حكاية مدام مي وجوز الشغاله
حكايه مي وجوز الشغاله
اول مره شوفته مصدقتش ان ده جوزها الي دايما بتحكي لي عنه
انا اسمي مي عمري ٣٣سنه فتحت عيني علي الدنيا لقيت نفسي عايشه مع بابا بعد مطلق ماما وانا عمري سنه وماما سابتني معاه ومن وقتها وهي كل شويه تتجوز واحد تقعد معاه كام شهر او كام سنه وتطلق.. يعني من وقت متطلقت من بابا لحد دلوقتي اتجوزت ١١مره ..
اما سبب طلاقها من بابا هو ان بابا معتم بشغله اكتر من اي حد او اي حاجه تانيه في حياته .. بابا رجل اعمال كبير وغني جدا بس ماما طبعا معجبهاش انه طول الوقت سايبها لوحدها ومهتم بشغله
وعلي عكس ماما .. بابا متجوزش بعد مطلق ماما وعيشنا انا وهو لوحدنا في فيلا طويله عريضه .. وطبعا انا بنته الوحيده الي كل طلباتها مجابه ومدلعه.. وقبل مطلب الحاجه بتكون عندي . والفيلا مليانه شغالات وشغالين مهمتهم طول الوقت تنفيذ اوامري
علاقتي ب ماما كويسه جدا .. بابا راجل عاقل محاولش يمنعني عنها او يشوه صورتها عندي او يفسد علاقتي بيها.. بشوفها باستمراربنتقابل في النادي او عندها في البيت واوقات بنسافر انا وهي نتفسح بره مصر لو عندها وقت فاضي بين جوازه والتانيه
طول عمري بعمل الي انا عيزاه ومحدش بيعترض
……………………….
اما عن حالتي الاجتماعيه انا مطلقه تلات مرات .. ايوه.. اتجوزت تلات مرات واطلقت تلات مرات.. وفي كل جوازه انا الي كنت باخد قرار الجواز وانا كمان الي باخد قرار الطلاق.. يعني انا الي بطلب الطلاق في كل مره…. بابا مكانش بيعترض علي قرار جوازي او علي قرار طلاقي .. هو اهم حاجه عنده يشوفني سعيده ومبسوطه وراضيه
خلوني احكي لكم عن ازواجي التلاته
اول واحد كان ابن صاحب بابا وكان من سني وكان بينا قصه حب قبل الجواز لكن بعد متجوزته لقيت شخصيته ضعيفه مع باباه وهو الي بيمشي له حياته وبياخد له كل القرارات يعني بعد فتره حسيت اني متجوزه باباه مش متجوزاه هو.. بصراحه لقيت حياتي ممله وملهاش طعم وحسيت اني مش عايزه اكمل في الوضع ده فطلبت الطلاق واطقلت .. لكن بابا وحمايافضلو صحاب زي الاول محدش منهم خسر التاني بسبب الطلاق
تاني واحد كان زميلي في الجامعه ولما عرف اني اطلقت اتقدم لي واتجوزنا بس اكتشفت انه تافه ودماغه فاضيه وبصراحه زهقت منه واطلقت بعد وقت قصير وبقيت مطلقه للمره التانيه
تالت واحد اتجوزته قعدت معاه كام شهر وكان لازم اطلق منه مكانش ينفع اكمل معاه لانه طلع
وبقيت مطلقه للمره التالته وانا عمري
٣٣سنه.. ومخلفتش من اي واحد من الي اتجوزتهم .. بصراحه انا الي كنت رافضه موضوع الخلفه ده تماما لاني مش بحب الاطفال ولا فيا دماغ للمسوءليه ولا بتحمل الزن والعياط والطلبات بتاعتهم
…………………………..
عندي شغاله من الشغالات اصغر مني بكام سنه وبحب اتكلم معاها وهي مقربه مني ولسه متجوزه جديد.. كانت بتقعد عندي في الفيلا ٦ايام وفي اليوم السابع بتاخد اجازه تروح بيتها وترجع تاني يوم.. فعرضت عليها انه يجي يشتغل عندنا في الفيلا واديهم اوضه يباتو فيها ويبقو مع بعض طول الوقت ويبقو ياخدو يوم اجازه كلاسبوع يقضوه في بيتهم .. طبعا هي فرحت وكلمته يجي يقابلني فورا
واول مشوفته مصدقتش ان ده جوزها .. شاب زي القمر طول بعرض جسم رياضي ووسيم.. وتقريبا من سني او اصغر حاجه بسيطه.. ولاحظت انهم بيحبو بعض ومتفاهمين جدا.. كان بقي لهم سنه ونص متجوزين ولسه معندهمش ولاد
……………………….
وبدا شغل في الفيلا..هو كان شاطر ومهذب ومطيع وبيعمل كل الي يقدر عليه علشان يرضيني
وفي يوم لقيته بيقرا في كتاب
سالته بتقرا ايه
قالي دا كتاب عن قصص وعبر بحبه جدا
اممم حلو ..انت واضح انك مثقف
على قدي يا هانم
طب ما تقولي قصه منهم
حاضر بس كدا من عنيا
قلب في الكتاب وقالي
القصه دي بحبها اوي
طب يلا احكي
اسمعي يا ستي
توفت والدته قبل زفافه بشهرين بسبب مرضها
فأجل موعد زفافه سنة كاملة
وبعد ان تزوج
ترك والده وحيدا في المنزل لأنه لم يكن لديه ابناء سواه
عاش مع زوجته في حياته الجديده اكثر من خمس سنوات
وكان يزور والدهكل فترة واحيانا تاتي زوجته
