قصص قصيرة

ټوفيت ابنتي وهي في الثامنة عشرة من عمرها أثناء ولادتها

متوقع إني أفهم الفرق.
سعاد، الممرضة اللي كانت واقفة جنبنا، اتكلمت فجأة
سيبها يا فؤاد بيه كفاية اللي حصل من عشر سنين.
لف ناحيتها پعنف.
إنتِ بالذات تخرسي! أنا كان لازم أعرف إنك هتخونيني في يوم!
ردت وهي بتترعش
أنا مخنتش حد أنا نفذت وصية واحدة ماټت مظلومة.
فؤاد قرب منها وقال بصوت واطي، لكنه كان مسموع
خلي بالك من نفسك يا سعاد إنتِ عارفة كويس أنا أقدر أعمل إيه.
وقتها مسكت تليفوني وقلت
أي ټهديد تاني هبلغ عنه الشرطة، والظرف ده مش هيتسلم لحد غير النيابة لو لزم الأمر.
بصلي شوية، وبعدين ابتسم ابتسامة غريبة.
واضح إنك عنيدة زي بنتك بالظبط.
الجملة وجعتني.
متجيبش سيرة بنتي على لسانك!
اتحرك ناحية عربيته، وقبل ما يركب وقف وقال
عندك تلات أيام يا مدام نوال. بعدها هنتقابل في المحكمة، وساعتها هتعرفي إن العاطفة لوحدها مبتكسبش قضايا.
ركب العربية ومشي.
لكن قبل ما العربية تختفي، يوسف سألني سؤال عمري ما كنت مستعدة أسمعه
تيتة هو الراجل ده جدّي بجد؟
رجعنا البيت وأنا حاسة إني شايلة جبل على صدري.
يوسف طول الطريق كان ساكت.
حتى الرسمة اللي كان فرحان بيها، فضل ماسكها من غير ما يتكلم.
أول ما دخلنا الشقة، قعد على الكنبة وبصلي.
تيتة، أنا عايز أسألك حاجة، بس متزعليش مني.
قعدت جنبه.
اسأل يا حبيبي.
هو أنا ليا بابا بجد؟
حسيت بغصة في زوري.
طبعًا يا يوسف كل طفل ليه أب وأم.
طب هو فين؟ وليه عمره ما جه يشوفني؟
مقدرتش أرد.
لأني أنا نفسي مكنتش عارفة.
يوسف كمل بصوت مكسور
هو مش بيحبني؟
حضنته بسرعة.
متقولش كده يا حبيبي. إنت أغلى حاجة في الدنيا، واللي ميعرفكش هو اللي خسران.
بصلي بعينيه الواسعتين.
طب لو بابا جه، هياخدني منك؟
مسكت إيده وحطيتها على قلبي.
أنا هعمل كل اللي أقدر عليه علشان أفضل جنبك، ومش هسمح لحد ېخوفك.
هز راسه، وبعدين قال
أنا مش عايز فلوس ولا قصر كبير أنا عايز أفضل معاكي.
الكلمة دي كانت كفاية تخليني أقرر إني مش هسكت، مهما كان اللي مستنيني.
بعد ما يوسف نام، قعدت على ترابيزة السفرة وفتحت الظرف القديم.
كان جواه جواب مريم، وصورة جوازها، ونسخة من عقد الزواج.
مسكت الجواب، وفردته بحرص.
خط بنتي كان لسه زي ما فاكره.
الحروف الصغيرة المايلة ناحية اليمين، والنقط اللي كانت ساعات بتحطها قلوب صغيرة.
بدأت أقرأ.
ماما حبيبتي
أنا عارفة إنك لما تقري الكلام ده هتكوني زعلانة مني، ويمكن مش قادرة تسامحيني إني خبيت عليكي أكبر حاجة في حياتي.
بس والله يا ماما أنا مكنتش عايزة أوجع قلبك.
أنا اتجوزت آدم الشناوي.
اتجوزناه رسمي، وعلى سنة الله ورسوله، وكان فيه شهود ومأذون وعقد موثق.
آدم مكنش بيضحك عليا، ولا كان ناوي يسيبني.
بالعكس، هو كان بيحبني، وأنا كنت بحبه.
اتعرفنا لما كنت بروح مكتبة كبيرة أذاكر فيها، وكان هو بييجي هناك علشان يقعد بعيد عن دوشة الشغل.
في الأول مكنتش أعرف هو مين.
كان بالنسبالي شاب محترم، بيساعدني ألاقي الكتب اللي محتاجاها، وبيشجعني أكمل حلمي وأدخل طب.
وبعد شهور، طلب يتجوزني.
كنت خاېفة أقولك، مش علشان إنتِ هترفضي، لكن علشان أهله كانوا رافضين الجواز من أساسه.
أبوه كان عايزه يتجوز بنت شريكه في الشركة.
ولما عرف إنه بيحبني، قاله بالحرف
إما البنت دي وإما اسم الشناوي وفلوسه وشغلك وكل حاجة تخصك.
آدم اختارني.
واتجوزنا في شقة صغيرة، وكان ناوي ييجي يقولك كل حاجة بعد ما يخلص مشاكله مع أهله.
لكن اللي حصل بعد كده قلب حياتنا كلها.
وقفت عن القراءة.
قلبي كان بيدق بسرعة.
بنتي كانت متجوزة!
وكان جوزها بيحبها!
طب ليه سابها؟!
وليه مظهرش طول السنين دي؟!
كملت.
بعد الجواز بشهرين، آدم سافر إسكندرية علشان يخلص شغل مهم.
كلمني قبل ما يتحرك، وقاللي إنه راجع تاني يوم، وإنه خلاص قرر يعلن جوازنا قدام الدنيا كلها.
لكن تاني يوم، تليفونه اتقفل.
فضلت أتصل بيه بالساعات.
محدش رد.
وبعد يومين، جالي راجل من طرف أبوه.
قاللي إن آدم عمل حاډثة كبيرة، وإنه في المستشفى بين الحياة والمۏت.
روحت معاهم، لكن محدش سمحلي أشوفه.
وبعدها فؤاد الشناوي قابلني وقاللي إن آدم فقد الذاكرة، وإنه مش فاكرني، وإن وجودي جنبه ممكن يضره.
مكنتش مصدقة.
طلبت أشوفه.
رفض.
وبعدين وراني صور ليه وهو راقد على سرير مستشفى، وحواليه أجهزة.
وقاللي
انسي ابني الجوازة دي هتتفسخ، وإنتِ هتاخدي فلوس تعوضك.
رفضت.
وقلتله إني حامل.
ساعتها وشه اتغير.
ومسك دراعي وقاللي
الولد ده لو جه الدنيا، يبقى من حقي أعرف مكانه.
ومن يومها، بدأت أخاف.
مش على نفسي على ابني.
نزلت الورقة من إيدي.
افتكرت مريم وهي واقفة ورا الشباك، بتبص للعربية السودة.
افتكرت رجفة إيديها.
وافتكرت الليلة اللي قالتلي فيها
أوعي تسلمي ابني لحد مهما عرض عليكي فلوس.
حطيت إيدي على بقي علشان أمنع شهقتي.
بنتي كانت بتواجه كل ده لوحدها!
وأنا كنت فاكرة إنها مجرد بنت صغيرة خاېفة من ڤضيحة!
كملت آخر جزء من الجواب.
ماما
أنا مش عارفة آدم عايش ولا ماټ.
ومش عارفة أبوه بيقول الحقيقة ولا بيكدب.
لكن فيه حاجة واحدة متأكدة منها.
آدم عمره ما كان هيسيبني بإرادته.
لو أنا جرالي حاجة، خلي بالك من يوسف.
ومتصدقيش أي حد يقولك إن آدم اتخلى عننا.
ولو في يوم ظهر، اسأليه عن اللي حصل ليلة الحاډثة.
لأن فيه ست واحدة تعرف الحقيقة.
اسمها سعاد.
كانت ممرضة في المستشفى اللي آدم اتحجز فيها.
وهي اللي ساعدتني أوصل له مرة واحدة.
بس لما دخلت أوضته، لقيت حاجة غريبة
لقيته نايم، وفي إيده دبلة جوازنا.
وكان فيه ملف طبي على الترابيزة، مكتوب عليه اسمه.
قبل ما أقدر أفتحه، دخل أبوه وطردني.
ماما أنا خاېفة.
بس مش هسيب حق ابني.
بحبك أوي.
سامحيني.
بنتك مريم.
خلصت الجواب وأنا مش شايفة قدامي من الدموع.
فضلت أبص لاسمها في آخر الورقة.
بنتي كانت بتحارب علشان جوزها وابنها، وأنا كنت فاكرة إنها بتخبي عني غلطتها.
يا ۏجع قلبي عليكي يا مريم!
تاني يوم الصبح، اتصلت بسعاد.
ردت من أول رنة.
ألو يا مدام نوال.
قلت من غير مقدمات
أنا قريت الجواب وعايزة أعرف كل حاجة.
سكتت شوية.
لازم نتقابل.
فين؟
في مكان بعيد عن بيتك. الموضوع أخطر مما تتخيلي.
اتفقنا نتقابل في كافيه هادي.
سيبت يوسف عند جارتي أم أحمد، الست الوحيدة اللي كنت بثق فيها، وروحت.
لقيت سعاد مستنياني.
كانت ماسكة شنطتها بإيديها الاتنين، وبتبص ناحية الباب كل شوية.
أول ما قعدت سألتها
آدم الشناوي عايش؟
بصتلي.
أيوه.
حسيت إن قلبي وقع.
عايش؟! طب فين؟!
قالت
في القاهرة وبيشتغل دلوقتي في مجموعة شركات الشناوي.
اټصدمت.
يعني راجل أعمال مشهور، وبيظهر في التلفزيون، وعنده ابن عمره عشر سنين مش بيسأل عليه؟!
سعاد هزت راسها.
لأنه ميعرفش إن عنده ابن.
إزاي؟! بنتي قالت إنه كان متجوزها!
أيوه بس آدم بعد الحاډثة فقد جزء من ذاكرته.
سألتها
يعني نسي مراته؟
نسي فترة معينة من حياته، ومن ضمنها الفترة اللي اتعرف فيها على مريم واتجوزها.
فضلت ساكتة.
سعاد كملت
أنا كنت ممرضة في المستشفى الخاصة اللي اتحجز فيها آدم بعد الحاډثة. الحاډثة كانت خطېرة، وكان عنده إصابة في الرأس، واحتاج علاج وتأهيل فترة طويلة.
وأبوه؟
أبوه استغل حالته.
إزاي؟
سعاد قربت مني وقالت
لما آدم بدأ يفوق ويسأل عن حياته، أبوه قاله إنه كان خاطب بنت اسمها داليا، وإنهم كانوا بيجهزوا للجواز.
شهقت.
يعني حاول يجوز ابنه واحدة تانية وهو متجوز بنتي؟!
أيوه.
ونجح؟
سعاد هزت راسها.
لأ آدم رفض الجواز من غير ما يعرف السبب. كان بيقول إنه حاسس

الصفحة السابقة 1 2 3 4 5 6 7الصفحة التالية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى