عليا جزء رابع بقلم زينب مصطفى

عتمان بارتباك
= ايه
سليم ببرود
= انت بتقول عليا بنت عمي ويهمني سمعتها ونسيت تقول اهم حاجه انها مراتي مرات سليم المنشاوي
وام ولاده في المستقبل.. يعني انت بتهددني انك تشوه سمعة بنت عمي ومراتي وام ولادي شوف انت الي يجروء ويعمل كده مع مرات سليم المنشاوي ايه الي ممكن اعمله فيه

عتمان وهو يحاول التماسك
= انا مبتهددش ومفيش حاجه هخسرها اكتر من الي خسرته.. عمري الي هيضيع في السج.ن وشقى عمري الي ضاع في غمضة عين

سليم ببرود
= لاء لسه فيه كتير اوي هتخسره وهيضيع منك لو نفذت الي في دماغك.. اسمعني يا عتمان وافهمني كويس طمعك خلاك تسر.ق فلوس عليا طول
السنين الي فاتت
وخلاك تطمع في ارضها وتعزبها وتحبسها ولما كبرت واتجوزت وحسيت ان الارض والفلوس هتروح منك اتنقلت من السر.قه لل.. من غير ما تعمل حساب انها بنت اخوك الي انت مربيها
او انها مراتي الي هدفعك تمن كل الي عملته اضعاف مضاعفه
عتمان وهو يبتلع ريقه بتوتر
= يبقى خلاص كل واحد يدور على مصلحته و متزعلش من الي هقوله في النيابه

سليم وهو يضحك باستخفاف
= لاء قول كل الي انت عاوزه .. مشكلتك انك مش عارف انت بتتعامل مع مين بس انا غيرك عارف انا بتعامل مع مين كويس بتعامل مع حرامي وقا*تل معندوش ذرة ضمير
وعلى الاساس ده انا اتصرفت وانا بتخيل كل الحيل القذره الي ممكن تلجأ ليها علشان تنقذ نفسك من السج.ن وسدتها عليك ومنها حيلة الطع.ن في شرف عليا
عتمان بتوجس وخوف
= تقصد ايه
سليم بسخريه
= يعني الست الي كانت عليا عندها هتشهد ان عليا صاحبة بنتها وكانت رايحه تزورها وانت دخلت واتهجمت على البيت وخطفتها منه
ولعلمك البيت كله مفيش فيه اي رجاله غير جوز الست وعمره معدي السبعين يعني استحاله يكون بينه وبين عليا حاجه
دا غير ان انا هاشهد ان عليا خرجت بأذني ومعرفتي وان انا الي موصلها هي وصحبتها ووالدتها القطر بنفسي
ورجالتي هيشهدو انهم كانو معايا وانا بوصلها يعني كل كلامك عن هروبها وراجل تاني هربت معاه تبله وتشرب ميته

عتمان بتحدي
= بس كلامي مهما كان هيخلي الناس تجيب في سيرتها و العيار الي ميصبش يدوش واظن انت مرتضاش بكده

لينهض سليم فجأه وهو يقول بقسوه
= لا يا عتمان العيار الي ميصبش عندي ي..

عتمان وهو يبتلع ريقه بخوف وتوتر
=يعني ايه تقصد تهددني

سليم بصرامه شديده اهتز لها عتمان خو.فا
= انا مبهددش انا بنفز علطول وعليا عندي خط احمر انت اتخطيته بمراحل
واخر كلام بيني وبينك احتراما لاسم المنشاوي الي انت مرمغته في الوحل
واحتراما لاسم ولادي الي مش عاوزهم يتعايرو بان جدهم قا*تل وحرامي انا هديلك مخرج للي انت فيه وعاوز اجابتك حالا قبل ما اخرج من عندك
عتمان بتوتر وهو ينظر لسليم بخوف
= عرض ايه ال هتعرضو علياا

= الجنون.. المحامي بتاعك هيدفع بانك بتعاني من الجنون والخرف وده الي خلاك تتخيل ان عليا ما.تت ود.فنتها
وخلاك تعمل كل القزاره الي عملتها معاها
ومتخافش المحامي بتاعي هيقدر يخرجك منها بمنتهى
السهوله
عتمان بغ*ضب
= عاوزني اقول على نفسي مجــ . ــنون ويحجزوني في السرايا الصفرا واضمن منين انهم يطلعوني من المستشفى بعد ما اتحجز فيها

سليم بقسوه وصرامه
= انت مش هتطلع من المستشفى الا على القب.ر وكل الي اقدر اضمنهولك ان المستشفى الي هتتحجز فيها هتكون خاصه وكبيره وقريبه في الشبه من دار المسنين
لكن خروج مش هتخرج وقبل ما.ترفض
لازم تعرف اني هوقف قدامك اكبر المحامين في البلد الي هيضمنولي انك متخرجش من السج.ن الا برضه ع القب.ر
وحتى السج.ن مش هيرحمك مني هادخل وراك الي هيوروك ايام من سوادها تتمنى انهم كانو حكمو عليك بالاعدام… قلت ايه
ليصمت عتمان بصدمه وهو يشعر بانسحاب الهواء من رئتيه
سليم وهو يغادر الغرفه ويقول بقسوه وصرامه
= انا كده وصلني ردك ومتلومش غير نفسك
عتمان بلهفه وخوف
= انا موافق بس اضمن منين انك تنفز الي قلتلي عليه
سليم بصرامه
= مفيش ضمنات غير كلمتي واظن انت عارف كلمة سليم المنشاوي ضمان لوحدها

عتمان وهو يطأطأ راسه بزل يشعر بالمصير المظل.م الزي ينتظره
= انا موافق وهعمل كل الي ها تقولي عليه
سليم بصرامه
= بعد كده كل معاملاتك هتبقى مع المحامي من النهارده انت بره حياتنا
وكل الي هيربطنا بيك هو الفلوس الي هتدفع للمصحه الي هتتحجز فيها
ليتوجه سليم للخارج ثم يتوقف فجأه بغته
= انت كل فلوسك اتحجز عليها دفعت منين للمحامي الي ماسك قضيتك و معلوما.تي ان المحامي ده مبيقبلش قضيه الا لو خد فيها ملايين جبت الفلوس دي منين
ليبتلع عتمان ريقه بتوتر وهو ينظر بخوف لسليم

في نفس التوقيت
جومانه تصل للجناح الخاص بعليا في المشفى المحتجزه فيه لتجد الممرضه المرافقه لعليا تخرج من الغرفه وتتركها وحيده بها لتدخل جومانه الغرفه وهي تتأمل الغرفه باستهزاء
= مدخل الفلاحه اكبر مستشفى في مصر وحاجز لها اكبر جناح فيها
لتنظر لعليا النائمه بسلام والغافله عن وجود جومانه بالغرفه

جومانه بكره وهي مازالت تتأمل عليا
= نومه بلا ئومه وارتاح منك ومن وجودك الي خرب حياتي
لتلتفت الى باب الغرفه وتقوم بفتحه واغلاقه بعن*ف شديد
عليا وهي تستيقظ فزعه من صوت الباب
= ايه.. في ايه.. ايه الصوت ده

جومانه وهي تجلس على مقعد مقابل فراش عليا وتضع ساق فوق ساق وتقول باسلوب متعالي
= اذيك يا عليا عامله ايه دلوقت

عليا وهي تنظر لجومانه بدهشه وتتلفت حولها وهي تشعر بانقباض قلبها بخوف لا تعرف اسبابه
= الحمد لله بقيت كويسه هو… انتي هنا من امتى و سليم فين

جومانه وهي تمط شـ,ـفتيها بخب.ث
= انا لسه جايه مبقليش دقايق.. وسليم معرفش هو فين انا جيت لقيت المكان فاضي..
لتتابع بخب.ث
= هو سليم كان هنا غريبه

عليا وهي تقول بكلما.ت متقطعه
= وغريبه ليه ..ابن عمي ..ويعني ..معايا في المستشفى مفيهاش حاجه

لتضحك جومانه بخب.ث
= احمدي ربنا انه ابن عمك وبس مش جوزك والا خطيبك والا انتي عارفه سليم كان ممكن يخلص عليكي قبل ما تعرفي ايه الي حصل من اساسه

عليا وهي تشعر بالتشوش من حديث جومانه
= انا مش فاهمه تقصدي ايه بكلامك ده

جومانه بتشفي
= ايه يا عليا انتي هتخبي علياا ما البلد كلها عارفه انك هربتي مع واحد لاسكندريه وعمك جابك من بيته وانتي في وضع يعني مش ولابد وعشان كده عمك حاول ي..ك

لتصرخ فيها عليا وهي تنهض من على الفراش بصدمه
وتقول بغ*ضب
= اخرسي ايه الكلام الفارغ الي بتقوليه ده انا اشرف منك ومن اي حد يجيب سيرتي

جومانه وهي تدعي الغ*ضب
= جرى ايه يا عليا وانا مالي ما عمك هو الي بيقول كده والناس كلها بتتكلم انا مجبتش حاجه من عندي
لتتابع بخب.ث
= دا انا حتى لما لقيتك لوحدك وسليم مش موجود قلت انه مشي بعد ما سمع الكلام الي بيتقال عشان ميتهورش ويئزيكي

لتشهق عليا بخوف وهي تقول بزهول
= يئزيني.. انتي بتقولي ايه سليم عمره ما يصدق حاجه عني ومستحيل يئزيني ابدا

جومانه بخب.ث
= طبعا يا حبيبتي عندك حق سليم عاقل واكيد هيساعدك انك تتجوزي الشاب الي كان السبب في كل الي حصلك من عمك
وعشان كده بقولك انك تحمدي ربنا انك بنت عمه بس مش مراته والا خطيبته
لتشاور على خاتم خطبتها
= دا انا لو كنت مكانك كان خلص عليا سليم بيغير علياا مو.ت وانا بحاول مسيرش غيرته بأي طريقه

لتقوم بفتح حقيبتها وتخرج منها دعوة فرح انيقه
= خدي يا حبيبتي انتي طبعا مش محتاجه عزومه
الفرح هيكون ميعاده بعد اسبوعين من دلوقتي
احنا طبعا اجلناه
لحد ما الظروف الصعبه دي تعدي
مهما كان اسم العيله وسمعتها على المحك وحياتك عندي انا كنت عاوزه أئجله لحد على الاقل تخفي والجروح البشعه الي ماليه وشك وجسمك تخف بس
سليم مرضيش
وقال كفايه اوي اسبوعين وانه مش هيقدر يستحمل اكتر من كده
لتنظر عليا لدعوة الفرح بيدها وهي تقرء الميعاد المدون عليها بزهول
= سليم هو الي حدد معاكي ميعاد الفرح
لتضحك جومانه بخب.ث
= طبعا يا حبيبتي هو الي حدد معايا الميعاد تفتكري هطبع الدعوات وهوزعها من غير موافقته
عموما مبسوطه اني اطمنت عليكي واعزريني مش هعرف ازورك مره تانيه انتي عارفه هبقى مشغوله أد ايه في تجهيزات الفرح يلا باي واكيد هبقى اشوفك في الفرح
لتتركها وتغادر وعليا رأسها يغلي مابين ماسمعته
عن الفضيحه المنتشره حولها وسليم الزي مازال يخطط للزواج من جومانه وكأن لا قيمه لوجودها بحياته
لتتوجه للحمام التابع للغرفه وتغلق عليها الباب من الداخل وهي تتأمل باشمئزاز وجهها الممتلئ بالجروح والكدما.ت
لتتزكر كلما.ت جومانه عن الفضيحه التي يتحدث عنها
الجميع
لتقول بزهول وهي تضر.ب يدها على وجهها بقوه
= يا مصيبتي يا مصيبتي ليه كده يا عمي حرام عليك يا ريتك كنت مو.تني اهون
لتعود بزاكرتها لكلما.ت جومانه عن غيرة سليم عليها وزواجهم الوشيك
و تحديده معها موعد الزفاف وبطاقاث الدعوه التي قامت بتوزيعها بالفعل لتنظر لدعوة الفرح وهي ما.تزال في بدها بزهول
ليدق باب الحمام وتالين تقول باستفهام
= عليا انتي جوه يا حبيبتي
لتجلس عليا على ارض الحمام وهي تشعر بدوار ولا تشعر بتالين التي بدء طرقها يتصاعد بخوف على باب الحمام
لتقول بزهول ودموعها تتساقط
= يعني ايه كل ده كدب كل ده بيتسلى ببنت عمه الغبيه الي من كتر حبها فيه سمحتله يخطب واحده تانيه وهي لسه على زمته
لتهز رأسها برفض
= لاء مستحيل سليم بيحبني وعمره ما هيعمل كده فيا ..اكيد جومانه بتكذب علياا
ليتصاعد صوت الطرقات بشده لترفع عليا رأسها
بعن*ف وهي تميز صوت والدتها الخائف ثم صوت سليم
وهو يحاول كس.ر باب الحمام
لتنهض عليا بتصميم وتتوجه لباب الحمام وتفتحه بهدوء
لتصدم بتجمع العديد من العاملين بالمشفى وبوالدتها التي ترتعد من الخوف عليها
وتالين التي تبكي في حض.ن والدتها خو.فا عليها واخيرا سليم بوجهه الشاحب بشده وهو يندفع اليها و يأخذها بين زراعيه بلهفه
= عليا انتي كويسه يا حبيبتي مبترديش علينا ليه

لتدفعه عليا بقسوه بعيدا عنها وهي تقول بمراره
= دعوة الفرح دي بتاعتك

سليم وهو ينظر لدعوة الفرح بدهشه
= مين الي اداكي الدعوه دي

عليا ودموعها تتساقط رغما عنها
= جومانه خطيبتك كانت هنا ..كانت جايه تعزمني على فرحكم
لينظر سليم باستخفاف للدعوه التي في يده
= عليا انا كنت جاي وعاوز افهمك
لتقاطعه عليا بمراره
= حاجه واحده بس الي عاوزه افهمها انت قعدت مع جومانه وحددت معاها ميعاد الفرح ذي ما بتقول

سليم بتوتر وهو ينظر للجمع الملتف حولهم يشاهد بفضول مايحدت
= أيوه يا عليا خلينا نقعد و….. لتقاطعه صفعه قويه على وجهه من عليا وسط زهول الجميع
وهي تتابع بمراره
= طلقني..

الفصل السادس والعشرين

دوى صوت صفعة عليا لسليم وكأنها قنبله اص*ابت كل من بالغرفه بالدهشه والزهول وأولهم عليا التي تراجعت للخلف وهي تشعر بصدمه مما فعلته لاتقل عن صدمة الموجودين حولها و بخوف شديد من ردة فعل سليم
الزي تجمد في وقفته بزهول وهو يستوعب بصعوبه ما فعلته عليا به على الملاء امام الجميع
سليم بصوت بارد كالثلج
= كل الي في الاوضه يطلع بره.. مش عاوز حد يفضل هنا غير عليا وبس

لينسحب الطبيب ومن معه للخارج بحرج
الحاجه رابحه وهي تنظر لوجه ابنتها الشاحب من شدة الخوف وتحاول تهدئة سليم
= معلش يا بني امسحها فيا انت عارف انها تعبانه والي حصلها خلاها تتصرف من غير عقل

عليا بتحدي تحاول ان تظهر شجاعه لا تشعر بها
=انا مش مجــ . ــنونه ياماما عشان اتصرف من غير عقل

سليم بغ*ضب شديد
=اخرسي.. انتي تخرسي خالص مش عاوز اسمع صوتك والا مش هبقى مسئول عن الي هعمله

والدة سليم برجاء
= طيب امشي انت دلوقت لحد ما تهدى وبعدين ابقى
تعالى واتفاهم معاها براحتك بلاش تتعاتبو وانتو الاتنين غ*ضبانين

تالين برجاء وهي تؤيد كلام والدتها
= ايوه ياسليم اسمع كلام ماما

سليم بفروغ صبر
= اتفضلو بره مش عاوز حد يتدخل بيني وبين مراتي بلاش تختبرو صبري اكتر من كده

غادرت والدته الغرفه وهي تشعر بقلة الحيله تتبعها تالين وهي تنظر لعليا بتعاطف
الحاجه رابحه وهي تربت على يد عليا بتعاطف
= طيب يا بني انا هخرج بس امانه عليك متئساش عليها وتراعي انها لسه تعبانه

لتغادر هي الاخرى الغرفه بتردد ويقوم سليم بغلق باب الغرفه من الداخل وهو يتأمل عليا الواقفه امامه بتحدي
عليا بتحدي وغ*ضب يغزيه كلما.ت جومانه المسمومه لها
= انت بتقفل الباب من جوه ليه فاكرني هخاف انا مش خايفه منك

سليم ببرود وهو ينظر لها بتقييم
= عارف انك مش خايفه وده بيثبت ليا أد ايه انك فعلا سازجه لاني في اللحظه دي عاوز ا..ك
واخلص من كل المشاكل الي ملت حياتي من ساعة ماعرفتك
ليتابع بقسوه وهو يتابع الصدمه التي ارتسمت على
وجهها من اثر كلما.ته
= وعشان تبقي فاهمه كلامي كويس
المشاكل الي بقول عليها مش مشاكلك مع عتمان او غيره لان دي مشاكل انا فاهم كويس انك ملكيش يد فيها .. المشاكل الي اقصدها موجوده فيكي انتي في طريقة تفكيرك وفي تصرفاتك

عليا وهي تجلس بضعف على طرف الفراش
= طبعا لازم تقول كده مش خلاص فرحك على الست جومانه كمان اسبوعين لازم ابقى انا الي وحشه وتصرفاتي غلط
سليم بعن*ف وغ*ضب مكبوت وهو يتوجه اليها ويرفعها لتواجه وجها لوجه
= غبيه وهتفضلي غبيه هتفضلي طول عمرك كلمه توديكي وكلمه تجيبك انا مش عارف كنت هتجوز طفله ذيك كده ازاي…
مش شايفه اي حاجه غلط في تصرفاتك ..طيب قوليلي
مين الراجل الي يتحمل انه يجيب مراته من مكان مشبوه من وسط رجاله كانو عاوزين يغـ,ـتصبوها
عشان كانت مصاحبه واحده مشبوهه وراحت للاغتـ,ـص*اب برجليها بسبب شوية كلام اهبل عن سر.قه وايصالات وكلام ميخشش عقل طفل صغير
وبرضه بسبب قلة ثقتك فيا بدل ما.تحكيلي وانا اساعدك روحتي لمصير اسوء من المو.ت برجليكي.. ها هنا مغلطيش
ليشحب وجه عليا بشده والدموع تتجمع في عينيها
والكلما.ت تهرب منها فلا تستطيع الاجابه عليه
سليم وهو يتابع بقسوه
= مفيش اي ثقه بينا اي خلاف ما بينا علطول طلقني وتهربي ..
مين واحده محترمه تهرب في نص الليل من بيتها بفستان ميفرئش كتير عن قميص النوم مفكرتيش
انك ممكن تقابلي حد ممكن يطمع فيكي وانتي ماشيه لواحدك في نص الليل بفستان شفاف وسط الغيطان…دا حتى لما وصلتي القطر رحتي قعدتي في بيت ست متعرفيش عنها حاجه
مش يمكن كانت واحده شمال وبتضحك عليكي علشان تروحي معاها
و بسبب قلة ثقتك في كلامي عرضتي نفسك لكل انواع الاخطار الي ممكن تقابل واحده ست..
لكن طبعا وده يهم في ايه اهم حاجه
اهرب من سليم ..
وبعدها دخلنا في عتمان ومحاولته ..ك الي كانت ممكن تنجح بمنتهى البساطة لو اتاخرت دقايق عنك
وده كله كان ممكن ميحصلش لو كنتي ذي اي واحده عاقله بتحترم جوزها وعندها ثقه فيه
وختمتيها بانك ترفعي ايدك علياا قدام كل الموجودين من غير اي احترام ليا اوحتى خوف من رد فعلي وده ليه
= ده لاني دلعتك ..بتغلطي واسامحك من غير عقاب بالعكس ببرر ليكي الغلط من كتر حبي وخوفي عليكي
بس خلاص كل ده انتهى
ليتابع بصرامه
= انتي عاوزه تتطلقي وانا هنفذلك طلبك ..وحالا لو عاوزه انا كل الي مانعني كلام الناس مش عاوز حد يربط بين طلاقنا وبين الي عمله عتمان معاكي

عليا بشراسه وكلما.ته القاســ . ــيه تجلدها بشده
= ملكش دعوه بكلام الناس انا عاوزه اطلق حالا
سليم بقسوه
= مش قلتلك غبيه.. اقعدي مع والدتك وشوفي انتو عاوزين ايه والي هتطلبوه هنفذه حالا

عليا و دموعها تتساقط دون ارادتها
= وانت بقى البرئ الي مبيغلطش خالص.. خطوبتك لواحده غيري مش غلط..
اني ابقى انا في السر وهي في العلن ده مش غلط..
انها تخطط لجوازها منك فرح وفستان وزفاف كان حلم عمري اني اكون انا الي جنبك فيه مش غلط..
انك تقعد معاها وانا في المستشفى بين الحيا والمو.ت وتحدد ميعاد فرحك منها وكأني من غير أي قيمه عندك ده مش غلط..
لكن في النهايه انت عندك حق انا الي غلطانه وسازجه ومعدومة الشخصيه وطفله مينفعش ابقى مرات سليم بيه المنشاوي..

سليم بعصبيه وقد اوشك غ*ضبه ان يفلت منه
= كل الكلام الي بتقوليه ده اتكلمنا فيه مليون مره قبل كده وبررته واتأسفت عنه برضه مليون مره وتصرفاتك الغبيه الي من غير تفكير هي برضه الي دفعتني اني اقولك الكلام ده دلوقتي
وبعدين ممكن اعرف امتى قعدت معاها وحددت ميعاد الفرح وانا مبعدتش عنك ولا لحظه من اول دقيقه وانا جنبك متحركتش ولا خرجت الا النهارده عشان مشوار حياه او مو.ت مكنش ينفع يتأجل

عليا وهي تشعر ببداية دوار يجتاحها
= تقصد ايه
سليم بصرامة
= اقصد ان ميعاد الفرح متحدد من قبل هروبك من العزبه وانا مرضيتش ابلغك بيه عشان متعزبيش نفسك بتخيلات ملهاش لازمه.. واظن برضه انا قولتلك اني هخدك واسافر يوم الفرح ومش هنرجع غير وانا مطلقها
يعني مقعدتش معاها وحددت الفرح وانتي بين الحياه والمو.ت ذي ما بتقولي

عليا بصوت خافت ودموعها تتساقط و تشعر بازدياد الدوار برأسها
= انا سألتك وانت قولت…
سليم وهو يقاطعها بانعدام صبر
= انا مش فاكر انتي سئلتي ايه وانا جاوبت بايه انا جيت من بره لقيت تالين ووالدتك ووالدتي بيخبطو عليكي وانتي مبترديش طبيعي اني اتخيل انه حصلك حاجه
وطبيعي اني مبقاش مركز في حاجه الا انك تكوني كويسه وبخير ولو كنتي صبرتي شويه كنت فهمتك كل حاجه من غير الدراما الي عملتيها قدام كل الموجودين

عليا وهي ترفع وجهها اليه بتوتر وأمل
= كنت هتفهمني ايه
سليم وهو مازال غ*ضبه مشتعلا
= الي كنت هقوله.. كنت هقوله لمراتي وحبيبتي لكن دلوقتي انا وانتي ولاد عم وبس وكل الي من حقك تعرفيه ان موضوع عمك عتمان خلص وطلع من حياتك خالص
عليا بدهشه
= خلص اذاي مش هو المفروض لسه في النيابه

سليم بصرامه اخافتها
= ميخصكيش خلص اذاي كل الي يخصك انه مبقاش يقدر يأذيكي تاني وان ميراثك هتستلميه كامل ومعاه كل الفلوس الي سر.قها عتمان السنين الي فاتت
ليتابع بسخريه
= تقدري تعيشي حياتك بحريه من غير هرب ومن غير واحد يتحكم في لبسك وشغلك وحياتك وبيهين كرامتك وعاوز يتجوز عليكي ..ذي ماقلتلك لو عاوزه تتطلقي دلوقتي انا هبعت اجيب المأزون ونتطلق حالا
ولو عاوزه نستنى لما موضوع عتمان يهدى انا هستنى اكراما لوالدتك ولعمي الله يرحمه انتي مهما كان بنت عمي وسمعتك تهمني

عليا وهي تجلس بزهول على طرف الفراش وهي تستمع لكلما.ته القاســ . ــيه فاصراره على طلاقها يدهشها فعلى الرغم من طلبها الطلاق منه الا انها وفي داخلها كانت تعرف مدى حبه وتمسكه بها لتفاجأ بموافقته على طلبها للطلاق واصراره عليه لتنظر اليه بدهشه كأنه
شخص غريب عنها يجلدها بكلما.ته بقسوه شديده غير معتاده عليها منه لتتزكر كلما.ت جومانه عن حديث الكل عن سمعتها
وعن تحدثهم عن محاولة عتمان ..ها بسبب هروبها مع شخص اخر ..لتتحدث داخلها بألم… اكيد مش هيتجوز واحده سمعتها بقت على كل لسان وكلامه صح انا بعد الي اتقال عني بقيت منفعش ابقى ام ولاده انا كده فهمت هو مصمم على الطلاق ليه هو عنده حق
سليم وهو ينظر لها بصرامه
= عليا انا بكلمك.. اقعدي مع والدتك وشوفي انتو عاوزين الطلاق امتى
لتهز عليا رأسها بطاعه وهي تشعر بانسحاب الطاقه من داخل جسدها
= حاضر
لتذيد من دهشته وهي تتراجع للخلف على الفراش وتضع رأسها على الوساده وتغلق عينيها وتنام
= انتي بتعملي ايه
ليواجهه الصمت وعليا تستسلم لنوم اقرب للغيبوبه
سليم وهو يشعر بالخوف من ملامحها الشاحبه بشده
ليرفعها بين يديه بفزع وهو يحاول ايقاظها
= عليا مالك فوئي انتي كويسه

عليا وهي تفتح عينيها بتعب
= انا كويسه مفيش حاجه انا بس عاوزه انام

سليم وهو يتنهد براحه ويضمها بخوف لداخل صد*ره ويمرر يده على شعرها بحنان و يتأمل ملامح وجهها الشاحبه وعينيها الممتلئتان بالدموع
= مفيش نوم انا هنادي على ماما رابحه تيجي تدخل معاكي الحمام وتساعدك تاخدي دوش عشان تفوئي

عليا بحنق وهي تبتعد عنه و تصعد مره اخرى للفراش
وقد استفزها تحكمه فيها حتى وهو يخبرها بانفصاله عنها
= ملكش دعوه بيا انام والا اقوم انت مالك خليك في جومانه خطيبتك ومتدخلش في اي حاجه تخصني بعد كده
لتتابع باستفزاز وهي تضغط بتأكيد على كلما.تها
= متدخلش في الي ملكش فيه تاني يا ابن عمي وبعد كده متلمسنيش غير في حدود انك ابن عمي وبس
انا احب احافظ على نفسي للانسان الي هارتبط بيه بعد كده

لتتراجع عليا بخوف لاخر الفراش وسليم يتجه اليها ببطئ وهدوء
= عارف لو عملت حاجه فيا هصوت وألم عليك المستشفى كلها
سليم وهو يسيطر سريعا على عليا التي كانت تحاول الهروب لتجد نفسها محاصره فوق الفراش وسليم
يعتليها وهو يرفع يديها فوق رأسها ويكبلهم معا بيد واحده ويده الاخرى تضغطها الى جسده بحميميه شديده
عليا وهي تشهق بفزع وتحاول التنصل منه
= انت بتعمل ايه انت اتجننت.. ابعد احسنلك.. هصوت والم عليك المستشفى
سليم وهو يبتسم بقسوه والغيره تعمي عينيه ويده تعبث بالازرار الاماميه لثوبها حتى ظهر الجزء العلوي من جسدها امام عينيه