا…
موج لابسه سلوبت زراعه ولابسه كاب وعامله شعرها ديل حصان وبدأت تزرع في الارض الزرع الي جابته وخلصت بعد ساعه وهي مبسوطه اوي انها خلت الجنينه حلوة…
خلصت وبتلف رغد خبت الكاميرا الي كانت بتصورها بيها وشافت دادة انعام وهنادي ورغد قاعدين مبتسمين…
موج…ايه مالكم
انعام…خليتي الجنينة حلوة اوي
رغد بحب…ااننتي ششاططرهه يامموج
موج ابتسمت ليهم وراحت تبدل هدومها وخدت شاور…
رعد جه ودخل الجنينه شاف الزرع الي فيها استغرب دخل جوا وشاف موج نازلة قالتلوا…اول حاجه في نظامك غيرتها واني زرعت زرع في الجنينه
رعد راحلها…بتعانديني صح
موج…بالظبط
رعد سابها وطلع دخل غرفة اخته وهي ورتوا صور رغد وعجبتوا اوي وقالها تبعتهم لي…
بدل هدومه ونزل عشان يروح مشوار….
مشي وجت دارين…
موج فتحتلها…اهلا اهلا
دارين بضحك…انتي لسه عايشه يابيضه
موج بأستفزاز…ايوه ياحبيبتي انبسطي صح
دارين…اكيد اومال هحرق دم مين
موج…ادخلي ادخلي دا انتي ضيفه عندنا بردو
دارين بغيظ…انا صاحبة البيت دا ياحبيبتي
دادة انعام…ازاي بس يابنتي دا حتى الي قدامك دي مراته
دارين…بس هيطلقها ويتجوزني
موج قربت منها بأستفزاز…اشبعي بيه ياعمري ما انتي شمال وهو شمال زيك تليقوا على بعض تصدقي
دارين بغضب…احترمي نفسك انتي فااااهمه انا ستك هنا وانتي مجرد خدامه اهلها سابوها للأهانه تقدري تقوليلي اهلك فين
دادة انعام بغضب…دارين احترمي نفسككك
موج مسكتها من دراعها وقالت بوجع…انا برأيي انك تطلعي برا عشان بدأت اتخنق منك وست مين دا انتي رخ*يصه اطلعي برااا مش عاوزه اشوف وشك
دارين بصتلها وزقتها وقالت…انا هوريكي ياموج
دارين خرجت وموج جريت على اوضتها تعيط…
༺༺༺༺༻༻༻༻༻༻
عند وهيبه…
قاعده مع يمان شافت مدحت داخل البيت…
يمان…اهلا يابابا
وهيبه…ازيك يامدحت
مدحت بغضب…يمان اطلع شقتك
يمان…ففي ايه
مدحت…يلا يايماااان
وهيبه بهدوء…اطلع يابني
يمان بصلها وهي هزت راسها وهو طلع برا الشقة لقا صديقه بيكلموا وبيقولوا يجي يقعد معاه ف راحلوا…
مدحت بغضب…انتي الي جوزتيها لي صح انطقي روحتيلوا
وهيبه…ايوه روحتلوا
مدحت بغضب…انا مش قولت تقاطعي البني ادم دااا ها قولت ولا لا
وهيبه…ايوه قولت وانا الي جوزتوا لموج ها عاوز تقول ايه ما انت جبان اصلك جوزتهالوا عشان يحميها من ظلمككك
مدحت بغضب…انتي الي جنيتي على نفسككك
وهيبه بغضب… انت جباااان ولا تقدر تعملي حاجه
مدحت جري عليها ومسكها من رقبتها وفضل يخنق فيها وهي تعافر لحد ما قطعت النفس…
༺༺༺༺༺༺༻༻༻༻
في فيلا رعد…
رعد وصل الفيلا بغضب وقال…هنااااادي
هنادي جت بسرعه…نعم يارعد بيه
رعد بغضب…اطلعي نادي لموج
هنادي…حاضر يارعد بيه
طلعت بسرعه قابلت دادة انعام…يادادة رعد بيه جه متعصب وطلب موج
انعام…يارب استر
هنادر راحت لموج…موج رعد بيه عاوزك
موج…حاضر جايه
نزلت ورعد باصص ليها بغضب…
رعد…هنادي روحي انتي
هنادي برعب…بس يارععـ
رعد بصوت عالي ارعبهم…انا قولت روحيييي هتعاندي
هنادي خرجت بسرعه وموج بصاله بخوف…
رعد قرب منها جامد ونزل على خدها بقلم جامد…
استوووووووووووووووووووب…