لاجلها بقلم بنت الجنوب امل نصر

أمك يا بت تسمعي كلام الواطي… وتقاطعي خالتك بالسنين كده من غير سبب يا بت
كانت المرأة تردد وقبضتها على ظهر مزيونة تلكزها لكزات خفيفة نابعة من عتابها وۏجعها على ما فات من سنوات الفرقة بينهما بلا مبرر. أما الأخرى فكانت مقدرة تتقبل منها بصدر رحب.
نزعت نفسها من حضڼ خالتها الحنون لتقابل عينيها بعيني المرأة ووجهها الذي أغرقته الدموع تخاطبها بحزن شق قلب من كان واقفا يتابع من خلفهما بصمت
والله لو عليا ما كنت جاطعتك يوم واحد. بس أنا كنت تحت حكم القوي اللي كان مانعني من الهوا حتى ما أتنفسه. يأمر ويتأمر على كيفه وأنا ما ليش غير الطاعة عشان أربي بتي اللي طلعت بيها من الدنيا يا خالتي.
الله يجازيه بعمله الله يجازيه… بس إحنا ما حدش فينا عرف إمتى اتطلقتي ولا إمتى اتجوزتي ال…
وتوقفت المرأة توجه أبصارها نحو حمزة ثم أردفت بامتنان
بس شكلك المرة دي نجيتي صح يا بت هو ده… هو ده اللي يليق لك يا مزيونة.
تبسمت لإطرائها تتابع اقتراب زوجها من المرأة كي يتحدث معها بلباقته المعهودة
والله إنت اللي زينة وكلامك حلو يا خالتي. يا ريتني عرفتك من زمان. سبحان الله هو النصيب اللي جابني لمزيونة عشان أتعرف بيكي يا بنت الأصول.
انشرحت أسارير المرأة حتى احتلت محياها ابتسامة ما أروعها. راحت تقارن برأسها الفرق الشاسع بين ذاك القديم المتجهم الجاهل وهذا الوسيم اللبق الذي يليق بابنة أختها الجميلة الرقيقة الوردة التي اقتطفت قبل أوانها حتى ذبلت وكادت تنتهي لولا عناية الله الذي قدر لها الحياة لتربي ابنتها ثم يأتيها العوض الجميل في الأخير.
وبرد فعل عفوي منها فتحت له ذراعيها تدعوه
طب تعالى… تعالى اما أبوسك في خدك. إنت زيك زي ولدي كده. ولا هتستكبر وتقول دي مرة كبيرة وعتخرف
ضحك بصخب أثار دهشة زوجته فاقترب بجرأة نحو المرأة يميل برأسه حتى يمكنها من وضع قبلة على وجنته مرددا
والله وإنت زيك زي أمي فعلا.
فضحكت المرأة هي الأخرى بصخب توجه الحديث لابنة شقيقتها
والله وطمنتي قلبي عليكي يا بنت أختي. خلاص… بعد ما شوفت
عوض ربنا ليكي إن شاء الله يتممها كمان بالذرية الصالحة.
تجمدت مزيونة عند الأخيرة تطالع فرحة زوجها وتضرعه رافعا يده إلى السماء
إن شاء الله يا حجة مرزوقة ادعيلنا من قلبك يقرب البعيد. ده أنا ھموت عليها دي والله.
يا حبيبي بعد الشړ عليك. ما انتو لسه صغيرين والعمر قدامكم تخلفوا بالدستة كمان.
ووه دستة مرة واحدة! طب قولي تلاتة ولا أربعة. والله ساعتها نبوس إيدينا وش وضهر وربنا يعينا على تربيتهم. لا هي بالكترة أياك!
أردف الكلمات بعفويته فلم ينتبه إلى زوجته إلا مؤخرا وقد اعتلت تعابيرها غلالة حزن تكتمه داخلها. فرغم الشوط الكبير الذي قطعه معها طوال الأيام ليستعيد ثقتها بنفسها إلا أن هناك عقدا متجذرة لا يظن حلها إلا بصعوبة شديدة…
وفجأة دوى صوت فتح الباب ثم دخول أحدهم إلى الشقة فكان ذلك المصاپ برأسه التي ما زالت ملتفة بالرباطات الطبية حسان.
والذي وما إن شرعت والدته في مخاطبته للترحيب بالزائرين حتى فاجأها مناديا باسم ابنة خالته فور أن التقطتها أبصاره
إيه ده! مزيونة وعندنا في بيتنا كمان
صاح به حمزة من البداية ينبهه حتى لا يكررها فيضطر لضربه ويضع نفسه ويضعه في موقف لا يحسدان عليه
وجوزها معاها! وزع بصرك كويس. إحنا جايين ضيوف للحجة النهارده
في بيتها يا مستر حسان.
سمع منه الآخر ليرمقه بامتعاض وقد تذكر ضړبة الرأس التي ما زالت تؤلمه حتى الآن فرد بحنق
يا أهلا بيكم… أنا ما كنتش واخد بالي صراحة. أصلي افتكرت إن بنت خالتي جاية عندنا لوحدها.
توجه في الأخيرة نحو مزيونة فجعل الډماء تسري في عروق الآخر يضغط على قبضته بصعوبة حتى لا يضربه مرة أخرى. لكنه كان يعلم أنه عليه أن ينسحب بها من هذا المنزل الآن على الفور. فإن تأخر دقيقتين لا يضمن نفسه أمام هذا الاستفزاز المتعمد…
نستأذنك بقى يا حجة… عشان نمشي. أصل ورانا سفر ويدوب نلحق طريقنا.
……………………
داخل منزل حماد القناوي
اجتمع جميع أفراد الأسرة على طاولة الطعام لتناول وجبة الغداء تترأسهم حسنية التي وزعت اهتمامها كعادتها على باقي الأفراد بالإضافة إلى مشاركتها في الأحاديث الدائرة بين معاذ وشقيقه خليفة في هذا الوقت
عيال اعمامك من امبارح مصدعيني لحد دلوك محدش فيهم مصدق اللي عملتوا في عيلة الواد الواطي اللي اسمه محمود في القعدة امبارح… إيه الإبداع ده يا باشا! ده إنت غسلتهم غسل…
يا عم مش للدرجة دي.
مش للدرجة دي كيف بس يا خليفة إنت خليت الرجالة يكلموا نفسهم بعد ما سودت وشوشهم قدام كبارات البلد وبعدها ڠصب عنهم قبلوا بالتعويض اللي إنت فرضته عليهم!
تدخلت حسنية
يستاهلوا… عشان رجالة على قلة رجالة رجالة بالأسم بس. عايزين يتشطروا على البت الغلبانة وأخواتها وياكلوا حقهم وكمان يصالحوهم على قليل الأصل! ده بدل ما يقدروا إنهم ولايا ومالهمش سند. يعني الأولى إنهم يجيبوا لهم حقهم وينصروهم على الغلطان.
الكلام ده للي يفهم بس ياما. الدنيا دلوك ماشية بالعكس معاك عيلة وفلوس يبقى اعمل ما بدالك… مدام هتلاقي اللي يلم وراك.
عقب خليفة على قول والدته فأضافت بحنكتها
لكن طول ما فيها اللي زيك وزي إخواتك يبقى ما تشيلش هم… الدنيا بخير.
قابل خليفة إطراءها بامتنان شديد يطبع قبلة على كفها المجعد
عشان تربية رجالة… وأم كمان بمية راجل يا ست الكل.
تبسمت له برضا تام ثم سرعان ما تذكرت ما تود الحديث عنه
صحيح يا ولدي بقالي كام يوم عايزة أسألك وملاقياش فرصة… مش ناوي
بقى ترد بت عمك أنا شايفة إنها طولت في بيت أبوها رغم إن الغلط راكبها من ساسها لراسها.
تبدل مزاجه فجأة حتى ترك اللقمة التي كاد ان يضعها في فمه ورد باهتمام
حد منهم فتح معاكي السيرة صح
لم تنكر حسنية وهي توجه أبصارها نحو معاذ وزوجته اللذين التزما الصمت وكأن الأمر لا يعنيهما تبتغي منهما المساعدة والدعم في إقناعه
مش عيب يا ولدي لما حد يكلمني الناس باصة على العمار.
عمار مع هالة يا أمه!
هتف بها يزيح الكرسي الذي كان جالسا عليه إلى الخلف پعنف ليندفع واقفا متابعا بثورة
كان من الواجب تفكر هي الأول في ده. مش أنا اللي أفضل طول الوقت عاصر على نفسي لمونة ومتحمل لاجل العيال وهي ولا على بالها! تغلط وأنا أمسح وأعدي! ليه مش أنا بني آدم هييجي عليا وقت وأنفجر! كتر التساهل معاها خلاها تزيد… لحد ما بجتش شايفاني راجل أصلا جدامها!
وتحرك تاركا المنزل بأكمله لتنظر في أثره حسنية بذهول عاصف حتى التفتت نحو ابنها الأصغر وزوجته الصامتة منذ بداية الحديث عن رجوع هالة
هو ماله خليفة دي أول مرة يقلب القلبة السودة دي! ولدي ما كانش كده واصل!
عقب معاذ بلهجة حادة لأول مرة تسمعها
أديك قلتيها بنفسك… إن ولدك ما كانش كده. ده لو جبل ما كانش اتحمل عمايلها. الله يجازيها بقي… هي السبب.
قال الأخيرة وقد الټفت نحو زوجته التي بدا عليها التأييد الكامل لما تفوه به وكأن بينهما حديثا مفهوما لا تعرفه حسنية.
………………..
في منزل عائلة هالة
كانت هالة قد اتخذت الطابق الثاني مسكنا لها بأمر من والدها الذي زهد منها ومل ولم يعد له طاقة على الجدال معها أو حتى رؤيتها وهي ټحرق دمه كل مرة يتحدث إليها. فمهما حاول أن يذكرها أو ينصحها لتتعظ مما حدث يجدها تدافع عن نفسها وكأنها المظلومة التي يتجنى عليها الجميع ولا أحد يشعر بها.
في هذا الوقت كانت تتحدث مع إحدى نساء البلدة عبر الهاتف ويدها الأخرى تمشط شعر ابنتها الصغيرة التي كانت محجوزة بين قدميها
اتعدلي يا بت بدل ما أعدلك! خليني أسرحلك شعرك الزفت ده. والله لو ما اتعدلتي لأطلع غلبي كله فيكي!
صړختها القوية أزعجت محادثتها عبر الهاتف حتى عبرت لها المرأة لتصيح هالة بها هي الأخرى
يا ستي وإنت مالك أصرخ ولا ألم الدنيا كلها عليا حتى كملي… قوليلي حصل إيه تاني في الجلسة الزفت دي اللي بتحكي عنها … إيه! وكمان حكموا بتعويض 250 ألف جنيه يعني ربع مليون! بقى عرف يمشي كلامه على الرجالة ويجبرهم يدفعوا لها! ليه هو كاسر دراع البرنسيسة! … خلاص يا أم حميد فهمت فهمت… اقفلي السكة الله يرضى عنك أنا على آخري.
وما إن أنهت المكالمة حتى ألقت بالهاتف على الفراش ثم رفعت ابنتها من على حجرها تنهض عن التخت الذي كانت جالسة متربعة عليه. أخذت تهتز حول نفسها بحركة عصبية وكأنها تبحث عن شيء تطوله كي تفرغ فيه ڠضبها وهي تغمغم بغيظ
وه يا خليفة! كل ده يطلع منك بتجمع كبارات البلد وتعمل جلسة عرفية تعادي بيها عيلة بحالها لاجل عيون الست اعتماد! أمال لو ناعمة أو فيها ريحة الأنوثة زي باقي الحريم… كنت عملت إيه!
ماشي يا خليفة… إنت والست اعتماد… شكلي كنت غفلانة عنكم لكن أنا دلوك صحيت وفتحت عيوني كويس!
شعري يا ماما مش هتلفيلي التوكة الأخيرة
جاء صوت صغيرتها لينتشلها من غمرة أفكارها السوداء فرمتها
بنظرة ملتهبة بشرار عينيها تفزعها بصيحتها
ماشي يا ختي ماشي يا محروسة! ما أنا جاعدة لكم خدامة! وأبوكم الباشا قاعد يتسرمح مع الحريم! يعني أحوش عنه روان عشان تطلعلي المقندلة دي والله عال… فاضياله أنا… فاضياله!
…………
داخل منزل اعتماد
كانت اعتماد في هذا الوقت ترتدي إحدى الكنزات بمساعدة شقيقتها الصغرى رغد بعد أن تحممت بحرص حتى لا ټؤذي ذراعها الذي ما زال لم يشف بعد من الكسور التي ألمت به.
بس يا ست رغد كفاية خلاص لحد كده تعبتك من الصبح معايا.
ردت عليها رغد وهي تحاول في الكم الأخير
تتعبك راحة يا أحلى اعتماد في الدنيا. هو أنا أطول أساعد الباشا وهو بيلبس هدومه دي حتى من أسهل المهمات… يا ريت كل التعب زي كده.
فعقبت إعتماد علي قولها مبتسمة
بقيتي بلوة مسيحة يا ست رغد وأنا اللي كنت فاكراكي قطة مغمضة.
ما هي القطة كممان بتفتح يااا أختي… ولا إيه يا أبيض… يا حلو إنت.
قالت الأخيرة بمغزى واضح عن الفرق الشاسع بين وجه اعتماد الخمري المائل للسمار نتيجة التعرض المباشر للشمس وقلة الإهتمام وبين ما ظهر من الجزء الأعلى في جسد شقيقتها حيث برزت بشرتها البيضاء في ذراعيها وكتفيها حتى جعلت اعتماد ټنفجر ضاحكة من قلبها وترد على جرأتها فتتبادلان المزاح والمرح… إلى أن توقف كل ذلك مع دخول شقيقتهن الثالثة روضة بوجه عابس غاضب والسبب طبعا معروف.
ممالك يا روضة داخلة علينا زي اللي اددلق منها طبيخها…
وجهت رغد السؤال بطريقتها المتلعثمة فجاء رد الأخرى بجفاء وكأنها تبحث عمن تصب ڠضبها به
نعم يا ست رغد