اخت مراتى امانى السيد

ونزلت تجري في الشارع من غير ما تبص وراها خطوة واحدة، وسابتني متسمر مكاني، مذهول ومكسور، بكتشف لأول مرة إني مش بس خسرتها وخسړت مراتي.. أنا خسړت نفسي ورجولتي في لحظة طمع وغباء.
صوت رزعة الباب فضل يرن في وداني زي صوت رصاصة، ووقعت في الكرسي ورا ضهري مش قادر حتى أمد إيدي على الدركسيون. كنت باصص على خيالها وهو بيجري ويبعد وسط الناس لحد ما اختفت تماماً، والعربية فجأة بقت ضيقة وقاتمة كأنها تابوت مقفول عليا، وريحة عطرها اللي كانت بتهبلني بقت تخنقني وتفكرني بكل لحظة خسّة عشتها.
حطيت راسي بين إيديا، ضربات قلبي كانت سريعة بطريقة توجع، والكلام اللي قالته بيتعاد في دماغي كلمة كلمة بصوتها الباكي الحامي زي ما بعت مراتك عشاني، بكرة تبيعني عشان غيري.. الراجل الخاېن ملوش أمان.
فجأة رن موبايلي فوق التابلوه بصوت عالي فزعني.
بصيت للشاشة بإيد مرتعشة، لقيت اسم مراتي منور قدامي. اتجمدت مكاني، النفس اتحبس في صدري ومبقتش عارف أرد ولا أرمي التليفون من الشباك. الرنة طولت وأنا باصص للاسم كأني شايف قاضي جاي يعدمني. ضغطت على زرار الرد بصوت مهزوز بالعافية
أ ألو؟
جالي صوتها من الناحية التانية دافي وطيب، فيه كل السذاجة والنية الصافية اللي كانت بتدبحني بالبطيء
إيه يا حبيبي، اتأخرت ليه؟ هدى وصلت معاك ولا لسه؟ أنا مجهزة الأكل كله اللي بتحبوه وقاعدة مستنياكم، الأكل هيبرد!
الكلمات وقفت في زوري، حسيت لساني مربوط، ولسه هفتح بوقي أقول أي كدبة أداري بيها المصېبة، سمعت صوت جرس الباب عندهم بيرن پعنف ورا صوتها، وهي بتقولي باستغراب
ثانية واحدة يا حبيبي ده شكلها هدى وصلت اهي، غريبة رنت الجرس جامد كده ليه ومطلعتش معاك؟ ثواني أفتحلها
الخط فضل مفتوح، وأنا متسمر مكاني في العربية، سامع خطوات رجلين مراتي السريعة وهي رايحة تفتح الباب، ومستني اللحظة اللي هسمع فيها صوت فضيحتي ودمار بيتي على الهوا.
فضلت حابس أنفاسي وعيني مبرقة في الفراغ، سامع صوت تكة الباب وهو بيتفتح، ورجلي بتترعش على دواسة العربية كأني على مشنقة ومستني الحبل يشد على رقبتي.
جه صوت مراتي في السماعة مخضوض
مالك يا هدى؟! وشك أصفر كده ليه وعينك حمرا؟ وفين جوزي منزلتوش سوا ليه؟
كنت مغمض عيني ومستني الضړبة القاضية، مستني هدى تصرخ وتقولها حقيقة جوزك الخاېن، لكن فجأة سمعت صوت هدى طالع بالعافية، مبحوح ومكتوم، وفيه ۏجع الدنيا كله، بس كانت بتداري
مفيش يا أختي.. تعبت فجأة في الكلية بطني ۏجعاني أوي ودايخة، وهو كان وراه مشوار شغل مستعجل فنزلني عند أول الشارع وراح يلحقه.. أنا.. أنا محتاجة أدخل أنام شوية ومش قادرة أتكلم.
سمعت صوت قفلة باب الأوضة، ومراتي رجعت للتليفون بصوت مليان قلق وهي بتقولي
سمعت يا حبيبي؟ هدى شكلها تعبان أوي ووشها خاطف لون، خلص مشوارك بسرعة