زوجي وزوجة اخي
قلت يمكن علشان قفشته قبل كدة اكتر من مرة بيكلم بنات
واستنيت تاني يوم وقلتله هات تليفونك ارن على ماما علشان مش معايا رصيد
فتح لي التليفون خدته وعملت اني بكلم والدتي ودخلت المطبخ علشان الاكل على الڼار طلبت رقمها ولاقيته مسجله باسم ابراهيم شركة
وفتحت رسالتين بسرعة كدة بينه وبين رقمها بتقوله محمود جوزها عنده مأمورية بكرة واحدة تانية بتقوله وحشتني !!!!!!!!!!!!!!!
من سكات مسحت الرنة اللي رنيتها عليها ورنيت على والدتي قولتلها عاملة ايه
قالتلي مال صوتك
قولتلها ماليش بس داخل عليا دور برد المهم انتي كويسة
قالتلي الحمد لله
قفلت مع والدتي ورجعت له التليفون
وبعد ماخرج رنيت على اخويا وانا مڼهاااره وبعيط قولتله كل حاجة
طبعا ماكانش مصدق في الاول بس
قالي اوعي تبيني لجوزك انك عرفتي اي حاجة !
وانا هتصرف قولتله هتعمل ايه
قالي هفهمك بعدين
وبالرغم من ان اخويا قالي مابينش لجوزي اي حاجة بس ما قدرتش وكنت بحاول اتجنبه على غير عوايدي بس هو حتى من كتر ما كان دماغه مشغول بيها ما اخدش باله !
وبعد يومين لاقيت اخويا بيتصل عليا
قالي انا قلت لمراتي اني عندي مأمورية بعد بكرة وهبات بره وقالي كمان أن بكرة اخواتي هيتجمعوا عند أهلي ولازم أروح وكمان أخد جوزي معايا
قولتله بلاش مش هتقدر تتحكم في أعصابك
لو حصل أي تجاوز قدامك بعد ما عرفت اللي بيحصل من وراك.
قالي أنا عاوز أشوف كل حاجة علي الطبيعة
المهم أنك ما تبينيش أي حاجة لجوزك.
قولتله ماتقلقش بس عرفني أنت ناوي تعمل ايه
قالي ماتشغليش بالك أنت سيبيها علي ربنا.
قولتله ونعم بالله وقفلنا.
قبل ما جوزي ييجي بالليل كنت نيمت البنات وجهزت العشا
زي كل ليلة لما جه واحنا بنتعشي
قولتله ان شاء الله بكرة هروح عندنا أقضي اليوم مع اخواتي
هتيجي معايا أنا والبنات ولا هتعمل ايه.
رد عليا والفرحه هتنط من عينيه
