مي عز الدين تكشف عن عيب في زوجها
إزاى مي عز الدين مأخدتش بالها من العيب ده في زوجها أحمد تيمور قبل الجواز!!
من وقت ما مي عز الدين وتيمور بقوا بيظهروا سوا، الجمهور دايمًا بياخد باله من حاجة واحدة.. تيمور غالبًا بيكون ماسك إيدها طول الوقت، سواء في لقاء أو مناسبة أو حتى وهما بيتكلموا قدام الناس، وده خلّى ناس كتير تشوف إن علاقتهم فيها قدر كبير من القرب والاحتواء.
لكن وسط كل الرومانسية دي، مي عز الدين كشفت عن أكتر حاجة بتعـ.ـصبها من جوزها، وقالت إنها بتحاول تتخطاها وتتقبلها من وقت ما اتجوزوا.. وهي إنه طول الوقت ماسك التليفون وبيتكلم عليه!
مي أشارت إن الموضوع بقى جزء من يومه بشكل مستمر، وده من أكتر الحاجات اللي بتضايقها، لكن تيمور رد عليها بكل تلقائية إن ده شغله وإنه مش بإيده، في موقف عفوي كشف جانب مختلف من حياتهم بعيد عن الصورة الرومانسية اللي الجمهور متعود يشوفها.
ومش بس كده.. مي عز الدين كمان بقت مهتمة جدًا بأكلها وطريقة حياتها بعد الجواز، وبتحافظ على نظام غذائي صحي، وبتعتمد بشكل أكبر على الأكل المشوي والسوتيه، لدرجة إنها قالت إنها ما بقتش تزهق من الأكل الصحي وبقى جزء أساسي من حياتها.
واللافت إن الجمهور بدأ يتابع تفاصيل حياة مي بعد الجواز باهتمام كبير، خصوصًا إنها في الفترة الأخيرة بقت تتكلم بشكل أكبر عن حياتها الشخصية وعلاقتها بزوجها.
