سر الوصية

تاخدوا منه حقه.
عادل سكت.
المحامي كمل عشان كده قال قدامكم الجملة دي كفاية عليك مراتك.
أنا وقتها مقدرتش أمسك دموعي.
افتكرت كل مرة سلايفي ضحكوا عليا، وكل مرة ابني رجعلي مكسور، وكل مرة راضي نام وهو مخڼوق ومش عايز يبين لي.
حمايا كان عارف.
كان عارف كل حاجة.
بس كان عامل نفسه ظالم.
المحامي قال وفي حاجة تانية.
الكل بص له.
قال والدكم طلب مني أقولها قدامكم بالحرف.
طلع ورقة صغيرة، وبدأ يقرا
لأولادي عادل وتامر وراضي…
وسكت لحظة، وبعدين كمل
أنا عارف إنكم هتزعلوا من اللي عملته، بس أنا مش قسمت رزقي عشان أفرق بينكم. أنا قسمت عشان أشوف معدن كل واحد فيكم.
عادل نزل عينه في الأرض.
تامر بدأ يتحرك في مكانهبتوتر.
المحامي كمل
العمارتين دول تعبت فيهم سنين. ولما كتبتهم باسم عادل وتامر، ماكنتش بديهم كنز، كنت بحط في رقبتهم مسؤولية. اللي يثبت إنه أمين على حق إخوته وعيالهم، يستحق يكمل.
وبعدين قال
أما راضي، فكان عندي اختبار تاني ليه.
راضي بص للمحامي.
كنت عايز أعرف ابني هيعمل إيه لما يحس إني ظلمته. هل هيطالبني؟ هل هيخاصمني؟ ولا هيفضل بار بيا؟
المحامي ابتسم وقال
وأنت نجحت.
راضي قعد على الكرسي، وحط إيده على وشه.
أول مرة أشوفه يعيط بالشكل ده.
قال بصوت مكسور ليه يا بابا؟ ليه عملت فيا كده؟
المحامي قال لأنه كان واثق إنك هتفهم بعد مۏته.
وبعدين طلع آخر ورقة.
ودي أهم حاجة.
قال إن حمايا كتب شرط لو حصل خلاف بينالإخوة، العمارتين يتوقف توزيع أرباحهم مؤقتًا، ويتولى إدارتهم شخص محايد، لحد ما الخلاف يتحل قانونيًا.
يعني لا عادل ولا تامر يقدر يبيع أو يرهن أو يتصرف لوحده.
ساعتها بدأت خناقة بينهم.
تامر قال أنا مش موافق!
عادل رد وأنا كمان!
المحامي قفل الملف وقال موافقتكم مش مطلوبة. العقود اتوثقت، والشرط قانوني.
وقبل ما يمشي، وقف عند الباب وقال
والدكم كان متوقع اللي بيحصل دلوقتي.
وبعدين بص لراضي
وقال لي لو راضي فضل زي ما هو، مايبصش لحد، ويعيش بالحلال، يبقى هو الوحيد اللي كسب.
خرج المحامي.
فضلنا كلنا ساكتين.
أنا بصيت لراضي وقلت أبوك كان بيحبك.
راضي مسح دموعه وقال أنا ظلمته في قلبي.
ومن اليوم ده، كل حاجة اتغيرت.
عادل وتامر، اللي كانوا
بيتخانقوا مين ياخد