جدك مكنش الراجل اللي انتي فكراه.

أنام.
وبعدين بدأت الكوارث.. الفواتير بتنزل ترف كهرباء مية ضرايب عقارية.. كل حاجة.
مكنتش عارفة أعمل إيه. جدي ساب لي البيت بس هصرف عليه منين كان لازم أشتغل فورا أو يمكن أبيع البيت عشان أقدر أعيش كام شهر لحد ما أشوف لي صرفة.
وبعد أسبوعين من الچنازة موبايلي رن. رقم غريب.
رديت.. صوت ست وقور وجاد آنسة ليلى أنا مدام رينولدز من البنك بتصل بخصوص جدك الله يرحمه.
البنك.. الكلمة اللي كنت بكرهها كلمة منقدرش على المصاريف رجعت ترن في ودني بس المرة دي بړعب جديد أكيد جدي كان مديون.. أكيد كبريائه منعه يطلب مساعدة ودلوقتي أنا اللي هشيل الطين وهتسحل في ديون مش بتاعتي.
بس الست قالت جملة خلت الموبايل يقع من إيدي
جدك مكنش الشخص اللي أنتي فكراه يا ليلى.. ولازم نتقابل ضروري.
يعني إيه مش اللي أنا فكراه هو كان في مصېبة كان سارق فلوس ولا عليه ديون
مينفعش الكلام في التليفون.. تقدري تيجي المكتب النهاردة
مسافة السكة.
دخلت البنك وأنا رجلي بتخبط في بعض. استقبلتني مدام رينولدز ودخلتني مكتب صغير وهادي.
قالت وهي بتشبك إيديها البقية في حياتك يا ليلى.. أنا عارفة إنها أيام صعبة.
قطعتها وأنا بلهث قوليلي عليه كام.. هجدول الديون والله هدفع كل مليم.
الست استغربت وبصت لي بدهشة ديون إيه يا بنتي جدك مكنش مديون.. بالعكس جدك كان واحد من أكتر العملاء اللي شوفتهم في حياتي التزاما بالتوفير.
توفير إيه حضرتك أكيد غلطانة.. احنا كنا بنكح تراب.. مكناش لاقيين ندفع فاتورة الغاز!.
مالت عليا وقالت لي السر اللي قلب كياني
يا ليلى جدك جه هنا من 18 سنة وفتح حساب ائتماني تعليمي مقفول باسمك. وكان بيحط فيه فلوس كل شهر بانتظام.. مبلغ مبيلمسهوش مهما حصل.
الحقيقة نزلت عليا زي
الصاعقة.
جدي مكنش فقير.. جدي كان بيحرم نفسه بإرادته.
كل مرة قالي فيها منقدرش ندفع يا بنتي كان قصده الحقيقي مش هقدر أدفع دلوقتي لأني ببني لك مستقبلك.
طلعت مدام رينولدز ظرف من الدرج ومدتهولي.
هو أصر إني أسلمك الظرف ده أول ما تيجي.. كتبه من كام شهر.
إيدي كانت بتترعش وأنا بفتح الظرف.. ورقة واحدة بخطه المرتعش
حبيبتي ليلى
لو بتقري الكلام ده يبقى أنا مقدرتش أوصلك للجامعة بنفسي.. وده كاسر قلبي العجوز. سامحيني يا بنتي.
أنا عارف إني قولتلك لأ كتير مش كده كنت بكره نفسي وأنا بقولها بس كان لازم أعمل كده عشان أضمن إنك تحققي حلمك وتنقذي الأطفال زي ما قولتيلي زمان.
البيت ده بتاعك والفواتير مدفوعة مقدم لفترة وحسابك في البنك فيه اللي يكفيكي مصاريف جامعة وكتب وسكن.. وكمان هاتي لنفسك الموبايل الجديد اللي نفسك فيه!
أنا فخور بيكي يا نور عيني. أنا لسه معاكي.. وهفضل جنبك دايما.
بحبك.. جدك
اڼهارت.. عيطت بحړقة في وسط البنك.
لما رفعت راسي عيوني كانت وارمة بس لأول مرة من يوم ما ماټ حسيت إني مش لوحدي.. حسيت إني بتنفس.
سألت الست بصوت مبحوح المبلغ كام
بصت في الشاشة وقالت
جدك أمن مستقبلك بالكامل.. مصاريف 4 سنين جامعة سكن أكل وشرب ومصروف شهري محترم في أي جامعة حكومية تختاريها.
قضيت الأسبوع اللي بعده بقدم في الجامعات واتقبلت في أحسن كلية خدمة اجتماعية في الولاية.
وفي نفس الليلة قعدت في البلكونة بصيت للنجوم وهمست بالعهد اللي قطعته على نفسي
أنا رايحة يا جدي.. رايحة أنقذهم كلهم زي ما أنقذتني. فضلت بطلي وسندي لآخر نفس. أنت اللي وصلتني لبر الأمان.. أنت اللي عملتها.
كڈبة الفقر اللي عيشني فيها كانت أعظم فعل حب شوفته في حياتي. وحلفت إني هعيش حياة تستاهل الټضحية دي.