خمس رجاله في حياه الهام شاهين
أما الراجل التاني فـ اتجوزته عشان تخلص من زنه.. وكان ملياردير لبناني واسمه عزت قدورة. وفضل يلف وراها 3 سنين لدرجة إن الناس سموه “مجنون إلهام شاهين”.
وفي الآخر قالتله: موافقة بس بشرط.. العصمة تبقى في إيدي.
ووافق طبعا واداها 5 مليون جنيه مهر.. لكن هو كمان كان عنده شرط… إن الجواز يفضل في السر لمدة سنة لحد ما يجوز بنته.. عشان الشوشرة اللي هتحصل لو الجرايد ابتدت تكتب عن جوازه من إلهام.
وهي وافقت وقالتله: بس سنة ويوم هيبقى فيه كلام تاني.
وبعد كام شهر زهقت من غيرته الشديدة وحست إنهم مش هيعرفوا يكملوا مع بعض.. فلما حملت قررت تجهض للمرة التانية.
وشكها طلع في محله. وعدت سنة وبنته متجوزتش,, وبالتالي مرضيش يعلن جوازهم بشكل رسمي.
وهنا قررت تطلق نفسها منه بما إن العصمة في إيديها. وعادل قدورة كان هيموت فيها لإنه كان بيحبها بجنون.
وعشان كدا لما عرف إنها اتخطبت قرر ينتقم بأبشع طريقة. وأجر شاب لبناني وإداله 75 ألف دولار عشان يسافر مصر ويرمي على وشها ميه نار ويشوهها تماما فـ لا تبقى ليه ولا لغيره!
واللبناني جه وحاول 3 مرات يشوهها.. ولما فشل راح جاب شاب مصري ينفذ المهمة مقابل 10 آلاف جنيه.
والمصري الجدع بلغ الشرطة.. اللي قبضت على الولد اللبناني.
وأدام النيابة اعترف وقال:
“عادل باشا قدورة هو اللي طلب مني أعمل كدا وقالي: (عاوز أسمع صراخ إلهام شاهين وأنا في بيروت).. وعشان كدا جابلي ميه نار مركزة بتسيح الجلد وتدخل على العضم تدوبه!
والراجل التالت في حياتها هو رجل الأعمال المسيحي رامي لكح.. وعاشوا مع بعض قصة حب جامدة جدا. لدرجة إن رامي قرر يدخل الإسلام عشان يعرف يتجوزها بعد ما قالتله: “أنا مش هغير ديني”.
ومن حبها فيه رفضت وخافت عليه من اللي ممكن يحصله وسابته.
والموضوع فضل سر لحد ما اتكلمت عنه في التليفزيون.
و”رامي” لما خاف من رد فعل مراته عمل بيان تكذيب وقال: “أنا راجل مسيحي ومعندناش طلاق وبحب مراتي ومعرفش إلهام ولا بشوفها إلا في مناسبات عامة”..
ووقتها رامي لكح كان من أشهر الناس في مصر بعد ما خد مليارات من البنوك وهرب على برا.
واتقال إنه كتب أملاكه باسم “إلهام” وكان حاطط طيارته الخاصة تحت أمرها.
والمفاجأة إن إلهام شاهين كانت مخطوبة لـ وجدي العربي. اللي بقى إخوان حاليا.
وكانت لسه في البدايات وبتحبه موت. واشترط عليها متشتغلش في الفن تاني.
وبعد الخطوبة سافر اليونان يصور مسلسل.. ومن هناك كلمها فـ قالتله:
يا وجدي.. أنا بس جالي مسلسل ودور حلو أوي مع ممدوح عبدالعليم وإنعام محمد علي ومش ممكن أضيع الفرصة دي..
هعمل المسلسل ده وخلاص كدا”.
وجدي العربي قالها:
“آه.. يعني الشيطان لعب في دماغك وهتكملي في الفن”.
قالتله:
“هعمله وأتوب والله”.
ورد وهددها:
“شوفي يا إلهام هي كلمة واحدة.. يوم الجمعة الجاية لو جيتي عند أمي في البيت يبقى إنتي طلقتي الفن بالتلاتة واشتريتي وجدي العربي، ولو مجيتيش يبقى إنتي طلقتي وجدي العربي بالتلاتة واشتريتي الفن”.
وإلهام شاهين طلقته ومراحتش لأمه طبعا.
والخامس والأخير هو أول حب في حياتها. وكان جارهم وأد أبوها ويمكن أكبر منه. وبقت تبص عليه طول اليوم. وانتهت القصة على كدا.
